សន្តិសុខ - ការពារប្រទេស ការពារប្រទេស

08/10/2025 - 08:04

ពង្រីកតួនាទីអ្នកមានប្រិយភាពក្នុងការរក្សាសន្តិសុខសណ្តាប់ធ្នាប់

កំណត់ច្បាស់តួនាទីរបស់អ្នកមានប្រិយភាពក្នុងតំបន់ជនជាតិភាគតិច គឺជាភារកិច្ចមួយក្នុងចំណោមភារកិច្ចស្នូលធានាសន្តិសុខសណ្តាប់ធ្នាប់នៅភូមិភាគ។ ជាច្រើនឆ្នាំមកនេះ នគរបាលទីក្រុងកឹងធើ បានផ្សព្វផ្សាយនូវដំណោះស្រាយជាក់ស្តែងជាច្រើន សំដៅពង្រីកតួនាទីរបស់អ្នកមានប្រិយភាព ពីព្រោះពួកគាត់មិនត្រឹមតែជាគំរូល្អក្នុងជនជាតិភាគតិចប៉ុណ្ណោះទេ ថែមទាំងជាស្ពានតភ្ជាប់ដ៏សំខាន់រវាងគណៈកម្មាធិការបក្ស រដ្ឋអំណាចជាមួយប្រជាជន រួមចំណែករក្សារឹងមាំភាពសុខសាន្តនិងអភិវឌ្ឍន៍របស់ភូមិភាគទៀតផង។

នគរបាលគ្រប់លំដាប់ថ្នាក់នៃទីក្រុងកឹងធើ មកដោះដូរជាមួយនឹងអ្នកមានប្រិយភាព ជំរុញការផ្សព្វផ្សាយចលនាជនរួមជាតិខ្មែរអនុវត្តល្អបទប្បញ្ញត្តិនៃច្បាប់។

រយៈពេលកន្លង នគរបាលសង្កាត់វិញចូវ ផ្សព្វផ្សាយមានប្រសិទ្ធភាពនូវភារកិច្ចក្នុងស្ថានភាពថ្មី ធានាកងកម្លាំងសកម្មភាពជាប្រចាំ មានប្រសិទ្ធភាព បម្រើប្រជាជនទាន់ពេល រក្សារឹងមាំសន្តិសុខសណ្តាប់ធ្នាប់និងសុវត្ថិភាពសង្គមនៅភូមិភាគ។ វរសេនីយ៍ទោ ចូវថាញត្វង ប្រធាននគរបាលសង្កាត់វិញចូវ ឱ្យដឹង៖ “ដើម្បីធានាសន្តិសុខសណ្តាប់ធ្នាប់នៅភូមិភាគ ទន្ទឹមនឹងអនុវត្តភារកិច្ចដ៏សំខាន់នោះគឺនគរបាលសង្កាត់វិញចូវ សហការស្អិតល្មួតជាមួយនឹងអ្នកមានប្រិយភាព ជំរុញការផ្សព្វផ្សាយចលនាជនរួមជាតិខ្មែរអនុវត្តល្អនូវបទប្បញ្ញត្តិនៃច្បាប់; មិនស្តាប់តាមពាក្យញុះញង់របស់ពួកអមិត្តពីខាងក្រៅ សំដៅមួលបង្កាច់ បង្ខូចគោលការណ៍ គោលមាគ៌ារបស់បក្ស គោលនយោបាយច្បាប់របស់រដ្ឋ បំបែកបំបាក់ធ្លុងមហាសាមគ្គីទូទាំងជនជាតិ។ អាស្រ័យប្រជាជនមានស្មារតីភ្ញាក់រលឹកខ្ពស់ក្នុងការបង្ការបង្ក្រាបនូវបទល្មើស ម្ល៉ោះហើយស្ថានភាពសន្តិសុខ សណ្តាប់ធ្នាប់នៅភូមិភាគបានធានា។ ហេតុនេះ តួនាទីរបស់អ្នកមានប្រិយភាពមានអត្ថន័យដ៏សំខាន់រួមចំណែករក្សាសន្តិសុខ សណ្តាប់ធ្នាប់នៅភូមិស្រុក”។លោកលីថេន អនុប្រធានគណៈកម្មការវត្តសិរីក្រសាំង សង្កាត់វិញចូវ ជាអ្នកមានប្រិយភាពគំរូមានការរួមចំណែកក្នុងការរក្សាសន្តិសុខសណ្តាប់ធ្នាប់នៅភូមិភាគ។ ពិសេសចាប់ពីផ្សព្វផ្សាយទម្រង់រដ្ឋអំណាចពីរថ្នាក់។ លោកថេន បានសហការជាមួយនឹងនគរបាលផ្សព្វផ្សាយ ចលនាជនរួមជាតិខ្មែរ បន្តរក្សាទំនុកចិត្តទៅលើគោលការណ៍ គោលមាគ៌ារបស់បក្ស ដោយមិនឱ្យជនទុច្ចរិតអូសទាញ ញុះញង់បានឡើយ។ លោកថេន ចែករំលែក៖ “ដំបូងនៅពេលឮដំណឹងថា បញ្ចប់សកម្មភាពថ្នាក់ស្រុក មានមាមីង ខ្មែរមួយចំនួនក៏មានក្ដីបារម្ភ មកពីមិនទាន់យល់ច្បាស់ពីគោលការណ៍របស់បក្ស រដ្ឋ។ អាស្រ័យកងកម្លាំងនគរបាលសហការជាមួយនឹងគណៈកម្មការវត្ត ឃោសនាផ្សព្វផ្សាយ រួមជាមួយព័ត៌មានតាមរយៈកាសែត វិទ្យុ មាមីងជាសន្សឹមៗ យល់ត្រឹមត្រូវពីស្មារតីនៃគោលការណ៍និងមានទំនុកចិត្តបន្ថែមទៅលើការដឹកនាំរបស់បក្ស រដ្ឋ។ បច្ចុប្បន្ន នៅពេលប្រជាជនមកធ្វើបែបបទរដ្ឋបាល បានកម្មាភិបាលណែនាំអស់ពីចិត្ត ហើយការធ្វើបែបបទក៏មានភាពងាយស្រួលនិងសាមញ្ញជាងមុន ម្ល៉ោះហើយមាមីងខ្មែររំភើបណាស់។ ស្ថានភាពក្រោយពីរួមបញ្ចូលក៏បានធានាលំនឹង បង្កជាមូលដ្ឋានគ្រឹះដើម្បីមាមីងស្ងប់ចិត្តប្រកបមុខរបររកស៊ី”។

ជាមួយនឹងភាពគំរូ អស់ពីចិត្តនិងបម្រើការងារ ដើម្បីប្រយោជន៍រួម អ្នកមានប្រិយភាពតែងបានជនរួមជាតិទំនុកចិត្តជានិច្ច។ ព្រះតេជព្រះគុណ លីសារ៉េន ព្រះចៅអធិការវត្តជ្រោយទឹមថ្មី មានថេរដីកា៖ “ក្នុងសកម្មភាពជំនឿសាសនា នគរបាលសង្កាត់មីស្វៀង តែងសហការជាមួយនឹងវត្ត ផ្សព្វផ្សាយច្បាប់ដល់មាមីងពុទ្ធបរិស័ទ ដើម្បីយល់និងអនុវត្តតាមគោលការណ៍របស់បក្ស; លើកកម្ពស់ស្មារតីភ្ញាក់រលឹកអនុវត្តច្បាប់ ទប់ស្កាត់បាបគ្រោះសង្គម ដូច៖ គ្រឿងញៀន លួចប្លន់ ឥណទានខ្មៅ៘ រួមចំណែករក្សាភាពសុខសាន្តភូមិស្រុក។ សព្វថ្ងៃ មាមីងពុទ្ធបរិស័ទអ្នកណាក៏យល់ច្បាស់និងអនុវត្តល្អត្រឹមត្រូវតាមច្បាប់ អប់រំកូនចៅមិនឱ្យរងគ្រោះសង្គមដើម្បីភូមិស្រុកសុខសាន្ត”។

ក្នុងដំណាក់កាលនៃបដិវត្តន៍ថ្មី អ្នកមានប្រិយភាពបន្តជាកម្លាំងមហាជនពិសេស ជាសេនាធិការរួមចំណែកពង្រីកប្រសិទ្ធភាពចលនាទូទាំងប្រជាជនការពារសន្តិសុខមាតុភូមិក្នុងតំបន់ជនរួមជាតិ សាសនានៅទីក្រុងកឹងធើ; បំផុសកម្លាំងទូទាំងប្រជាជនក្នុងការបង្ការ ប្រឆាំងបទល្មើស រក្សាសន្តិសុខសណ្តាប់ធ្នាប់ និងកសាងយុទ្ធសាស្ត្រសន្តិសុខប្រជាជន យុទ្ធសាស្ត្រទឹកចិត្តប្រជាជនរឹងមាំ៕

យ្វីអាញ- ឌឹកទ្រុង- លីសៀ 

ចែករំលែកអត្ថបទ

ពាក្យគន្លឹះ