មហាសាមគ្គីជនជាតិ ភូមិស្រុកផ្លាស់ថ្មី

09/06/2025 - 15:14

ឃុំជនបទថ្មីគំរូ ថាញ់ភឿក

តាមប្រសាសន៍លោក ង្វៀងវៀតណាមង៉ី អនុប្រធានការិយាល័យក្រុមប្រឹក្សាប្រជាជន - គណៈកម្មាធិការប្រជាជនស្រុកយ៉ុងរៀង ខេត្តគៀងយ៉ាង ថាញ់ភឿកគឺជាឃុំដំបូងបង្អស់របស់ស្រុក ហើយក៏ជាឃុំមួយក្នុងចំណោមឃុំចំនួន ៣ របស់ខេត្តសម្រេចបទដ្ឋានឃុំជនបទថ្មីគំរូ។

នេះជាដងផ្លូវតភ្ជាប់ឃុំថាញ់ភឿកនិងឃុំថើយដុង ក្រុងកឹងធើ។ ហេដ្ឋារចនាសម្ព័ន្ធបានសម្រេចរួចរាល់ បង្កលក្ខណៈងាយស្រួលដើម្បីប្រជាជនលើកកម្ពស់ជីវភាពសម្ភារៈនិងស្មារតី។ ផ្តើមពីនោះ រួមចំណែកជាមួយនឹងភូមិភាគកសាងជោគជ័យឃុំជនបទថ្មីគំរូ។

ឃុំថាញ់ភឿក បានសម្រេចបទដ្ឋានជនបទថ្មីនៅឆ្នាំ ២០១៧ និងសម្រេចឃុំបទដ្ឋានជនបទថ្មីកម្រិតខ្ពស់នៅឆ្នាំ ២០២៣។ ក្រោយពី ១ ឆ្នាំផ្សព្វផ្សាយកសាងឃុំជនបទថ្មីគំរូ ថាញ់ភឿក កៀរគរប្រភពទុនបានជាង ៦៦ ពាន់លានដុង; ក្នុងនោះ ប្រជាជន អាជីវកម្មនិងសប្បុរសជន បានរួមវិភាគទានជាង ១១ ពាន់លានដុង ដើម្បីអនុវត្តសំណង់ គម្រោងវិនិយោគកសាងជាសារវន្តក្នុងការកសាងជនបទថ្មីគំរូ។ បច្ចុប្បន្ន ឃុំបន្តរក្សាលំនឹងនូវលក្ខឋានជនបទថ្មីកម្រិតខ្ពស់ទាំង ១៩ ឃើញថាជីវភាពសម្ភារៈនិងស្មារតីរបស់ប្រជាជនបានកែលម្អ និងលើកកម្ពស់ដោយឥតឈប់ឈរ។ ផ្តើមពីនោះ ប្រាក់ចំណូលមធ្យមភាគលើមនុស្សម្នាក់របស់ឃុំក្នុងឆ្នាំ ២០២៤ សម្រេចបាន ៨០,៦ លានដុង/ឆ្នាំ។ អត្រាគ្រួសារក្រីក្រនៅលើភូមិសាស្រ្តឃុំសរុប ០,៩៥% ។ ការងារផ្លាស់ប្តូរឌីជីថលនៅលើភូមិសាស្រ្តឃុំ បានបន្តជំរុញយ៉ាងខ្លាំងក្លា ក្នុងនោះ ភូមិថាញ់ផុង បានទទួលស្គាល់ជាភូមិឆ្លាតវៃ មានហេដ្ឋារចនាសម្ព័ន្ធអ៊ីនធឺណិត បណ្ដាញខ្សែកាប និងព័ត៌មានចល័ត ៤G/៥G គ្របដណ្តប់ភូមិសាស្រ្ត១០០%។

ពេលហេដ្ឋារចនាសម្ព័ន្ធព័ត៌មានទាក់ទង បានវិនិយោគព្រមៗគ្នា ប្រជាជនស្ទាត់ជំនាញក្នុងការប្រើប្រាស់កម្មវិធីបច្ចេកវិទ្យាសម្រាប់ទូទាត់ការទិញទំនិញ ផ្សព្វផ្សាយផលិតផលនៅលើទីផ្សារពាណិជ្ជកម្មអេឡិចត្រូនិក។ល។ ហេតុនោះ ទើបបង្កើនប្រាក់ចំណូល។ ពិសេស គឺទ្រង់ទ្រាយសារគមនាគមន៍ដ៏សម្បូរបែប ជួយឱ្យប្រលើកកម្ពស់ការយល់ដឹងនិងយល់ច្បាស់ពីការផ្លាស់ប្តូររបស់សង្គម។ បងស្រី ដាវធីម៉ូយ នៅភូមិថាញ់ផុង ឱ្យដឹង៖ “ខ្ញុំទិញផ្លែឈើពីផុងដៀង ក្រុងកឹងធើ មកលក់នៅផ្សារថាញ់ភឿក។ ដោយសារមានប្រព័ន្ធព័ត៌មានទំនាក់ទំនងទំនើប ទើបខ្ញុំមិនចំណាយពេលទៅដល់កន្លែង។ ពេលជាប់រវល់ ខ្ញុំអាចឆែកមើលតាម Zalo បញ្ជាក់តម្លៃរួចផ្ទេរប្រាក់។ ការផ្ទេរប្រាក់សងតាមធនាគារក៏ល្អម្យ៉ាងដែរ ពីព្រោះវាកត់ត្រារាល់ការដោះដូរទាំងអស់ មិនអាចប្រកែកបានឡើយ”។

ប្រការពិសេសគឺ គណៈកម្មាធិការប្រជាជនឃុំថាញ់ភឿក មានលក្ខណៈជំរុញអនុវត្តព័ត៌មានវិទ្យាក្នុងការដោះស្រាយបែបបទរដ្ឋបាល ម្ល៉ោះហើយ សំណុំបែបបទរដ្ឋបាលជាង ៩២,៣៥% បានដោះស្រាយត្រូវតាមពេលកំណត់។ ផ្តើមពីនោះ ជួយប្រជាជនធ្វើក្រដាសស្នាមបានងាយស្រួល។ ផ្អែកលើមូលដ្ឋានជនបទថ្មីគំរូ ឃុំថាញ់ភឿក បន្តអភិវឌ្ឍនូវទម្រង់ផលិតកម្មជាច្រើនផ្តល់ប្រាក់ចំណូលពី ១០០ លានដុង/ហិកតា/ឆ្នាំឡើងទៅ។ ទន្ទឹមនឹងនោះ ឧបត្ថម្ភមូលដ្ឋានផលិតនិងធ្វើអាជីវកម្ម ទាក់ទាញបានកម្មករជាច្រើនដែលទំនេរ ឧទ្ទេសនាមលក់ផលិតផល OCOP ដូចជា៖ ងៀតត្រីស្លូញ ត្រីផ្ទក់នៅលើទំព័រព័ត៌មានអេឡិចត្រូនិក។ល។ ទន្ទឹមនឹងនោះ ថែរក្សាដងផ្លូវ មានដាំផ្កា ដាំដើមឈើលម្អ និងដំឡើងអំពូលភ្លើងបំភ្លឺផ្លូវ ដើម្បីបន្តរក្សាទេសភាពបរិស្ថានភ្លឺ-បៃតង-ជ្រះ-ស្អាតជាដើម៕

ហាថាញ-វិមាន

ចែករំលែកអត្ថបទ

ពាក្យគន្លឹះ