គោលនយោបាយ -ការរស់នៅ ការរស់នៅ

14/07/2025 - 10:00

លំនឹងជីវភាពដោយសារប្រភពទុនគោលនយោបាយ

ជាមួយនឹងភាពផ្លាស់ថ្មីដោយឥតឈប់ឈរអំពីខ្លឹមសារនិងវិធីសាស្ត្រសកម្មភាពជាក់ស្តែង សមាគមកសិករឃុំតឹងថាញ់ ក្រុងកឹងធើ បានជួយឱ្យសមាជិកនិងកសិករជាច្រើន បំផុតគឺសមាជិកជនរួមជាតិខ្មែរ បង្កើនប្រាក់ចំណូលឈានឡើងធូរធារ។

ទម្រង់ចម្ការ ស្រះក្រោល ជួយឱ្យគ្រួសារពូឡឹមជុង នៅភូមិកកូរ ឃុំតឹងថាញ់ ក្រុងកឹងធើ លំនឹងជីវភាព។ រូបថត៖ ថាញវ៉ាង

កំណត់ច្បាស់ការឧបត្ថម្ភសមាជិកអភិវឌ្ឍសេដ្ឋកិច្ច គឺជាភារកិច្ចដ៏សំខាន់ជាច្រើន ឆ្នាំមកនេះ សមាគមកសិករឃុំតឹងថាញ់ បានផ្សព្វផ្សាយអនុវត្តនូវកម្មវិធីជាក់ស្តែងជាច្រើន ដូចជា៖ ឧបត្ថម្ភទុន ចែករំលែកបទពិសោធន៍ផលិតកម្ម។ល។ ឆ្លងតាមរយៈនោះ មានទម្រង់រកស៊ីចិញ្ចឹមជីវិតជាច្រើនប្រកបដោយប្រសិទ្ធភាព ផ្ដល់ប្រភពចំណូលខ្ពស់ ជួយសមាជិកលំនឹងជីវភាព។ តួយ៉ាងដូចគ្រួសារ ពូឡឹមជុង នៅភូមិកកូរ ជាគ្រួសារឈានឡើងធូរធារអាស្រ័យប្រភពទុនបុលពីធនាគារគោលនយោបាយសង្គម។ ស្ថានភាពគ្រួសារលំបាក ដីបង្កបង្កើនផលតិចតួច នៅឆ្នាំ ២០១០ ដោយឃើញទម្រង់ចិញ្ចឹមគោមានប្រសិទ្ធភាព ពូឡឹមជុង បានបុលទុនពីធនាគារគោល នយោបាយសង្គមស្រុក ឆ្លងតាមរយៈសមាគមកសិករឃុំ ដើម្បីអនុវត្តទម្រង់ចិញ្ចឹមគោ។

ពូជុង ចែករំលែក៖ “ដំបូងដោយសារមិនទាន់មានបទពិសោធន៍ ដើមទុនតិច ហេតុនោះខ្ញុំទិញគោមេ ១ ក្បាល។ ក្រោយមកដោយសារបានរៀនសូត្រពីរបៀបថែទាំ និងចូលរួមវគ្គហ្វឹកហ្វឺនវិទ្យាសាស្ត្រ-បច្ចេកទេស។ល។ ហេតុនោះ ទម្រង់ចិញ្ចឹមគោរបស់ខ្ញុំជាសន្សឹមៗនាំមកប្រសិទ្ធភាព។ ក្រោយពីលក់ជាច្រើនលើកប្រមាណ ១២ ក្បាល បានទឹកប្រាក់ជាង ៣០០ លានដុង ឥឡូវគ្រួសារខ្ញុំនៅចិញ្ចឹមគោ ៤ ក្បាល”។ ដោយឆ្លៀតប្រើប្រាស់ផ្ទៃដីស្រះខាងក្រោយផ្ទះ ឆ្នាំ ២០២១ គាត់វិនិយោគចិញ្ចឹមកង្កែប ៥០.០០០ ក្បាល។ តាមប្រសាសន៍ពូជុង ក្នុងមួយឆ្នាំគាត់ចិញ្ចឹម ៤ លើក មួយលើកៗ ៥០.០០០ ក្បាល ក្រោយពីចិញ្ចឹម ៣ ខែ ប្រមូលផលបានជាង ៦០០ គីឡូក្រាម លក់ដោយតម្លៃពី ៤៥.០០០ - ៥០.០០០ ដុងក្នុងមួយគីឡូក្រាម។ គ្រួសារគាត់រកបានប្រាក់ចំណូលប្រមាណ ១២០ លានដុងក្នុងមួយឆ្នាំ ពីការចិញ្ចឹមគោ កង្កែប ហេតុនោះជីវភាពគ្រួសារគាត់បានកែលម្អជាបណ្តើរៗ។

ចំណែកគ្រួសារពូគឹមសាយ នៅភូមិកកូរផង ដែរគ្រួសារគាត់ស្ថិតក្នុងក្របខ័ណ្ឌគ្រួសារក្រីក្រ ឆ្នាំ ២០១៤ បានរដ្ឋអំណាចមូលដ្ឋានពិនិត្យនិងឧបត្ថម្ភគោបង្កាត់ស៊ីន ១ ក្បាល ចំណុះគម្រោង Heifer ដោយសារឧស្សាហ៍ព្យាយាមថែទាំ ហេតុនោះគោឆាប់ធំធាត់ ហើយឆ្នាំណាគោក៏កើតកូនទាំងអស់។ តាមប្រសាសន៍ពូសាយ គោពូជតាំងពីគាត់ចិញ្ចឹមមកកើតកូនបាន ៩ ក្បាល គាត់លក់ ៦ក្បាលបានប្រាក់ប្រមាណ១២០លានដុង និងសងកូនគោ ១ ក្បាលទៅគម្រោងវិញ។ ដោយឃើញចិញ្ចឹមគោមិនសូវបង់កម្លាំងថែទាំ ហើយចំណីគោ សំខាន់គឺអនុផលកសិកម្ម ម្ល៉ោះហើយឆ្នាំ ២០២១ គាត់បុលទុលពីធនាគារគោលនយោបាយសង្គម ៥០ លានដុង ដើម្បីបើកទូលាយក្រោលចិញ្ចឹម។ ដោយការស៊ូទ្រាំលំបាករៀនសូត្របទពិសោធន៍ចិញ្ចឹមសត្វ ហេតុនោះគោរបស់គាត់ធំធាត់ល្អ ថ្មីៗនេះគាត់ទើបលក់គោ ២ ក្បាល ដោយតម្លៃ ៤៤ លានដុង បច្ចុប្បន្ន ក្នុងក្រោលនៅគោមេ ៤ ក្បាល គោឈ្មោល១ក្បាល។ ពូសាយ បង្ហើបឱ្យដឹង៖ “ពីដើមជីវភាពលំបាកណាស់ ក្រោយមកដោយសារមានប្រភពប្រាក់ចំណូលពីការចិញ្ចឹមគោ ហេតុនោះ ទើបជីវភាពគ្រួសារខ្ញុំបានលំនឹងជាបណ្តើរៗ និងចាកផុតពីភាពក្រីក្រ”។

លោកត្រេវកីមហ្វា ប្រធានសមាគមកសិករ ឃុំតឹងថាញ់ ឱ្យដឹង៖ “ប្រភពទុនអនុគ្រោះពីធនាគារគោលនយោបាយសង្គម តែងរួមដំណើរជាមួយសមាជិកនិងកសិករជាសន្សឹមៗបង្កើតការងារធ្វើ បង្កលក្ខណៈអភិវឌ្ឍន៍ទម្រង់សេដ្ឋកិច្ចប្រកបដោយប្រសិទ្ធភាព។ សមាគមនឹងបង្កើនកិច្ចសហការជាមួយផ្នែកជំនាញ បើកវគ្គហ្វឹកហ្វឺន ផ្ទេរជូនវិទ្យាសាស្ត្រ-បច្ចេកទេស និងជំរុញប្រភពទុនអនុគ្រោះ ដើម្បីសមាជិកបើកទូលាយទម្រង់រកស៊ី បង្កើនប្រាក់ចំណូល ឈានឡើងធ្វើមានដោយសមហេតុសមផល”៕

ថាញវ៉ាង-វិមាន

ចែករំលែកអត្ថបទ

ពាក្យគន្លឹះ