វប្បធម៌-សិល្បៈ វប្បធម៌

10/11/2026 - 13:20

ថ្នាក់ដឹកនាំឃុំធ្វឹងហ្វាសួរសុខទុក្ខ លើកទឹកចិត្តក្រុមទូក-ងទាំងឡាយ ដែលចូលរួមពិធីបុណ្យអកអំបុក - ប្រណាំងទូក -ង ទីក្រុងកឹងធើ

នាឱកាសពិធីបុណ្យអកអំបុក - ប្រណាំងទូក-ង ទីក្រុងកឹងធើ ឆ្នាំ ២០២៦ ក្រុមការងារនៃគណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមឃុំធ្វឹងហ្វា ដឹកនាំដោយសមមិត្ត ត្រឿងក្វឹកដៀង លេខាគណៈកម្មាធិការបក្សឃុំ ជាប្រធានក្រុម បានអញ្ជើញទៅសួរសុខទុក្ខ ជូនអំណោយ និងលើកទឹកចិត្តដល់គណៈកម្មការវត្ត និងកីឡាករទូក-ង នៅវត្តបួនព្រះភ័ក្រ្ត វត្តចំប៉ា និងវត្តតាឃ្វិចចាស់។ល។

សមមិត្ត ត្រឿងក្វឹកដៀង លេខាគណៈកម្មាធិការបក្សឃុំធ្វឹងហ្វា ប្រគេនប្រាក់ឧបត្ថម្ភក្រុមទូក - ងវត្តចំប៉ា។

នៅតាមកន្លែងចុះសួរសុខទុក្ខ ជំនួសមុខថ្នាក់ដឹកនាំភូមិភាគ សមមិត្តត្រឿងក្វឹកដៀង បានរាក់ទាក់សួរសុខទុក្ខជីវភាព ស្ងើចសរសើរស្មារតីហាត់សមយ៉ាងម៉ឺងម៉ាត់ ផុសផុល និងប្តេជ្ញាចិត្តខ្ពស់របស់បណ្តាកីឡាករ។ លេខាគណៈកម្មាធិការបក្សឃុំ សង្ឃឹមថាក្រុមទូក-ងទាំងអស់ នឹងបន្តពង្រីកខ្ពស់ស្មារតីកីឡា “សាមគ្គីភាព - ស្មោះត្រង់ - ថ្លៃថ្នូរ” ប្រឹងប្រែងប្រណាំងឱ្យអស់ពីសមត្ថភាព រួមចំណែកដល់ការជោគជ័យរួមនៃពិធីបុណ្យ ព្រមទាំងបន្តរក្សា ពង្រីកតម្លៃវប្បធម៌ដ៏ពិសេសរបស់ជនជាតិ។

សមមិត្តត្រឿងក្វឹកដៀង លេខាគណៈកម្មាធិការបក្សឃុំធ្វឹងហ្វា ប្រគេនប្រាក់ឧបត្ថម្ភដល់ក្រុមទូក - ង វត្តតាឃ្វិចចាស់

នាឱកាសនេះ គណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមឃុំធ្វឹងហ្វា បានប្រគេនជូនក្រុមទូក-ង នីមួយៗទឹកប្រាក់ ២០ លានដុង ព្រមទាំងអំណោយផ្សេងៗរួមមាន៖ អាវ ១៥០ មីកញ្ចប់៥០ធុង និងស៊ុតទា ១.០០០ គ្រាប់។ អំណោយបានបង្ហាញទាន់ពេលនូវការយកចិត្តទុកដាក់យ៉ាងដិតដល់របស់គណៈកម្មាធិការបក្ស រដ្ឋអំណាចភូមិភាគ បន្តកម្លាំងចលករបន្ថែមដើម្បីកីឡាករជឿជាក់លើខ្លួននិងសម្រេចបានស្នាដៃខ្ពស់នារដូវកាលឆ្នាំនេះ។

យ្វីអាញ - លីសៀ

ចែករំលែកអត្ថបទ

ពាក្យគន្លឹះ