សុខភាព - អប់រំ សុខភាព

18/08/2026 - 22:07

ម្ចាស់ការកម្ចាត់ដង្កូវទឹក – ព្រួតដៃបង្ការ ទប់ស្កាត់ជំងឺគ្រុនឈាម

ចំពោះស្ថានភាពជំងឺគ្រុនឈាមមាននិន្នាការកើនឡើង ផ្នែកសុខាភិបាលទីក្រុងកឹងធើ និងភូមិភាគនានាកំពុងពង្រឹងផ្សព្វផ្សាយអនុវត្តវិធានការបង្ការ ទប់ស្កាត់ជំងឺឆ្លងរាលដាល ក្នុងនោះ ផ្តោតសំខាន់កម្ចាត់ដង្កូវទឹក វិនិច្ឆ័យសសម្បុករោគឆ្លងកើតឡើង និងលើកកម្ពស់ស្មារតីម្ចាស់ការបង្ការជំងឺក្នុងសហគមន៍។

បើកយុទ្ធនាការកម្ចាត់ដង្កូវទឹក បង្ការទប់ស្កាត់ជំងឺគ្រុនឈាម - Zika
បង្អែកលើសហគមន៍។

តាមផ្នែកសុខាភិបាលទីក្រុងកឹងធើ ចាប់ពីដើមឆ្នាំ២០២៦មកដល់ពេលនេះ ទូទាំងទីក្រុងកឹងធើបានកត់សម្គាល់ជំងឺគ្រុនឈាមចំនួន៣.០៣៨ករណី ប្រទះឃើញ និងវិនិច្ឆ័យសម្បុករោគចំនួន១.២៨៥ មានអ្នកជំងឺធ្ងន់ចំនួន២៥២ករណី និងគ្មានករណីស្លាប់។ ចំពោះការប្រែប្រួលនៃរោគឆ្លងរាលដាល ផ្នែកសុខាភិបាលក្រុងបន្តបង្កើនការត្រួតពិនិត្យ និងវិនិច្ឆ័យសម្បុករោគឆ្លង ទន្ទឹមនឹងនោះ ជំរុញឃោសនា ចលនាប្រជាជនអនុវត្តវិធានការបង្ការជំងឺនៅក្នុងគ្រួសារ និងសហគមន៍។ នៅឃុំត្រឹងដេ ស្ថានភាពជំងឺគ្រុនឈាមក៏កំពុងមាននិន្នាការកើនឡើងដែរ។ គិតដល់ខែកក្កដា ឆ្នាំ២០២៦ ទូទាំងឃុំបានកត់សម្គាល់ជំងឺគ្រុនឈាមចំនួន៦៥ករណី និងសម្បុករោគឆ្លងចំនួន៣០ ផ្ទុកជំងឺកើនឡើង២៩ករណី និងសម្បុកឆ្លងរោគកើនឡើងចំនួន១០ បើប្រៀបនឹងឆ្នាំ២០២៥។ នេះជាមូលហេតុមួយក្នុងចំណោមមូលហេតុ ដើម្បីភូមិភាគបង្កើនអនុវត្តយុទ្ធនាការកម្ចាត់ដង្កូវទឹក បង្ការទប់ស្កាត់ជំងឺគ្រុឌឈាម - Zika បង្អែកលើសហគមន៍។ យុទ្ធនាការនេះនឹងអនុវត្តចាប់ពីថ្ងៃទី១៧-១៨ ខែសីហា ឆ្នាំ២០២៦ នៅតាមភូមិទាំង១៣ ក្នុងឃុំ ដោយមានការចូលរួមរបស់កងកម្លាំងសុខាភិបាល គណៈ ផ្នែក អង្គការមហាជន និងប្រជាជន។ កម្លាំងទាំងនេះចុះទៅដល់ផ្ទាល់គ្រួសារ ដើម្បីផ្សព្វផ្សាយ ត្រួតពិនិត្យ និងវិនិច្ឆ័យតំបន់ដែលមានហានិភ័យកើតដង្កូវទឹក; ណែនាំប្រជាជនឱ្យប្រមូលកាកសំណល់ អនាម័យឧបករណ៍តម្កល់ទឹក និងលែងត្រីប្រាំពីរពណ៌នៅកន្លែងដែលសមស្រប រួមចំណែកកាត់បន្ថយកន្លែងកើតមូសចម្លងជំងឺ។

កម្មាភិបាល ត្រួតពិនិត្យ និងណែនាំប្រជាជនម្ចាស់ការកម្ចាត់ដង្កូវទឹកនៅតាមគ្រួសារ។

លោកស្រី ផាមង៉ុកប៊ីច នាយិកាដំណាក់សុខាភិបាលឃុំត្រឹងដេ ឱ្យដឹង៖ “ក្នុងអំឡុងពេលបើកយុទ្ធនាការ យើងខ្ញុំបានចុះទៅដល់គ្រួសារនីមួយៗ ដើម្បីឃោសនា ចលនាមាមីងពិនិត្យមើលឧបករណ៍តម្កល់ទឹកនៅក្នុងនិងជុំវិញផ្ទះ ប្រទះឃើញនិងវិនិច្ឆ័យកន្លែងមានដង្កូវទឹក។ តាមរយៈការផ្សព្វផ្សាយ យើងខ្ញុំសង្ឃឹមថាប្រជាជនយល់ពីការកម្ចាត់ដង្កូវទឹកមិនត្រឹមតែអនុវត្តក្នុងពេលបើកយុទ្ធនាការប៉ុណ្ណោះទេ នៅទាំងរក្សាជាប្រចាំ បំផុតគឺប៉ុន្មានថ្ងៃក្រោយពីភ្លៀង”។

ចំណុចសំខាន់ក្នុងយុទ្ធនាការនេះគឺលើកកម្ពស់ស្មារតី ដើម្បីប្រជាជនម្ចាស់ការបង្ការជំងឺ។ ពីព្រោះរបស់របរប្រើប្រាស់ជុំវិញផ្ទះដូចជា ពាង ខាប់ ក្រឡ សំបកកង់ លលាដដូង ឬវត្ថុដែលមានលទ្ធភាពអាចដក់ទឹក ក៏អាចក្លាយជាកន្លែងកើតដង្កូវទឹក ប្រសិនបើមិនបានពិនិត្យ និងវិនិច្ឆ័យជាប្រចាំ។ លោក ឡឹមសន នៅភូមិបឹងព្រលិត ឃុំត្រឹងដេ ឱ្យដឹង៖ “ពេលបានកម្មាភិបាលពេទ្យផ្សព្វផ្សាយ និងណែនាំ ខ្ញុំយល់កាន់តែច្បាស់អំពីឧបករណ៍នៅជុំវិញផ្ទះបើទុកឱ្យដក់ទឹក នឹងក្លាយជាកន្លែងកើតមូស។ គ្រួសារខ្ញុំតែងពិនិត្យមើលឧបករណ៍តម្កល់ទឹកដូចពាង ខាប់ ក្រឡ ដប និងឧបករណ៍ដែលអាចស្តុកទឹក បើមានដង្កូវទឹកក៏កម្ចាត់ភ្លាម។ ខ្ញុំតែងក្រើនរំលឹកសមាជិកក្នុងគ្រួសាររួមអនុវត្ត ដើម្បីបង្ការជំងឺដល់គ្រួសារ និងគ្រប់គ្នានៅជុំវិញ”។

ផ្តើមពីភាពជាក់ស្តែងនោះ ផ្នែកសុខាភិបាលផ្តល់អនុសាសន៍ ប្រជាជនគប្បីពិនិត្យឧបករណ៍តម្កល់ទឹកជាប្រចាំនៅក្នុងនិងជុំវិញផ្ទះ; បិទគម្របឧបករណ៍តម្កល់ទឹកឱ្យជិត អនាម័យឧបករណ៍ដែលមានហានិភ័យកើតដង្កូវទឹក; ទន្ទឹមនឹងនោះ ប្រមូល និងចោលកាកសំណល់ដែលអាចផ្ទុកទឹក។ ពេលប្រទះឃើញដង្កូវទឹក គប្បីកម្ចាត់ភ្លាម មិនទុកឱ្យកើតមូសចម្លងជំងឺ។ តាមវេជ្ជបណ្ឌិតឯកទេសII ផាមភូទ្រឿងយ៉ាង នាយករងមន្ទីរសុខាភិបាលទីក្រុងកឹងធើ ការបង្ការទប់ស្កាត់ជំងឺគ្រុនឈាមគឺជាការទទួលខុសត្រូវនៃទូទាំងប្រព័ន្ធនយោបាយ និងសង្គម មិនដោយឡែកផ្នែកសុខាភិបាលប៉ុណ្ណោះទេ។ ភូមិភាគនានា គប្បីផ្សព្វផ្សាយនូវសកម្មភាពអនាម័យបរិស្ថាន កម្ចាត់ដង្កូវទឹក និងមូសយ៉ាងម៉ឺងម៉ាត់; ទន្ទឹមនឹងនោះ ជំរុញផ្សព្វផ្សាយ លើកកម្ពស់ការយល់ដឹង និងផ្លាស់ប្តូរអាកប្បកិរិយារបស់ប្រជាជនបន្តិចម្តងៗក្នុងការបង្ការ ទប់ស្កាត់ជំងឺឆ្លងរាលដាល។ គ្រួសារនីមួយៗគប្បីម្ចាស់ការពិនិត្យមើល និងវិនិច្ឆ័យសម្ភារៈប្រើប្រាស់ដែលអាចស្តុកទឹក មិនទុកឱ្យកើតមានដង្កូវទឹក; ទន្ទឹមនឹងនោះរក្សាអនាម័យបរិស្ថាន រួមចំណែកកាត់បន្ថយកន្លែងកើតមូសចម្លងជំងឺ។ នេះគឺជាដំណោះស្រាយជាក់ស្តែង ដើម្បីគ្រប់គ្រងហានិភ័យជំងឺគ្រុនឈាមផ្តើមពីសហគមន៍។ មិនត្រឹមតែប្រមូលផ្តុំនៅតាមគ្រួសារប្រជាជនប៉ុណ្ណោះទេ ការងារឃោសនា ចលនានៅទាំងបានអនុវត្តនៅតាមស្ថាប័ន សាលារៀន និងតំបន់តាំងទីលំនៅ ដើម្បីបង្កការឯកភាព និងកៀរគរកម្លាំងទូទាំងសហគមន៍ក្នុងការបង្ការ ទប់ស្កាត់ជំងឺឆ្លងរាលដាល។ ការបង្ការទប់ស្កាត់ជំងឺគ្រុនឈាមគឺជាការទទួលខុសត្រូវរួមរបស់ផ្នែកសុខាភិបាល រដ្ឋអំណាចភូមិភាគ និងប្រជាជនគ្រប់រូប។ ពេលគ្រួសារនីមួយៗម្ចាស់ការកម្ចាត់បានកន្លែងកើតមូស រក្សាបរិស្ថានរស់នៅស្អាត មិនទុកឱ្យឧបករណ៍តម្កល់ទឹកក្លាយជាកន្លែងកើតដង្កូវទឹក ហានិភ័យកើតរោគ និងឆ្លងរាលដាលបានកាត់បន្ថយ។

ម្ចាស់ការកម្ចាត់ដង្កូវទឹកនៅក្នុងគ្រួសារនីមួយៗ គឺជាមធ្យោបាយជាក់ស្តែងដើម្បីការពារសុខភាពខ្លួនឯង គ្រួសារ និងសហគមន៍។ ប្រជាជនគ្រប់រូបគួរតែរួមគ្នាពិនិត្យមើល និងវិនិច្ឆ័យកន្លែងកើតដង្កូវទឹកជាប្រចាំ រួមចំណែកកសាងបរិយាកាសរស់នៅប្រកបដោយសុវត្ថិភាព និងគ្មានជំងឺគ្រុនឈាម៕

ហុងទើ - វិមាន

ចែករំលែកអត្ថបទ

ពាក្យគន្លឹះ