សុខភាព - អប់រំ អប់រំ

01/06/2026 - 21:16

វិញឡុង៖ សាលាមធ្យមសិក្សាបាលី - ខ្មែរ បូកសរុបឆ្នាំសិក្សា ២០២៥ - ២០២៦

សាលាមធ្យមសិក្សាបាលី - ខ្មែរ ខេត្តវិញឡុង បានចាត់តាំងពិធីបូកសរុបឆ្នាំសិក្សា ២០២៥ - ២០២៦ និងដាក់ចេញទិសដៅ ភារកិច្ចសម្រាប់ឆ្នាំសិក្សា ២០២៦ - ២០២៧។

ក្នុងឆ្នាំសិក្សាកន្លង សាលានៅតែបន្តទទួលបានការយកចិត្តទុកដាក់ពីសំណាក់ថ្នាក់ដឹកនាំនៃវិស័យអប់រំ ព្រះមេគណពុទ្ធសាសនាទក្ខិណនិកាយខ្មែរ និងសមាគមព្រះសង្ឃសាមគ្គីស្នេហាជាតិខេត្ត។ ការងារបង្រៀន និងរៀនបានផ្សព្វផ្សាយត្រឹមត្រូវតាមកម្មវិធី ជំរុញខ្លាំងការអនុវត្តបច្ចេកវិទ្យាព័ត៌មាន ផ្លាស់ប្តូរឌីជីថល និងបញ្ញាសិប្បនិម្មិត (AI) ក្នុងការគ្រប់គ្រង និងការបង្រៀន។

អ្នកតំណាង លោកគ្រូ អ្នកគ្រូ និងសិក្ខាកាម ចូលរួមក្នុងពិធីបូកសរុបឆ្នាំសិក្សា ២០២៥ – ២០២៦ នៅសាលាមធ្យមសិក្សាបាលី-ខ្មែរ។

ឆ្នាំសិក្សា ២០២៥ - ២០២៦ សាលាមានសិក្ខាកាមចំនួន ២១៧ អង្គនិងរូប។ លទ្ធផលនៃការសិក្សា និងការលត់ដំខ្លួនសម្រេច ១០០%; អត្រាជាប់ថ្នាក់សម្រេច ៩៨,២%; អត្រារក្សាចំនួនសិក្ខាកាមសម្រេច ៩៧,៣%។ ចំពោះផ្នែកវិជ្ជាបាលី - ខ្មែរ អត្រាបញ្ចប់ការសិក្សាសម្រេច ៩៥,៩៥%។ ការងារគ្រប់គ្រងអន្តេវាសិកដ្ឋាន ការគិតគូរជីវភាពសិក្ខាកាម និងផ្តល់ការប្រឹក្សាតម្រង់ទិសវិជ្ជាជីវៈបានអនុវត្តយ៉ាងមានប្រសិទ្ធភាព។ ទន្ទឹមនឹងលទ្ធផលសម្រេចបាន សាលានៅជួបការលំបាកមួយចំនួនដូច៖ ខ្វះបុគ្គលិកបណ្ណាល័យ បុគ្គលិកកិច្ចការសាលា និងសុខាភិបាលសាលារៀន; ហេដ្ឋារចនាសម្ព័ន្ធមិនទាន់ឆ្លើយតបបានពេញលេញតាមតម្រូវការសិក្សា និងការរស់នៅ; សិក្ខាកាមមួយចំនួនមិនទាន់ព្យាយាមក្នុងការសិក្សានៅឡើយ។

ឆ្នាំសិក្សា ២០២៦ - ២០២៧ សាលាមធ្យមសិក្សាបាលី - ខ្មែរ បន្តលើកកម្ពស់គុណភាពអប់រំ ជំរុញខ្លាំងការផ្លាស់ប្តូរឌីជីថល អនុវត្ត AI ក្នុងការបង្រៀន បង្កើនការអប់រំសីលធម៌ បំណិនជីវិត និងលើកកម្ពស់ប្រសិទ្ធភាពគ្រប់គ្រងអន្តេវាសិកដ្ឋាន ទន្ទឹមនឹងនោះ ជាជំហានធ្វើឱ្យសុក្រឹតមូលដ្ឋានសម្ភារៈ ដើម្បីឆ្លើយតបនឹងតម្រូវការផ្លាស់ថ្មីនៃការអប់រំក្នុងដំណាក់កាលបច្ចុប្បន្ន៕

ទីទុយ -មេងលី

ចែករំលែកអត្ថបទ

ពាក្យគន្លឹះ