គោលនយោបាយ -ការរស់នៅ ការរស់នៅ

29/10/2025 - 09:08

ប្រសិទ្ធភាពនៃគោលនយោបាយជនជាតិនៅតំបន់ជនជាតិភាគតិច

រយៈពេលកន្លង អាស្រ័យអនុវត្តមានប្រសិទ្ធភាពគោលនយោបាយជនជាតិ ទើបជីវភាពសម្ភារៈនិងស្មារតីរបស់ជនជាតិភាគតិចនៅទីក្រុងកឹងធើ បានលើកកម្ពស់ពីមួយថ្ងៃទៅមួយថ្ងៃ ជួយឱ្យប្រជាជនលំនឹងជីវភាព អភិវឌ្ឍការផលិត ព្រមទាំងជំរុញការអភិវឌ្ឍចីរភាពតំបន់ជនជាតិភាគតិចនៅទីក្រុងកឹងធើ។

គ្រួសារបងស្រីថាច់ធីហុង(ខាងស្ដាំ) បានឧបត្ថម្ភសង់ផ្ទះថ្មី។

ដោយមានចំនួនប្រជាជន ៧៥% ជាជនជាតិភាគតិច រយៈពេល ៥ ឆ្នាំកន្លង ឃុំទ្វឹងហ្វា បានផ្សព្វផ្សាយប្រកបដោយប្រសិទ្ធភាពនូវកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាល២០២១-២០៣០ ដំណាក់កាលទី១ (២០២១-២០២៥)។ ភូមិភាគបានប្រគល់ថវិកាជិត២០ពាន់លានដុងសម្រាប់អនុវត្តគម្រោង “ដោះស្រាយស្ថានភាពកង្វះដីធារផ្ទះ សង់លំនៅឋាន ដីផលិត និងទឹកស្អាតប្រើប្រាស់” ក្នុងនោះ បានឧបត្ថម្ភសង់លំនៅឋាន ផ្លាស់ប្ដូរមុខរបរនិងផ្គត់ផ្គង់ទឹកស្អាតប្រើប្រាស់ដល់គ្រួសារក្រីក្រ គ្រួសារក្បែរក្រ សរុបថវិកាជាង ៦,៥ ពាន់លានដុង។

គ្រួសារបងស្រីថាច់ធីហុង នៅភូមិភឿកក្វើយ ឃុំទ្វឹងហ្វា ជាគ្រួសារក្បែរក្របានទទួលការឧបត្ថម្ភសង់ផ្ទះថ្មីតម្លៃ៦០លានដុង។ នៅដើមឆ្នាំ២០២៥ ផ្ទះថ្មីបានសាងសង់រួចរាល់នាំមកក្ដីរីករាយជូនគ្រួសារគាត់។

បងស្រីហុង បានចែករំលែកដោយក្ដីរំភើប៖ “ខ្ញុំត្រេកអរខ្លាំងណាស់! ពេលមានផ្ទះសម្បែងរឹងមាំដូច្នេះ កាលនៅផ្ទះចាស់រដូវទឹកជន់គឺលិចគ្មានសល់។ ឥឡូវនេះ មានផ្ទះរឹងមាំ គ្រួសារខ្ញុំលំនឹងចិត្តគិតតែធ្វើការរកស៊ី។ ខ្ញុំនឹងខិតខំធ្វើការចិញ្ចឹមកូនរៀនសូត្រ និងប្រឹងប្រែងឈានឡើងចាកផុតពីភាពក្រីក្រ”។

ទម្រង់ចិញ្ចឹមសត្វឈ្លូសរបស់គ្រួសារបងស្រីត្រាធីយឿង។

ទន្ទឹមនឹងការអនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិច ទីក្រុងកឹងធើ នៅទាំងផ្សព្វផ្សាយកម្មវិធីទិសដៅជាតិបន្ថយភាពក្រីក្រដោយចីរភាព នាំមកប្រសិទ្ធភាពជាក់ស្តែងទៀតផង។

នៅឃុំលីវទូ គិតត្រឹមដើមឆ្នាំ ២០២៥ មានប្រភពទុនសរុបជាង ១ ពាន់លានដុង ភូមិភាគបានផ្សព្វផ្សាយគម្រោងចំនួន ៥ ក្នុងនោះ លេចធ្លោជាងគេគឺគម្រោង “ពិធីធកម្ម មុខរបររកស៊ី ពង្រីកទម្រង់កាត់បន្ថយភាពក្រីក្រ”។ ឃុំបានឧបត្ថម្ភគោមេបន្តពូជជូន១១ គ្រួសារ និងសត្វឈ្លូសបន្តពូជជូន ៤ គ្រួសារ ព្រមជាមួយនោះ បានរៀបចំហ្វឹកហាត់បច្ចេកទេសចិញ្ចឹម ដើម្បីប្រជាជនអនុវត្តប្រកបដោយប្រសិទ្ធភាព។

បងស្រីត្រាធីយឿង នៅភូមិដាវវៀង ឃុំលីវទូ ឱ្យដឹង៖ “ខ្ញុំសប្បាយចិត្តណាស់ ពេលទទួលបានការឧបត្ថម្ភសត្វចិញ្ចឹម និងការណែនាំបច្ចេកទេសយ៉ាងអស់ពីចិត្តពីថ្លើម ទោះបីនេះជាលើកដំបូងចិញ្ចឹមសត្វឈ្លូសក៏ដោយ។ ខ្ញុំសង្ឃឹមថា ទម្រង់នេះនឹងអភិវឌ្ឍល្អដើម្បីយើងខ្ញុំអាចរកបានប្រាក់ចំណូលបន្ថែម កែលម្អជីវភាព”។

អ្នកស្រីវ៉ធីញី អនុប្រធានគណៈកម្មាធិការប្រជាជនឃុំលីវទូ មានប្រសាសន៍៖ “ការផ្សព្វផ្សាយគោលនយោបាយជនជាតិ ជាពិសេសគឺកម្មវិធីទិសដៅជាតិបាននាំមកប្រសិទ្ធភាពជាក់ស្ដែង រួមចំណែកកែលម្អជីវភាពនិងបង្កើនប្រាក់ចំណូលជូនប្រជាជន។ កាលពីចុងឆ្នាំ ២០២៤ ឃុំលីវទូ នៅមានគ្រួសារក្រីក្រជាជនរួមជាតិខ្មែរ ២៩ គ្រួសារ និងគ្រួសារក្បែរក្រជាជនរួមជាតិខ្មែរ៨៩គ្រួសារ។ រដ្ឋអំណាចតែងត្រួតពិនិត្យឧបត្ថម្ភចំមុខសញ្ញាទាន់ពេល បើកចំហ និងតម្លាភាព ដើម្បីគ្រួសារលំបាកទាំងនោះ បានទទួលផលពីគោលនយោបាយ”៕

អត្ថបទនិងរូបថត៖ ហុងទើ-ថាច់ធី

ចែករំលែកអត្ថបទ

ពាក្យគន្លឹះ