ដំណាក់សុខាភិបាលឃុំដាឡុក ធ្វើល្អការងារថែទាំសុខភាពប្រជាជន
ដំណាក់សុខាភិបាលឃុំដាឡុក ស្រុកចូវថាញ់ ខេត្តត្រាវិញ បានវិនិយោគគ្រប់សព្វគ្រឿងបរិក្ខារពេទ្យ ធានាដល់ការងារថែទាំសុខភាពប្រជាជនក្នុងពេលជំងឺ COVID - ១៩ ឆ្លងរាលដាល។
បុគ្គលិកនៃដំណាក់សុខាភិបាលដាឡុក ធ្វើតេស្តជ្រើសសម្រាំងក្នុងសហគមន៍។
វេជ្ជបណ្ឌិត វ៉ធីហុង ប្រធានស្តីទីដំណាក់សុខាភិបាលឃុំដាឡុក បានឱ្យដឹង៖ “អនុវត្តផែនការលេខ ៧២/KH-UBND ចុះថ្ងៃទី ១៧ ខែសីហា ឆ្នាំ ២០២១ របស់គណៈកម្មាធិការប្រជាជនខេត្តត្រាវិញ អំពីការធ្វើតេស្តដល់អ្នកដែលសង្ស័យឆ្លងជំងឺ COVID-១៩ លើភូមិសាស្ត្រខេត្ត គណៈកម្មាធិការប្រជាជនឃុំដាឡុក ប្រមូលផ្តុំធនធានមនុស្ស ឆ្លៀតឱកាសរយៈពេលអនុវត្តគម្លាតសង្គម ដើម្បីធ្វើតេស្តរហ័ស សំដៅរកឃើញ និងញែកករណី F0 ចេញពីសហគមន៍ឱ្យបានទាន់ពេល។ ចាប់ពីថ្ងៃទី ១៨ ខែសីហា រហូតមកដល់ពេលនេះ តាមរយៈការធ្វើតេស្តរហ័ស ជ្រើសសម្រាំងក្នុងសហគមន៍ចំនួន ៣ លើក ចំពោះមនុស្ស ១.៣៥០ នាក់ តែមិនទាន់ប្រទះឃើញករណីឆ្លងជំងឺ COVID-១៩។ ទន្ទឹមនឹងការងារបង្កា ប្រឆាំងជំងឺ COVID-១៩ ដំណាក់សុខាភិបាល ក៏អនុវត្តមានប្រសិទ្ធភាពវិធានការបង្កា ប្រឆាំងជំងឺគ្រុនចាញ់ របេង កង្វះអាហារូបត្ថម្ភ និងជំងឺ HIV/AIDS។ ចាត់តាំងឱ្យកុមារចំនួន ៨៧ នាក់ អាយុចាប់ពី ៦ ដល់ ៦០ ខែ ផឹកវីតាម៉ីន A ។ ចាក់ VAT 2 សម្រាប់ស្ត្រីមានផ្ទៃពោះចំនួន ៤២ នាក់ ចាក់ថ្នាំកញ្ជ្រឹល Rubella ឱ្យកុមារចំនួន ៦៥ នាក់”។
វេជ្ជបណ្ឌិត វ៉ធីហុង កំពុងពិនិត្យជំងឺជូនប្រជាជននៅដំណាក់សុខាភិបាល។
លោកហ្វិញម៉ែត នៅភូមិចុងទង់ ឱ្យដឹង៖ “ខ្ញុំពេញចិត្តយ៉ាងខ្លាំងចំពោះអាកប្បកិរិយាថែទាំអ្នកជំងឺរបស់គ្រូពេទ្យនិងវេជ្ជបណ្ឌិតនៅទីនេះ។ ពិសេស ចំពោះការប្រែប្រួលយ៉ាងស្មុគស្មាញនៃជំងឺ COVID - ១៩ ក្រុមគ្រូពេទ្យ វេជ្ជបណ្ឌិតនៃដំណាក់សុខាភិបាល បានផ្តែផ្តាំយ៉ាងច្បាស់លាស់ពីការអនុវត្តសារ ៥K មិនត្រូវភ័យស្លន់ ត្រូវហូបឆ្អិនផឹកឆ្អិន និងធ្វើលំហាត់ប្រាណ ដើម្បីការពារសុខភាពផ្ទាល់ខ្លួននិងគ្រួសារ” ។
លោកថាច់ទ្រុកលី អនុលេខាគណៈកម្មាធិការបក្សឃុំដាឡុក វាយតម្លៃ៖ “ជាមួយនឹងលទ្ធផលដែលដំណាក់សុខាភិបាលឃុំសម្រេចបានក្នុងឆ្នាំ ២០២១ រួមចំណែករក្សាខ្ជាប់កិត្តិនាមដំណាក់សុខាភិបាលឃុំសម្រេចបទដ្ឋានជាតិ។ គុណភាពការពារនិងថែទាំសុខភាពប្រជាជនត្រូវបានលើកកម្ពស់។ ដំណាក់សុខាភិបាល ក៏បានធ្វើសេនាធិការទាន់ពេលជូនគណៈកម្មាធិការបក្ស និងគណៈកម្មាធិការប្រជាជន ឃុំអនុវត្តល្អនូវកម្មវិធីសុខាភិបាលជាតិ” ៕
សើុងម៉ាល័យ-លេងមី
-
គ្រប់យ៉ាងដើម្បីអនាគតកូនៗ
- ឃុំឡុងភូ៖ រីកសាយភាយទឹកចិត្តបរិច្ចាគឈាមស្ម័គ្រចិត្ត
- ចាប់ពីថ្ងៃទី១៧ ដល់ថ្ងៃទី២១ ខែមិថុនា បេក្ខសិស្សអនុវត្តការចុះឈ្មោះគោលបំណងពិនិត្យជ្រើសរើសសាកលវិទ្យាល័យ
- សំឡេងអានមេរៀនកងរំពងនៅទីវត្តអារាម
- បណ្តុះអក្សរនាឱកាសវិស្សមកាល
- ការផ្ដល់របបអាហារូបត្ថម្ភពីដំបូងសម្រាប់កុមារ
- ភាពអ៊ូអរនៃថ្នាក់រៀនអក្សរខ្មែររដូវវិស្សមកាលនៅភូមិស្វាយមីង
- ជំរុញកម្លាំងលើកទឹកចិត្តបន្ថែមនៅខាងក្រៅបន្ទប់ប្រឡង
- ផ្សព្វផ្សាយអប់រំច្បាប់នៅក្នុងសាលារៀន
- ទីក្រុងកឹងធើ ត្រៀមរួចរាល់សម្រាប់សម័យប្រឡងសញ្ញាបត្រមធ្យមសិក្សាចំណេះទូទៅ ឆ្នាំ២០២៦
-
ថែទាំសុខភាពដោយឥតគិតថ្លៃជូនជនជាតិភាគតិច
- ប្រសិទ្ធភាពពីគោលនយោបាយឧបត្ថម្ភធានារ៉ាប់រងសុខាភិបាលដល់ជនជាតិភាគតិច
- ខេត្តកាម៉ាវ៖ មនុស្សម្នាក់ស្លាប់ និងពីរនាក់មានសភាពធ្ងន់ធ្ងរ ដោយសង្ស័យថាពុលជាតិមេតាណុល
- សាលាវិទ្យាល័យទាំងឡាយ បានត្រៀមជាស្រេចសម្រាប់សម័យប្រឡងសញ្ញាបត្រមធ្យមសិក្សាចំណេះទូទៅ ឆ្នាំ២០២៦
- អភិរក្សភាសាជនជាតិផ្តើមពីការអប់រំរបស់គ្រួសារ
- បណ្តាវិទ្យាល័យជនជាតិអន្តេវាសិក ត្រៀមកាងារជ្រើសសិស្ស
- ទីក្រុងកឹងធើ បណ្តុះបណ្តាលភាសាខ្មែរដល់កម្មាភិបាល យុទ្ធជនន គរបាលចំនួន ៤០ នាក់
- កិច្ចប្រជុំពិភាក្សាការចាត់តាំងពិនិត្យសុខភាពតាមកាលកំណត់ និងការពិនិត្យរកជំងឺជូនប្រជាជន
- សាលាមធ្យមសិក្សាបាលី-ខ្មែរ ខេត្តវិញ្ញឡុង ទទួលស្វាគមន៍សិក្ខាកាមនៃសាលាមធ្យមសិក្សាបាលីណាមបូ ទីក្រុងកឹងធើ
- វិញឡុង៖ សាលាមធ្យមសិក្សាបាលី - ខ្មែរ បូកសរុបឆ្នាំសិក្សា ២០២៥ - ២០២៦
