សាកលវិទ្យាល័យត្រាវិញ
ចាត់តាំងពិធីអំណរបុណ្យចូលឆ្នាំថ្មី២០១៨
រៀងរាល់ឆ្នាំចាប់ពីចុងខែមីនាដល់ពាក់កណ្តាលខែមេសា សាកលវិទ្យាល័យត្រាវិញ តែងប្រារព្ធសកម្មភាពវប្បធម៌ សិល្បៈនិងល្បែងប្រជាប្រិយ ដើម្បីអំណរបុណ្យចូលឆ្នាំថ្មី។ សកម្មភាពនេះ ទាក់ទាញនិស្សិត គ្រូបង្រៀន បេក្ខសិស្ស អ្នកគាំទ្ររបស់សាលា ព្រមទាំងសិស្សានុសិស្សនិងគ្រូបង្រៀននៃសាលាមធ្យមសិក្សាចំណេះទូទៅជនជាតិអន្តេវាសិកក្នុងខេត្ត និងនិស្សិតកម្ពុជាចូលរួមរាប់ពាន់នាក់។
កម្មវិធីសម្តែងសិល្បៈអំណរបុណ្យចូលឆ្នាំថ្មី២០១៨។
សាកលវិទ្យាល័យត្រាវិញ គឺជាមជ្ឈមណ្ឌលបណ្តុះបណ្តាលវប្បធម៌និងសិល្បៈខ្មែរណាមបូ ម្ល៉ោះហើយការរៀបចំពិធីប្រឡងចម្រៀងនិស្សិតខ្មែរឬល្បែងប្រជាប្រិយនៅក្នុងសាលារៀន បានបង្កនូវបរិយាកាសយ៉ាងពុះពោរ។ ឆ្លងតាមរយៈនោះក៏រកឃើញនិស្សិតជាច្រើនរូប មានទេពកោសល្យខាងចម្រៀងនិងសំដែងលេីឆាក ជួយឲ្យសាលាជ្រើសរើសបានប្រភពសម្រាប់បំពាក់បំប៉ន ទេពកោសល្យបម្រុងចូលរួមពិធីប្រឡងធំៗ ម៉្យាងទៀតញាុំងឲ្យនិស្សិតមានក្តីជំនឿលើខ្លួនឯង ពេលឡើងសម្តែងលើឆាកក៏ដូចជាការហាត់ពត់លត់ដំក្នុងការសិក្សា។ ការប្រឡងនៅឆ្នាំនេះ ក៏ជាឱកាសសម្រាប់និស្សិតកម្ពុជាចូលរួមដោះដូរវប្បធម៌សិល្បៈជាមួយនិស្សិតនៃសាកលវិទ្យាល័យត្រាវិញនិងសិស្សានុសិស្សនៃសាលាចំណេះទូទៅជនជាតិអន្តេវាសិកនានានៅក្នុងខេត្ត ដោយមានប្រភេទសិល្បៈយ៉ាងសម្បូរបែប ដូច៖ ចម្រៀង របាំ សម្តែង។ល។ “ខ្ញុំមានសេចក្តីរីករាយណាស់ ពេលតំណាងឲ្យនិស្សិតកម្ពុជាចូលរួមប្រឡងចម្រៀងអំណរបុណ្យចូលឆ្នាំថ្មីនេះ ជាអនុស្សាវរីយ៍ដែលមិនអាចបំភ្លេចបានក្នុងជីវិតនិស្សិតរបស់ខ្ញុំនៅសាកលវិទ្យាល័យត្រាវិញ ប្រទេសវៀតណាម” ប្អូនណុតផែន និស្សិតកម្ពុជាបានចែករំឡែកដូច្នេះ។
បន្ទាប់ពីការរៀបចំចម្រៀងនិស្សិតខ្មែរសម្រេចជោគជ័យ សាលាក៏បានប្រារព្ធកម្មពិធីរាត្រីសមោសរសិល្បៈ សំដែងនូវបទចម្រៀងនិងឈុតសម្តែងដែលទទួលបានរង្វាន់នៅក្នុងពិធីប្រឡង និងកម្មវិធីដោះដូរសិល្បៈអំណរបុណ្យចូលឆ្នាំថ្មី២០១៨។ រាត្រីសមោសរនៅទាំងមានឈុតសម្តែង របាំ ចម្រៀងចាប៉ី និងការសម្តែងបទភ្លេងដោយចានរបស់សិប្បករ សិល្បករនៃក្រុមសិល្បៈរស្មីប្រទិបខេត្តត្រាវិញ។ នៅក្នុងកម្មវិធីនេះ សាលាក៏បានជូនអាហារូបករណ៍១៤ ចំណែកដល់និស្សិតដែលមានស្ថានភាពលំបាកដោយទឹកប្រាក់៥០០ពាន់ដុង/ចំណែក។
លោកស្រីថាច់ធីយ៉ឹង វិទ្យាធិការរងនៃសាកលវិទ្យាល័យត្រាវិញ ឲ្យដឹង៖ “សកម្មភាពអំណរបុណ្យចូលឆ្នាំថ្មី២០១៨ បានចាត់តាំងឡើងសម្រេចជោគជ័យ ដោយមានខ្លឹមសារយ៉ាងសម្បូរបែប ទាក់ទាញបាននិស្សិតចូលរួមយ៉ាងច្រើនកុះករ។ បណ្តាឈុតរបាំ បទចម្រៀងស្ងើចសរសើរនូវមាតុភូមិប្រទេសជាតិ ក៏ជាវិធីដើម្បីពង្រីកអភិរក្សតម្លៃវប្បធម៌សិល្បៈរបស់ជនរួមជាតិខ្មែរ”។ តាមប្រសាសន៍របស់វិទ្យាធិការរង ថាច់ធីយ៉ឹងការដែលរៀបចំទីលានកម្សាន្តដ៏មានប្រយោជន៍យ៉ាងនេះ នឹងជួយឲ្យនិស្សិតលត់ដំបាននូវទេពកោសល្យ អភិវឌ្ឍបាននូវមុខជំនាញក៏ដូចជាមានឱកាសដោះដូរសិល្បៈវប្បធម៌ជាមួយនិស្សិតកម្ពុជា ព្រមទាំងបង្កបានចំណាប់អារម្មណ៍ល្អពីសាកលវិទ្យាល័យត្រាវិញផងដែរ៕
ប៊ិញង្វៀន-សុផន
-
ធ្វឹងហ្វា ជំរុញសក្តានុភាពទេសចរណ៍ភ្ជាប់ជាមួយវប្បធម៌ខ្មែរ
- ភូមិរបរត្បាញបន្ទោះប្រពៃណីរបស់ជនរួមជាតិខ្មែរនៅដាយអាង
- បើកកម្មវិធីដោះដូរវប្បធម៌ - ពាណិជ្ជកម្មវៀតណាម - ជប៉ុន នៅទីក្រុងកឹងធើ ឆ្នាំ ២០២៦
- សិប្បករឆ្នើម ថាច់សាង៖ អ្នកថែរក្សាព្រលឹងសិល្បៈរបាំបុរាណខ្មែរ
- ត្រៀមលក្ខណៈរួចរាល់សម្រាប់រដូវកាលប្រណាំងទូក ង
- ពិធីប្រណាំងគោនៅវត្តរោទ៍-លក្ខណៈវប្បធម៌ខ្មែរដ៏ល្អនៅតំបន់បៃណូយ
- ការអនុវត្តនិងធ្វើឱ្យរីកសាយភាយប្រព័ន្ធតម្លៃជាតិ ប្រព័ន្ធតម្លៃវប្បធម៌ ប្រព័ន្ធតម្លៃគ្រួសារ និងបទដ្ឋានរបស់មនុស្សវៀតណាម
- រក្សាអត្តសញ្ញាណវប្បធម៌ ឆ្លងតាមម្ហូបអាហារប្រពៃណីខ្មែរ
- ព្រឹត្តិការណ៍បង្កើតសម្ទុះសម្រាប់ទេសចរណ៍កាម៉ាវ
- ថែរក្សាវប្បធម៌ខ្មែរផ្តើមពីតម្លៃប្រពៃណី
-
យុវជនខ្មែរបន្តរក្សាវប្បធម៌ពីជំនាន់មួយទៅជំនាន់មួយ
- ពិធីបើកសប្តាហ៍ម្ហូបអាហារទីក្រុងកឹងធើ ឆ្នាំ២០២៦ និងប្រកាសដាក់ឱ្យប្រើប្រាស់ប្រព័ន្ធទេសចរណ៍ឆ្លាតវៃទីក្រុងកឹងធើ
- បង្រៀនអក្សរ របាំ រក្សាព្រលឹងវប្បធម៌ខ្មែរ
- សកម្មភាពពិសេសៗជាច្រើននៅទិវាវប្បធម៌វៀតណាម និងបុណ្យអកអំបុក ប្រណាំងទូក - ង ឆ្នាំ២០២៦
- ថ្នាក់បង្រៀនរបាំខ្មែរឥតគិតថ្លៃនៅសង្កាត់មីស្វៀង
- អភិរក្សសូរសៀងភ្លេងពិណពាទ្យ – រក្សាព្រលឹងវប្បធម៌ខ្មែរណាមបូ
- ថាច់ហ្វិញឡុក – សិប្បករវ័យក្មេងសម្បូរទេពកោសល្យ
- អាវបំពង់វែង សម្លៀកបំពាក់របស់នារីខ្មែរបុរាណ
- របរធ្វើកន្ទេលក្រហមរបស់ជនរួមជាតិខ្មែរ
- យុវជនចូលចិត្តទូក - ង ខ្នាតតូចប្រពៃណីដើម្បីផ្តើមអាជីព
