គោលនយោបាយ -ការរស់នៅ គោលនយោបាយ

10/11/2026 - 13:20

សង្កាត់ហ្វាធ្វឹង គិតគូរដល់គ្រួសារក្រីក្រ

តាមរយៈការឧបត្ថម្ភសង់ផ្ទះ ជូនអំណោយ គិតគូរដល់សិស្ស និងអ្នកមានជំងឺធ្ងន់ធ្ងរ សង្កាត់ហ្វាធ្វឹង ខេត្តវិញឡុង បានរួមចំណែកលំនឹងជីវភាពដល់គ្រួសារក្រីក្រ និងគ្រួសារក្បែរក្រ។ ប្រភពធនធានបានកៀរគរ ជួយអនុវត្តគោលនយោបាយសុខុមាលភាពសង្គម គិតគូរដល់ជនរួមជាតិខ្មែរ និងអ្នកអន់ប្រៀប។

យាយថាច់ធីបេ រស់នៅម្នាក់ឯងក្នុងផ្ទះដែលរដ្ឋនិងសប្បុរសជនឧបត្ថម្ភសង់ជូន។

សង្កាត់ហ្វាធ្វឹង បានបង្កើតដោយផ្អែកលើមូលដ្ឋានរួមបញ្ចូលរវាងសង្កាត់៥ និងឃុំហ្វាធ្វឹង ស្រុកចូវថាញ់ (ខេត្តត្រាវិញចាស់) រួមមានអនុសង្កាត់ចំនួន ១៣។ ប្រជាជនភាគច្រើនផលិតកសិកម្ម ធ្វើអាជីវកម្មតូចតាច និងពលកម្មសេរីជាសំខាន់។ ប្រជាជនមួយទៀតនៅជួបលំបាកអំពីការងារ ទុនផលិត និងលក្ខណៈអភិវឌ្ឍសេដ្ឋកិច្ច។ បច្ចុប្បន្ន សង្កាត់មានគ្រួសារក្រីក្រចំនួន២៦គ្រួ និងគ្រួសារក្បែរក្រចំនួន១០៣គ្រួ ក្នុងនោះមានគ្រួសារខ្មែរក្រីក្រចំនួន ៩គ្រួ និងក្បែរក្រចំនួន ៤០គ្រួ។

លោកស្រី ស៊ើងង៉ុកយ៉េម អនុប្រធានប្រចាំការនៃគណៈកម្មាធិការរណសិរ្សមាតុភូមិវៀតណាមសង្កាត់ហ្វាធ្វឹង ឱ្យដឹង៖ គណៈកម្មាធិការបក្ស រដ្ឋអំណាច រណសិរ្ស និងអង្គការនយោបាយ-សង្គមនានា បានសហការអនុវត្តវិធានការជាច្រើនសមស្របនឹងស្ថានភាពគ្រួសារនីមួយៗ។ ចាប់ពីថ្ងៃទី ១ ខែកក្កដា ឆ្នាំ ២០២៥ ដល់ខែតុលា ឆ្នាំ ២០២៦ ភូមិភាគកៀរគរប្រភពកម្លាំងឧបត្ថម្ភសង់ និងជួសជុលផ្ទះបាន១៥ខ្នង គិតជាទឹកប្រាក់សរុប១.២៥៥ពាន់លានដុង។ ក្នុងនោះ គណៈកម្មាធិការរណសិរ្សមាតុភូមិវៀតណាមខេត្តឧបត្ថម្ភ៤៦០លានដុង សប្បុរសជនរួមវិភាគទាន ៤៧៥ លានដុង និងគ្រួសាររួមចំណែក ៣២០ លានដុង។

អ្នកមីងថាច់ធីយី បានរដ្ឋនិងសប្បុរសជនឧបត្ថម្ភសង់ផ្ទះជូន។

ចំណែកបង ថាច់ផាន់នី នៅអនុសង្កាត់ដាកឹង មុននេះជាគ្រួសារក្រីក្រ ប្រពន្ធស្លាប់ចោលច្រើនឆ្នាំ។ គាត់បានឧបត្ថម្ភប្រាក់សង់ផ្ទះ៥០លានដុង គ្រួសារចូលរួមបន្ថែម៤០លានដុង។ មីង ថាច់ធីយី ជាម្តាយក្មេកបងនី ឱ្យដឹង មានកន្លែងនៅលំនឹង អ្នកមីងនៅផ្ទះថែទាំ និងជូនចៅទៅរៀន ចំណែកបងនីស្ងប់អារម្មណ៍គិតគូរសេដ្ឋកិច្ចគ្រួសារ។ មកដល់ពេលនេះ គ្រួសារគាត់បានចាកផុតពីភាពក្រីក្រ។

ទន្ទឹមនឹងឧបត្ថម្ភសង់ផ្ទះ ភូមិភាគចលនាជូនអំណោយបាន ២.៧៨០ ចំណែកដល់គ្រួសារក្រីក្រ ក្បែរក្រ និងគ្រួសារលំបាក គិតជាទឹកប្រាក់សរុបជាង ៧៧៦,៥ លានដុង។ ក្នុងឱកាសបុណ្យចូលឆ្នាំថ្មី គ្រួសារខ្មែរក្រីក្រ និងក្បែរក្រ បានឧបត្ថម្ភគ្រួសារនីមួយៗចំនួនទឹកប្រាក់ ៥០០.០០០ ដុង។ សង្កាត់នៅទាំងបានឧបត្ថម្ភអាហារូបករណ៍ ធានារ៉ាប់រងសុខាភិបាល សិក្ខូបករណ៍ដល់សិស្សជួបលំបាក និងឧបត្ថម្ភគ្រួសារដែលមានអ្នកជំងឺធ្ងន់៩គ្រួគិតជាទឹកប្រាក់សរុប ៣២,៩ លានដុង។

តាមប្រសាសន៍លោកស្រីយ៉េម ពេលខាងមុខ សង្កាត់ហ្វាធ្វឹង នឹងបន្តពិនិត្យគ្រួសារក្រីក្រ ក្បែរក្រ និងករណីដែលមានហានិភ័យក្រីក្រឡើងវិញ កំណត់មូលហេតុ និងតម្រូវការរបស់គ្រួសារនីមួយៗ ដើម្បីឧបត្ថម្ភសមស្រប។ ភូមិភាគយកចិត្តទុកដាក់ឧបត្ថម្ភការរកស៊ីចិញ្ចឹមជីវិត ជំរុញការចិញ្ចឹមសត្វ ដាំដុះ ធ្វើអាជីវកម្មតូចតាច និងបង្កការងារធ្វើ ទន្ទឹមនឹងនោះ ចលនាប្រភពកម្លាំងសង្គម ជួយប្រជាជនបង្កើនប្រាក់ចំណូល ឈានឡើងចាកផុតពីភាពក្រីក្រដោយចីរភាព៕

ទីទុយ - វិមាន

ចែករំលែកអត្ថបទ

ពាក្យគន្លឹះ