កំសាន្ត រឿងពីនេះពីនោះ

13/11/2026 - 08:17

ប្រកាសផ្សាយគំរូនិមិត្តសញ្ញាទិវាវប្បធម៌វៀតណាម

ក្រសួងវប្បធម៌ កីឡានិងទេសចរណ៍ ទើបតែចេញសេចក្តីសម្រេច ស្តីពីការអនុម័តគំរូនិមិត្តសញ្ញា ដើម្បីប្រើប្រាស់ជាផ្លូវការក្នុងសកម្មភាពផ្សព្វផ្សាយទិវាវប្បធម៌វៀតណាម (ថ្ងៃទី២៤ ខែវិច្ឆិកា)។

គំរូនិមិត្តសញ្ញានៃទិវាវប្បធម៌វៀតណាម។

តាមរយៈនោះ គំរូនិមិត្តសញ្ញាត្រូវបានរចនាឡើងដោយការរួមបញ្ចូលពណ៌ឆ្លាស់គ្នា ដែលតំណាងឱ្យអត្តសញ្ញាណវប្បធម៌ដ៏សម្បូរបែប និងចម្រុះពណ៌នៃបណ្តាជនជាតិវៀតណាម។ អន្តរកម្មរវាងកណ្ចុំផ្កាយពណ៌បង្កបានជាចង្វាក់រស់រវើក បង្ហាញពីបរិយាកាសពិធីបុណ្យ ក្តីរីករាយ និងសុភមង្គលរបស់ប្រជាជនក្នុងទិវាវប្បធម៌វៀតណាម។

ទន្ទឹមនឹងនោះ កញ្ចុំផ្កាយពណ៌នីមួយៗនៅទាំងតំណាងឱ្យភាពចម្រុះនៃប្រភេទរូបភាពសិល្បៈ និងវិស័យវប្បធម៌ ព្រមទាំងការប្រទាក់ក្រឡា ផ្សារភ្ជាប់ និងរីកសាយភាយ។ នៅចំកណ្តាលនិមិត្តសញ្ញា គឺជារូបភាពស្គរស្ពាន់ដែលបានរចនាយ៉ាងប្រណីត និងរំលេចយ៉ាងច្បាស់ ដើម្បីតំណាងឱ្យប្រភពដើមប្រវត្តិសាស្ត្រ អត្តសញ្ញាណ និងភាពរឹងមាំគង់វង្សនៃវប្បធម៌ជនជាតិវៀតណាម។

រូបភាពស្គរស្ពាន់បានព័ទ្ធជុំវិញដោយកញ្ចុំផ្កាយពណ៌នីមួយៗ បង្ហាញពីការប្រមូលផ្ដុំ ការបន្តវេននិងការលើកកម្ពស់តម្លៃវប្បធម៌ប្រពៃណី បង្កើតជាមូលដ្ឋានគ្រឹះនិងកម្លាំងចលករសម្រាប់ការអភិវឌ្ឍវប្បធម៌វៀតណាមក្នុងសម័យថ្មី។

គំរូនិមិត្តសញ្ញាទិវាវប្បធម៌វៀតណាមបានផ្ញើរដល់គ្រប់អង្គភាព និងភូមិភាគទាំងអស់។ ក្រសួងវប្បធម៌ កីឡានិងទេសចរណ៍ សំណូមពរឱ្យសកម្មភាពផ្សព្វផ្សាយទិវាវប្បធម៌វៀតណាម ត្រូវផ្សារភ្ជាប់ជាមួយ នឹងគំរូនិមិត្តសញ្ញា ធានាការឯកភាព ព្រមៗគ្នានិងបង្កឥទ្ធិពលសាយភាយយ៉ាងទូលំទូលាយ៕

យ្វីខូយ - ថាច់ធី

ចែករំលែកអត្ថបទ

ពាក្យគន្លឹះ