សម្ដីអសីលធម៌ អាសអាភាស ស្លៀកខើចលើខើចក្រោម ក្នុងពិធីបុណ្យទាននឹងត្រូវពិន័យដល់ ៥០០.០០០ ដុង
រដ្ឋាភិបាល ទើបចេញអនុក្រឹត្យលេខ ៣៨/២០២១ /NĐ-CP ស្តីពីសេចក្ដីកំណត់ពិន័យរដ្ឋបាលក្នុងវិស័យវប្បធម៌និងការផ្សាយពាណិជ្ជកម្ម។ តាមរយៈនោះ ការនិយាយស្ដីអសីលធម៌ អាសអាភាស ស្លៀកពាក់ខើចលើខើចក្រោម ក្នុងពិធីបុណ្យទានផ្សេងៗអាចត្រូវពិន័យជាទឹកប្រាក់ខ្ពស់បំផុតឡើងដល់ ៥០០.០០០ ដុង។
ការដុតក្រដាសប្រាក់មិនត្រង់កន្លែងដែលបានកំណត់នៅក្នុងពិធីបុណ្យទានផ្សេងៗ អាចត្រូវពិន័យជាទឹកប្រាក់ពី ២០០-៥០០ពាន់ដុង។ រូបថតជាឧទាហរណ៍
ដូចជា ការអុជធូប ដុតក្រដាសប្រាក់មិនត្រង់កន្លែងកំណត់នៅក្នុងពិធីបុណ្យទាន ក៏អាចត្រូវពិន័យពី ២០០-៥០០ ពាន់ដុងដែរ។ ជាមួយកម្រិតពិន័យនេះ នៅមានទង្វើផ្សេងៗទៀត ដូច៖ ការនិយាយស្ដីអសីលធម៌ អាសអាភាស ប៉ះពាល់ដល់ជំនឿសាសនា ធ្វើឱ្យជះឥទ្ធិពលដល់បរិយាកាសសក្ការបូជានៃពិធីបុណ្យ។ ស្លៀកពាក់មិនសមនឹងប្រពៃណីវប្បធម៌វៀតណាម។
អនុក្រឹត្យក៏បានកំណត់ពីការស្លៀកពាក់ពាក្យសម្តី សម្លេង រូបភាព កាយវិការ មធ្យោបាយនៃការសម្ដែង បែបបទនៃការសម្តែង ខុសឆ្គងនឹងទំនៀមទម្លាប់ប្រពៃណីរបស់ជនជាតិ នឹងត្រូវពិន័យ ពី ២៥-៣០ លានដុង។ ក្រៅពីនោះ ទង្វើផ្សេងៗទៀត ដូចជាការសម្តែងសិល្បៈដោយបញ្ចេញឥរិយាបថខុសឆ្គងមិនសមស្របនឹងវប្បធម៌ប្រពៃណីវ័យភេទ។ ការសម្តែងសិល្បៈការប្រឡងសមោសរសិល្បៈដែលមានខ្លឹមសារបញ្ឆេះឱ្យកើតអំពើហិង្សា មានខ្លឹមសារបំភ្លៃប្រវត្តិសាស្ត្រ ប៉ះពាល់ដល់ជំនឿ សាសនា៘ ក៏ត្រូវពិន័យជាទឹកប្រាក់កម្រិតនេះដែរ។
ចំពោះវិស័យអាជីវកម្ម Karaoke រង្គសាល រដ្ឋាភិបាលក៏កំណត់ពិន័យទឹកប្រាក់ពី ១០-១៥ លានដុង ប្រសិនបើបម្រើសេវាកម្មរង្គសាលដល់អ្នកមានអាយុក្រោម ១៨ ឆ្នាំ ឬធ្វើអាជីវកម្មសេវាកម្ម Karaoke ខុសពីម៉ោងកំណត់គឺពីម៉ោង ៨ ព្រឹកដល់ម៉ោង ១២ យប់។
ចំពោះសកម្មភាពផ្សាយពាណិជ្ជកម្មលើកម្មវិធីទូរទស្សន៍ អនុក្រឹត្យនេះក៏មានបទប្បញ្ញត្តិជាច្រើនដែលគួរចាប់អារម្មណ៍។ ជាក់ស្តែងដូចជា៖ ពិន័យ តាំងពី ៥០ លានដល់ ១០០ លានដុង ប្រសិនផ្សាយពាណិជ្ជកម្មក្នុងកម្មវិធីផ្សាយព័ត៌មានផ្សាយពាណិជ្ជកម្មលើសពីរដងក្នុងកម្មវិធីភាពយន្តលើស្ថានីយទូរទស្សន៍ ផ្សាយពាណិជ្ជកម្មម្តងលើស ៥ នាទីក្នុងកម្មវិធីភាពយន្ត។ល។
អនុក្រឹត្យនេះ មានសុពលភាពចាប់ពីថ្ងៃ ១/៦/ ២០២១ ៕
យោង៖ baodantoc.com.vn-លេងមី
-
នារីខ្មែរម្ចាស់ការដាំដំណាំផ្លាស់ប្តូរពូជដំណាំសុវត្ថិភាព
- បង្កការលោតផ្លោះជាក់ស្តែងក្នុងការអភិវឌ្ឍវិទ្យាសាស្ត្រ បច្ចេកវិទ្យា ផ្លាស់ថ្មីច្នៃប្រតិដ្ឋនិងផ្លាស់ប្តូរឌីជីថល
- ផ្លូវខេត្ត ៩២១ រលូន អ្នកបោះឆ្នោតរីករាយខណៈពេលសំណើរបានដោះស្រាយត្រឹមត្រូវ
- ហានិភ័យគ្រោះថ្នាក់ចរាចរណ៍ខណៈពេលហាត់ប្រាណលើផ្ទៃផ្លូវ
- កសិករដាំដំណាំបម្រើទីផ្សារក្នុងឱកាសបុណ្យចូលឆ្នាំថ្មី
- ទីក្រុងកឹងធើ ពង្រីកទម្រង់ផលិតស្រូវគុណភាពខ្ពស់និងបញ្ចេញឧស្ម័នទាប
-
សារលិខិតលេខ ៨២៩/BVHTTDL-PC៖ ផ្តោតសំខាន់លើការផ្សព្វផ្សាយច្បាប់ស្តីពីការបោះឆ្នោតជ្រើសតាំងតំណាងរដ្ឋសភា និងតំណាងក្រុមប្រឹក្សាប្រជាជន
- រីកចម្រើនផ្ដើមពីកម្មវិធីទិសដៅជាតិ
- លើកកម្ពស់សមត្ថភាពព្យាករណ៍ ទប់ស្កាត់និងធានាសន្តិសុខប្រភពទឹកសម្រាប់តំបន់វាលរាបទន្លេគឺវឡុង
- លើកកម្ពស់ជីវភាពប្រជាជន
- ផ្លូវខេត្ត ៩២១ រលូន អ្នកបោះឆ្នោតរីករាយខណៈពេលសំណើរបានដោះស្រាយត្រឹមត្រូវ
- ៦០-៧០% ផ្ទៃដីអនុវត្តគម្រោងមួយលានហិកតាស្រូវដែលមានចងសម្ព័ន្ធផលិត - លក់ដូរជាមួយអាជីវកម្ម
