អភិវឌ្ឍព្រមៗគ្នាវិស័យអប់រំតំបន់ជនជាតិភាគតិច
វិញឡុង ជាភូមិភាគមួយក្នុងចំណោមភូមិភាគមានប្រព័ន្ធសាលារៀនអភិវឌ្ឍល្អ ពិសេសគឺសាលារៀននៅតំបន់មានសិស្សជនជាតិភាគតិចរៀនច្រើន។
អាស្រ័យសម្រេចបទដ្ឋានជាតិ បានជាសាលាបឋមសិក្សាលីថឿងកៀក ឃុំដុងថាញ់ ទីរួមខេត្តប៊ិញមិញ ធានាការបង្ហាត់បង្រៀនមួយថ្ងៃ២ពេល។
តាមស្ថិតិរបស់ផ្នែកអប់រំខេត្តវិញឡុង បច្ចុប្បន្ន ខេត្តមានសាលាមត្តេយ្យសម្រេចបទដ្ឋានជាតិ៧៦/១២៩ ស្រូបអត្រា ៥៩% (កើន៦សាលាបើប្រៀបនឹងពេលនេះនាឆ្នាំកន្លង)។ ក្នុងនោះ មានសាលារៀនចំណុះភូមិ ឃុំលំបាកពិសេស៤/៥ សម្រេចបទដ្ឋានជាតិ។ ប្រព័ន្ធសាលាមត្តេយ្យតំបន់ជនជាតិភាគតិចសម្រេចបទដ្ឋាន បានរួមចំណែកយ៉ាងច្រើនក្នុងការកៀរគរកុមារជនជាតិភាគតិចចូលរៀន។ ផ្ដើមពីនោះ ខេត្តវិញឡុងសម្រេចអត្រា១០០% កុមារមត្តេយ្យជនជាតិខ្មែរអាយុ៥ឆ្នាំទៅកាន់សាលា។
គ្រូបង្រៀនឆ្នើម ហ្វិញធីង៉ុកទ្រិញ ទទួលបន្ទុកបង្រៀនថ្នាក់កុមារអាយុ៥ឆ្នាំនៃសាលាមត្តេយ្យហឿងយឿង ឃុំតឹងមី ស្រុកត្រាអូង ឱ្យដឹង៖ “ពីមុននេះ មានអាណាព្យាបាលសិស្សជាច្រើនយល់ថា សាលារៀនមានភាពទ្រុឌទ្រោម ម្ល៉ោះហើយតែងឱ្យកុមារនៅផ្ទះ ទៅរៀនបារម្ភពីសុវត្ថិភាព។ ចាប់តាំងពីសាលារៀនសម្រេចបទដ្ឋានជាតិ មានកុមារទៅរៀនយ៉ាងច្រើនកុះករ។ មានអាណាព្យាបាលសិស្សជាច្រើនបានម្ចាស់ការទៅចុះឈ្មោះឱ្យកូនចៅខ្លួនចូលរៀន”។ ពេលមានលក្ខណសម្បត្តិបង្រៀន និងរៀនល្អ គ្រូបង្រៀនបានអនុវត្តវិធីបង្ហាត់ បង្រៀនថ្មីៗជាច្រើន រួមចំណែកលើកកម្ពស់គុណភាពអប់រំកុមារ។ អ្នកគ្រូត្រឹងណាមហុង នាយិកាសាលាមត្តេយ្យសៅម៉ាយ ឃុំដុងថាញ់ ទីរួមខេត្តប៊ិញមិញ ឱ្យដឹង៖ “រៀងរាល់ឆមាសនៃឆ្នាំសិក្សា យើងខ្ញុំតែងអនុវត្តគំនិតច្នៃប្រតិដ្ឋ ចំពោះកុមារអាយុ៥ឆ្នាំ គឺ “ឱ្យកុមារជនជាតិខ្មែរ ស្គាល់ពីតួអក្សរ” សម្រាប់ប្អូនៗឈានចូលរៀនថ្នាក់ទី១ យល់មេរៀនបានឆាប់”។
ផ្ដើមពីមូលដ្ឋានគ្រឹះដែលមានតាំងពីកម្រិតមត្តេយ្យ សិស្សជនជាតិខ្មែរក៏តាមទាន់មេរៀនបានល្អ ហើយតែងសម្រេចកម្មវិធីបឋមសិក្សា ១០០%។ បច្ចុប្បន្ន ខេត្តវិញឡុង មានសាលាបឋមសិក្សាតំបន់ជនជាតិភាគតិច៨/៩សម្រេចបទដ្ឋានជាតិ។ ជាពិសេស នៅតាមឃុំមានជនជាតិខ្មែររស់នៅកុះករ សុទ្ធតែមានសាលាអនុវិទ្យាល័យ។ អាស្រ័យហេតុនោះ សិស្សជនជាតិខ្មែរឋិតក្នុងកម្រិតអាយុបានកៀរគរចូលរៀនសម្រេចអត្រា៩៥,៨%។ សិស្សជនជាតិខ្មែរ សម្រេចកម្មវិធីអនុវិទ្យាល័យ (២៧៩/២៨២ នាក់ ស្រូបអត្រា៩៨,៩%)។ ខេត្តវិញឡុង មានឃុំ សង្កាត់ ទីប្រជុំជនតំបន់ជនជាតិចំនួន៨ សម្រេចបទដ្ឋានឧត្តានកម្មអប់រំអនុវិទ្យាល័យកម្រិត៣។
តាមប្រសាសន៍លោក ថាច់យឿង ប្រធានគណៈជនជាតិខេត្តវិញឡុង ការអប់រំតំបន់ជនជាតិនៅខេត្តវិញឡុង មានការអភិវឌ្ឍចាប់ពីមត្តេយ្យរហូតដល់វិទ្យាល័យ ម្ល៉ោះហើយ គុណភាពនៅគ្រប់កម្រិតមានភាពលំនឹង។ ខេត្តនៅមានសាលាជនជាតិអន្តេវាសិកមួយមានមូលដ្ឋាន សម្ភារៈនិងឧបករណ៍បង្រៀនគ្រប់សព្វ ធានាសម្រាប់សិស្សជាង២៤០នាក់ស្នាក់នៅនិងរៀនសូត្រ៕
ហាថាញ - ថាច់ធី
-
បណ្តាសាលាចំណេះទូទៅជនជាតិអន្តេវាសិកសកម្មផ្លាស់ប្តូរឌីជីថល
- បង្ការជំងឺនៅដើមឆ្នាំសិក្សា
- ពិនិត្យ ផ្តល់ថ្នាំឥតគិតថ្លៃដោយវេជ្ជសាស្រ្តបុរាណ
- ភាពជឿជាក់និងក្តីរំពឹងទុកក្នុងឆ្នាំសិក្សាថ្មី
- មន្ទីរពេទ្យសម្ភពទីក្រុងកឹងធើ ក្លាយជាមន្ទីរពេទ្យស្នូលរបស់ក្រសួងសុខាភិបាល
- ពិនិត្យសុខភាពដោយឥតគិតថ្លៃ បង្កើតសៀវភៅសុខភាពអេឡិចត្រូនិកជូនប្រជាជន
- ផ្លាស់ប្តូរឌីជីថលបង្កកម្លាំងចលករផ្លាស់ថ្មីការអប់រំ
- បរិយាកាសចាប់ផ្តើមឆ្នាំសិក្សាថ្មីនៅសាលាមធ្យមសិក្សាបំពេញវិជ្ជាបាលីណាមបូ
- សាលាមធ្យមសិក្សាបាលី - ខ្មែរ ខេត្តវិញឡុង ប្រារព្ធពិធីបើកបវេសនកាលឆ្នាំសិក្សាថ្មី ២០២៦ - ២០២៧ យ៉ាងអធិកអធម
- យកចិត្តទុកដាក់ថែទាំសុខភាព និងជូនអំណោយដល់ប្រជាជននៅឃុំថើយអាងហោយ
-
សាលាអនុវិទ្យាល័យនិងវិទ្យាល័យជនជាតិអន្តេវាសិកថាញ់ភូ ត្រៀមលក្ខណៈរួចរាល់សម្រាប់ឆ្នាំសិក្សាថ្មី
- អភិរក្សអក្សរខ្មែរផ្តើមពីការបើកថ្នាក់រៀនរដូវវិស្សមកាល
- សមាគមព្រះសង្ឃសាមគ្គីស្នេហាជាតិខេត្តវិញឡុង និមន្តសួរសុខទុក្ខតាមសាលាខ្មែរ-បាលីលើភូមិឋានខេត្ត
- សាលាមធ្យមសិក្សាបាលី - ខ្មែរ ខេត្តវិញឡុង ប្រារព្ធពិធីបើកបវេសនកាលឆ្នាំសិក្សាថ្មី ២០២៦ - ២០២៧ យ៉ាងអធិកអធម
- សាលាបឋមសិក្សាអង្គុលី ត្រៀមលក្ខណៈរួចរាល់សម្រាប់ឈានចូលឆ្នាំសិក្សាថ្មី ២០២៦ - ២០២៧
- ឱកាសមានច្រើនការងារសម្រាប់ពលករ
- ម្ចាស់ការកម្ចាត់ដង្កូវទឹក – ព្រួតដៃបង្ការ ទប់ស្កាត់ជំងឺគ្រុនឈាម
- ចែករំលែកក្តីស្រឡាញ់ ជំរុញដំណើរសិស្សានុសិស្សដែលមានស្ថានភាពលំបាកទៅកាន់សាលារៀន
- សាលាជនជាតិអន្តេវាសិកទីវកឹង ត្រៀមលក្ខណៈរួចរាល់សម្រាប់ថ្ងៃបើកបវេសនកាល
- វិញឡុង៖ បិទវគ្គកម្មវិធីរៀនអក្សរខ្មែររដូវវិស្សមកាល ឆ្នាំ ២០២៦ នៅតាមវត្តខ្មែរនានា
