សុខភាព - អប់រំ សុខភាព

24/08/2026 - 20:15

ចែករំលែកក្តីស្រឡាញ់ ជំរុញដំណើរសិស្សានុសិស្សដែលមានស្ថានភាពលំបាកទៅកាន់សាលារៀន

មុនថ្ងៃបើកបវេសនកាលឆ្នាំសិក្សា ២០២៦ - ២០២៧ អំណោយជាក់ស្តែងជាច្រើនបានប្រគល់ជូនសិស្សានុសិស្សមានស្ថានភាពលំបាក និងកុមារកំព្រានៅទីក្រុងកឹងធើ។ សកម្មភាពនេះជួយឱ្យប្អូនៗ មានលក្ខណៈត្រៀមបម្រុងសៀវភៅ ឧបករណ៍សិក្សា ព្រមទាំងបង្ហាញពីការយកចិត្តទុកដាក់ ចែករំលែក បង្កកម្លាំងចលករ ជួយប្អូនៗមានទំនុកចិត្តទៅកាន់សាលា ខិតខំរៀនសូត្រ និងពុះពារឈានឡើងក្នុងជីវភាព។

រួមដំណើរជាមួយសិស្សានុសិស្សដែលមានស្ថានភាពលំបាកទៅកាន់សាលារៀន។

ដើម្បីរួមដំណើរ និងគិតគូរដល់សិស្សានុសិស្សដែលមានស្ថានភាពលំបាក សម្ព័ន្ធយុវជនកុម្មុយនីស្តហូជីមិញនៃគណៈកម្មាធិការប្រជាជនទីក្រុងកឹងធើ សាខាសម្ព័ន្ធយុវជនមូលដ្ឋានមន្ទីរហិរញ្ញវត្ថុ និងសាខាសម្ព័ន្ធយុវជនមូលដ្ឋានការិយាល័យគណៈកម្មាធិការប្រជាជនទីក្រុងកឹងធើ សហការជាមួយគណៈអចិន្ត្រៃយ៍សម្ព័ន្ធយុវជនឃុំកូវឡៅយុង ចាត់តាំងកម្មវិធី "ជំរុញដំណើរប្អូនទៅសាលា" ឆ្នាំ ២០២៦។ កម្មវិធីបានប្រគល់អំណោយ ១០០ ចំណែក រួមមានកាតាប និងសៀវភៅសរសេរជូនដល់សិស្សជួបការលំបាក និងឆ្លងកាត់ការលំបាករៀនពូកែ ១០០ រូប លើភូមិឋានឃុំ។ អំណោយទាំងនេះ ទោះបីសាមញ្ញ ប៉ុន្តែមានតម្លៃជាក់ស្ដែង ជួយសិស្សានុសិស្សមានសម្ភារសិក្សាបន្ថែម និងត្រៀមលក្ខណៈចូលឆ្នាំសិក្សាថ្មី។

ប្រគល់អំណោយ “ជំរុញដំណើរប្អូនទៅសាលា” ជូនសិស្សានុសិស្សជួបការលំបាកនៅឃុំកូវឡៅយុង។

មិនត្រឹមតែឧបត្ថម្ភសម្ភារៈប៉ុណ្ណោះទេ កម្មវិធីនៅទាំងផ្តល់មនោសញ្ចេតនា ការលើកទឹកចិត្តរបស់អង្គការសម្ព័ន្ធយុវជន និងសហគមន៍ដល់សិស្សានុសិស្ស។ តាមរយៈនោះ បានផ្តល់កម្លាំងចិត្តដើម្បីសិស្សានុសិស្សឆ្លងកាត់ការលំបាក បន្តខិតខំប្រឹងប្រែងក្នុងការសិក្សា និងហ្វឹកហាត់។ ប្អូនទ្រីវធីសារ៉ា សិស្សថ្នាក់ទី ៣B សាលាបឋមសិក្សាអាងថាញ់ ២B បានឱ្យដឹង៖ “ប្អូនសប្បាយចិត្តណាស់ ពេលបានទទួលអំណោយ។ ប្អូនសូមអរគុណពូមីងទាំងអស់ដែលបានយកចិត្តទុកដាក់ និងជូនអំណោយដល់ពួកប្អូន។ ប្អូននឹងខិតខំរៀនឱ្យបានពូកែ និងស្ដាប់បង្គាប់ មិនឱ្យខកបំណងអ្នករាល់គ្នាឡើយ”។

ទន្ទឹមនឹងសកម្មភាពនៅឃុំកូវឡៅយុង ការងារគិតគូរដល់សិស្សមានស្ថានភាពលំបាកពិសេសក៏បានយកចិត្តទុកដាក់នៅឃុំលិតហូយធឿងផងដែរ។ គណៈកម្មាធិការរណសិរ្សមាតុភូមិវៀតណាមឃុំលិតហូយធឿង បានសហការជាមួយក្រុមហ៊ុនភាគហ៊ុនជលផលស្អាតវៀតណាម ចាត់តាំងកម្មវិធីប្រគល់អាហារូបករណ៍ដល់កុមារកំព្រាក្នុងឱកាសឆ្នាំសិក្សា ២០២៦ - ២០២៧។ នៅក្នុងកម្មវិធី អាហារូបករណ៍ ២០ ចំណែក ដោយមួយចំណែកៗមានតម្លៃ ១ លានដុង បានប្រគល់ជូនសិស្សកំព្រាជួបការលំបាកលើភូមិឋានឃុំ។ អាហារូបករណ៍ទាំងនេះរួមចំណែកឧបត្ថម្ភដល់ការសិក្សា ព្រមទាំងជាការលើកទឹកចិត្តស្មារតី បង្ហាញពីការយកចិត្តទុកដាក់ និងចែករំលែករបស់អាជីវកម្ម និងសហគមន៍ចំពោះកុមារដែលនៅជួបការលំបាកច្រើន។ ចំពោះកុមារកំព្រា រាល់ការយកចិត្តទុកដាក់ និងការជួយឧបត្ថម្ភតែងមានអត្ថន័យជាក់ស្ដែង ជួយប្អូនៗមានលក្ខណៈបន្ថែមដើម្បីបន្តទៅកាន់សាលារៀន។ អាហារូបករណ៍ដែលបានប្រគល់ជូនចំពេលវេលានាឆ្នាំសិក្សាថ្មី កាន់តែមានអត្ថន័យ ជំរុញទឹកចិត្តដើម្បីកុមារខិតខំរៀនសូត្រ ហ្វឹកហាត់ ជម្នះស្ថានភាពជាជំហានៗ និងតម្រង់ទិសដៅដល់អនាគតភ្លឺស្វាង។

ប្រគល់អាហារូបករណ៍ដល់កុមារកំព្រា និងកុមារដែលមានស្ថានភាពលំបាកនៅឃុំលិតហូយធឿង។

លោក ង្វៀងថាញ់ឃៀក ប្រធានគណៈកម្មាធិការរណសិរ្សមាតុភូមិវៀតណាមឃុំលិតហូយធឿង បានឱ្យដឹង៖ “អាហារូបករណ៍ប្រគល់ជូនពេលនេះ មិនត្រឹមតែមានអត្ថន័យខាងសម្ភារៈប៉ុណ្ណោះទេ ថែមទាំងជាការលើកទឹកចិត្តស្មារតីចំពោះសិស្សានុសិស្សដែលជួបការលំបាក។ តាមរយៈនោះ ជួយប្អូនៗទទួលបានការយកចិត្តទុកដាក់របស់សហគមន៍ មានទំនុកចិត្តដើម្បីជម្នះការលំបាក លំនឹងចិត្តរៀនសូត្រ និងខិតខំឈានឡើងក្នុងជីវភាព។ ភូមិភាគសង្ឃឹមថានាពេលខាងមុខ បន្តទទួលបានការយកចិត្តទុកដាក់ និងរួមដំណើរពីបណ្តាស្ថាប័ន អង្គភាព អាជីវកម្ម និងសប្បុរសជន ក្នុងសកម្មភាពសុខុមាលភាពសង្គម គិតគូរដល់គ្រួសារក្រីក្រ និងកុមារដែលមានស្ថានភាពលំបាកលើភូមិឋាន”។

ចាប់ពីឃុំកូវឡៅយុងរហូតដល់ឃុំលិតហូយធឿង សកម្មភាពគិតគូរដល់សិស្សានុសិស្សមុនបវេសនកាលឆ្នាំសិក្សាថ្មី កំពុងរីកសាយភាយស្មារតី "ជួយគ្នាទៅវិញទៅមក" "ស្លឹកជាពាសស្លឹកដាច់"។ តាមរយៈនោះ កៀរគរប្រភពធនធានក្នុងសង្គម ដើម្បីរួមកម្លាំងគិតគូរដល់កុមារ។ ការរួមដំណើរនេះ មិនត្រឹមតែជួយសិស្សានុសិស្សមានលក្ខណៈបន្ថែមក្នុងការសិក្សាប៉ុណ្ណោះទេ ថែមទាំងជាបង្អែកខាងស្មារតី មានក្តីជំនឿ និងឆន្ទៈដើម្បីឱ្យប្អូនៗជម្នះការលំបាក បន្តដំណើរលើផ្លូវសិក្សា។

អំណោយនិងអាហារូបករណ៍មួយចំណែកៗដែលបានប្រគល់ជូន គឺជាសារនៃក្តីស្រឡាញ់ផ្ញើជូនសិស្សានុសិស្សដែលមានការលំបាក។ ផុសចេញពីការយកចិត្តទុកដាក់នោះ សិស្សានុសិស្សមានសំពាយធ្វើដំណើរ និងកម្លាំងចិត្តបន្ថែមដើម្បីខិតខំប្រឹងប្រែង រៀនពូកែ និងបន្តទៅរៀនចាប់យកក្តីប្រាថ្នានាពេលអនាគត៕

ហុងទើ - ថាច់ធី

ចែករំលែកអត្ថបទ

ពាក្យគន្លឹះ