សហករណ៍កសិកម្ម ង៉ុកថាច់ រួមចំណែកកសាងជនបទថ្មី
ផ្តើមសកម្មភាពទើបតែ ២ ឆ្នាំ ប៉ុន្តែសហករណ៍កសិកម្ម ង៉ុកថាច់ នៅភូមិអំពាំងវែង ឃុំញ៉ីទ្រឿង ស្រុកកូវង៉ាង ខេត្តត្រាវិញ បាននិងកំពុងដំណើរការឆ្ពោះទៅកាន់ជំហានថ្មី ជួយមាមីងខ្មែរចាកផុតពីភាពក្រីក្រ រួមចំណែកជាមួយភូមិភាគកសាងជនបទថ្មី។
សមាជិកសហករណ៍កសិកម្ម ង៉ុកថាច់ កំពុងប្រមូលផលម្ទេស។
សហករណ៍កសិកម្ម ង៉ុកថាច់ បង្កើតក្នុងឆ្នាំ ២០១៩ ដោយមានសមាជិកជាមាមីងខ្មែរចំនួន ១០ នាក់។ មកទល់ពេលនេះ សហករណ៍មានសមាជិកឡើងដល់ទៅ ៣៥ នាក់ ជំនាញខាងដាំដុះនិងផ្គត់ផ្គង់បន្លែគ្រប់ប្រភេទ ដូច៖ ម្ទេស ឃ្លោក ត្រឡាច ត្រប់សណ្ដាយនិងប៉េងប៉ោះ។ល។ លោកថាច់យឿង ប្រធានសហករណ៍កសិកម្ម ង៉ុកថាច់ ឱ្យដឹង៖ “សហករណ៍តែងបង្កលក្ខណៈដល់កសិកររកបានប្រាក់ចំណូលលំនឹងជីវភាព។ ទន្ទឹមនឹងនោះ ឧបត្ថម្ភកសិករពីរបៀបអនុវត្តវិទ្យាសាស្ត្របច្ចេកទេស ពូជដំណាំ សម្ភារៈនិងការថែទាំ ឬការបង្ការប្រភេទសត្វល្អិតស៊ីបំផ្លាញលើដំណាំរួមផ្សំ។ ពិសេស សហករណ៍គឺជាដើមទងក្នុងការចងសម្ព័ន្ធដើម្បីរកទីផ្សារលក់គ្រប់មុខ ទំនិញកសិផលរបស់មាមីងជាមួយតម្លៃសមរម្យបំផុត។ មធ្យមភាគក្នុងមួយឆ្នាំ សហករណ៍ផ្គត់ផ្គង់ពូជដំណាំរួមផ្សំគ្រប់ប្រភេទចំនួន ១០០.០០០ ដើម ជូនមាមីងក្នុងឃុំដោយរូបភាពផ្សេងៗដូច៖ សងមុន ៥០% ឬទុកដល់ចុងរដូវសងលុយក៏បាន”។
ពិនិត្យកូនម្ទេសពូជដើម្បីផ្គត់ផ្គង់ដល់សមាជិក។
មិនត្រឹមតែបានផ្គត់ផ្គង់ពូជដំណាំល្អប៉ុណ្ណោះទេ សមាជិកថែមទាំងបានសហករណ៍ធានាច្រកចេញសម្រាប់កសិផលទៀតផង។ ពូថាច់រស្មី នៅភូមិត្រពាំងវែង ឱ្យដឹង៖ “ពេលចូលរួមសហករណ៍ ខ្ញុំបានហ្វឹកហាត់វិទ្យាសាស្ត្របច្ចេកទេស និងធានាទិញកសិផល។ សំខាន់គឺខ្ញុំដាំម្ទេស ប្រើប្រាស់ពូជថ្មី ម្ទេសឆាប់លូតលាស់ល្អ ទិន្នផលសម្រេច ៣ តោន/កុង។ ពោលគឺសហករណ៍ទិញក្នុងតម្លៃខ្ពស់ជាងខាងក្រៅពី ៣០០-៥០០ ដុង/គ.ក។ រដូវកន្លងហើយ ទិន្នផលម្ទេសខ្ពស់ជាង ១,៥ ដង បើប្រៀបធៀបនឹងពូជម្ទេសកន្លងមកមុននេះ។ មានពេលខ្លះ ម្ទេសបានផលមានតម្លៃខ្ពស់ ម្ទេសមួយកុង ចំណេញបានជាង ៧ លានដុង”។ ការអភិវឌ្ឍរបស់សហករណ៍ នៅទាំងបង្កើតបានការងារថ្មីជាច្រើន រួមចំណែកបង្កើនប្រាក់ចំណូលដល់ប្រជាជនភូមិភាគផង។ អ្នកមីង សឺនធីផានី នៅឃុំញ៉ីទ្រឿង ឱ្យដឹង៖ “ខ្ញុំធ្វើការឈ្នួលក្នុងសហករណ៍ រកបានប្រាក់ចំណូល ១៥០.០០០ /ថ្ងៃ។ ខ្ញុំធ្វើកិច្ចការ មានដូច៖ បណ្តុះគ្រាប់ម្ទេស ដាក់ចូលថង់ បេះម្ទេស រើសបេះស្លឹកខ្ទឹម។ល។ ឃើញថាការងារស្រាលងាយស្រួល”៕
សឺនម៉ាល័យ-លីសៀ
-
គំរូលេចធ្លោក្នុងការចលនារៀនសូត្រធ្វើតាមគំរូអ៊ំ
- កម្មាភិបាលអស់ពីចិត្តជាមួយនឹងការងារសម្រុះសម្រួល
- ក្រុងកឹងធើ គិតគូរបានល្អដល់ជនជាតិភាគតិច
- កសាងទម្រង់អនុវត្តបច្ចេកវិទ្យាគុណកម្មពូជផ្សិតជាលក្ខណៈវត្ថុរាវ និងផលិតផ្សិតជាអាហារ ផ្សិតជាឱសថនៅក្រុងកឹងធើ
- ភាពវិវត្តន៍នៅស្រុកជនបទថ្មីកម្រិតខ្ពស់
- នាយិកាសាលា រក្សាព្រលឹងវប្បធម៌ខ្មែរខេត្តត្រាវិញ
-
ក្រុងកឹងធើ គិតគូរបានល្អដល់ជនជាតិភាគតិច
- កម្មាភិបាលអស់ពីចិត្តជាមួយនឹងការងារសម្រុះសម្រួល
- កសាងទម្រង់អនុវត្តបច្ចេកវិទ្យាគុណកម្មពូជផ្សិតជាលក្ខណៈវត្ថុរាវ និងផលិតផ្សិតជាអាហារ ផ្សិតជាឱសថនៅក្រុងកឹងធើ
- អស់ពីចិត្តនឹងអាជីពជាគ្រូបង្រៀន
- "ម្លប់" ក្នុងមជ្ឈដ្ឋានសារព័ត៌មានភាសាខ្មែរនៅវាលរាបទន្លេគឺវឡុង
- រឿងរ៉ាវអតីតព្រះសង្ឃខ្មែរមួយអង្គនៅកាម៉ាវ
