សុខភាព - អប់រំ សុខភាព

05/09/2026 - 13:18

យកចិត្តទុកដាក់ថែទាំសុខភាព និងជូនអំណោយដល់ប្រជាជននៅឃុំថើយអាងហោយ

ដើម្បីពង្រីកស្មារតីឈានមុខ ស្ម័គ្រចិត្តរបស់យុវវ័យផ្នែកវេជ្ជសាស្រ្តក្នុងការថែទាំ ការពារ និងលើកកម្ពស់សុខភាពប្រជាជន សម្ព័ន្ធយុវជននៃមន្ទីរពេទ្យពហុព្យាបាលសុកត្រាំង ទីក្រុងកឹងធើ ទើបចាត់តាំងកម្មវិធីពិនិត្យជំងឺ ពិគ្រោះសុខភាពដោយឥតគិតថ្លៃ និងជូនអំណោយដល់ប្រជាជនដែលមានស្ថានភាពលំបាកនៅឃុំថើយអាងហោយ។

ឆ្ពោះទៅរកសហគមន៍ ពង្រីកស្មារតីទទួលខុសត្រូវ និងចែករំលែករបស់កងជួរបុគ្គលិកសុខាភិបាល។ ថ្មីៗនេះ សម្ព័ន្ធយុវជននៃមន្ទីរពេទ្យពហុព្យាបាលសុកត្រាំង សហការជាមួយនឹងរដ្ឋអំណាចភូមិភាគ ចាត់តាំងកម្មវិធីពិនិត្យជំងឺ ពិគ្រោះសុខភាពដោយឥតគិតថ្លៃ និងជូនអំណោយដល់ប្រជាជននៅលើភូមិឋានឃុំថើយអាងហោយ។

ប្រជាជនឃុំថើយអាងហោយ ទីក្រុងកឹងធើ បានពិនិត្យនិងពិគ្រោះសុខភាពដោយឥតគិតថ្លៃ។

កម្មវិធីនេះ បានកងជួរសម្ព័ន្ធយុវជន និងកងជួរគ្រូពេទ្យ វេជ្ជបណ្ឌិតនៃមន្ទីរពេទ្យពិនិត្យ វាស់សូចនាករសុខភាព ពិគ្រោះ និងណែនាំប្រជាជនអំពីរបៀបបង្ការជំងឺមួយចំនួនដែលច្រើនជួបប្រទះ។ ទន្ទឹមនឹងនោះ ប្រជាជនថែមទាំងបានពិគ្រោះអំពីរបបអាហារូបត្ថម្ភ លត់ដំសុខភាព ប្រើប្រាស់ថ្នាំដោយសុវត្ថិភាព និងម្ចាស់ការតាមដានសុខភាពតាមកាលកំណត់។ សកម្មភាពនេះមិនត្រឹមតែរួមចំណែកជួយប្រជាជន ពិសេសអ្នកដែលមានស្ថានភាពលំបាក បានកៀកជិតសេវាថែទាំសុខភាពប៉ុណ្ណោះទេ ថែមទាំងលើកកម្ពស់ការយល់ដឹងអំពីការម្ចាស់ការបង្ការទប់ស្កាត់ រកឃើញ និងពិគ្រោះបញ្ហាសុខភាពបានទាន់ពេលវេលាទៀតផង។ កម្មវិធីនេះបានចាត់តាំងពិនិត្យជំងឺ និងពិគ្រោះសុខភាពជូនអ្នកមានវ័យចំណាស់ប្រមាណ ២០០ នាក់ ដែលស្ថិតក្នុងក្របខ័ណ្ឌគ្រួសារគោលនយោបាយ និងប្រជាជនមានស្ថានភាពលំបាក។ ប្រជាបានសាកសួរប្រវត្តិជំងឺ និងពិគ្រោះសុខភាព; ការវាស់ស្ទង់សូចនាករជីវិត កម្ពស់ ទម្ងន់ BMI សម្ពាធឈាម ជីពចរ; ពិនិត្យគ្លីនិកតាមជំនាញ៖ ផ្នែកខាងក្នុង ផ្នែកខាងក្រៅ សើស្បែក ភ្នែក ត្រចៀកច្រមុះបំពង់ក ធ្មេញថ្គាមមុខ និងផ្នែករោគស្ត្រី ធ្វើតេស្តប៉ារ៉ាគ្លីនិកឈាម និងទឹកនោម រួមចំណែកឆាប់ឃើញបញ្ហាសុខភាព និងពិគ្រោះ ថែទាំ និងព្យាបាលសមស្រប។

សម្ព័ន្ធយុវជន និងកងជួរគ្រូពេទ្យ វេជ្ជបណ្ឌិតនៃមន្ទីរពេទ្យពហុព្យាបាលសុកតាំងទីក្រុងកឹងធើបានពិនិត្យជំងឺ វាស់សូចនាករសុខភាព និងពិគ្រោះដោយឥតគិតថ្លៃដល់ប្រជាជននៅឃុំថើយអាងហោយ។

ក្នុងក្របខ័ណ្ឌកម្មវិធី សម្ព័ន្ធយុវជននៃមន្ទីរពេទ្យពហុព្យាបាលសុកត្រាំង ក៏បានជូនអំណោយជាច្រើនដល់ប្រជាជនដែលមានស្ថានភាពលំបាកនៅភូមិភាគ។ ទោះបីអំណោយទាំងនេះមានតម្លៃមិនច្រើនក៏ដោយ ប៉ុន្តែបង្ហាញពីការយកចិត្តទុកដាក់ ចែករំលែក និងស្មារតីស្រឡាញ់រាប់អានគ្នាទៅវិញទៅមករបស់យុវជននៅមន្ទីរពេទ្យចំពោះសហគមន៍។ អនុបណ្ឌិត ង្វៀងកុងខាង លេខាសម្ព័ន្ធយុវជននៃមន្ទីរពេទ្យពហុព្យាបាលសុកត្រាំង ឱ្យដឹង៖ “ទន្ទឹមនឹងសកម្មភាពពិនិត្យព្យាបាលជំងឺ កម្មវិធីនេះបានជូនអំណោយ ៤០ ចំណែកដល់គ្រួសារគោលនយោបាយ និងគ្រួសារមានស្ថានភាពលំបាក អំណោយមួយចំណែកៗមានតម្លៃ ៣៥០.០០០ ដុង កម្មវិធីនេះរួមចំណែកចែករំលែកការលំបាកក្នុងជីវភាព និងលើកទឹកចិត្តមាមីងដោយជាក់ស្តែង ថវិកាអនុវត្តកម្មវិធីសរុបប្រមាណ ១០០ លានដុង”។ មីង ត្រឹងធីមី នៅឃុំថើយអាងហោយ ឱ្យដឹង៖ “ខ្ញុំតែងឈឺសន្លាក់ឆ្អឹង ដោយសារមានកងជួរគ្រូពេទ្យ វេជ្ជបណ្ឌិតមកពិនិត្យដល់ឃុំ ម្ល៉ោះហើយខ្ញុំមកតាំងពីព្រឹក ដើម្បីឆាប់បានពិនិត្យ និងយកថ្នាំផឹក ខ្ញុំសូមថ្លែងអរគុណចំពោះសកម្មភាពមានន័យទាំងនេះ”។ រូបភាពគ្រូពេទ្យមិនត្រឹមតែអស់ពីចិត្តក្នុងការពិនិត្យនិងព្យាបាលជំងឺប៉ុណ្ណោះទេ ថែមទាំងម្ចាស់ការឆ្ពោះទៅរកសហគមន៍ បន្តសំណាយភាយទៀតផង។ នេះជាឱកាសដើម្បីសម្ព័ន្ធយុវជន យុវជននៃមន្ទីរពេទ្យលើកកម្ពស់ស្មារតីឈានមុខ ទទួលខុសត្រូវសង្គម និងចិត្តមនុស្សធម៌របស់យុវជនផ្នែកវេជ្ជសាស្រ្ត។

តាមរយៈសកម្មភាពស្ម័គ្រចិត្តឆ្ពោះទៅរកសហគមន៍ សម្ព័ន្ធយុវជននៃមន្ទីរពេទ្យពហុព្យាបាលសុកត្រាំង បន្តអំណះអំណាងតួនាទីរបស់យុវជនក្នុងការងារសុខុមាលភាពសង្គម ថែទាំសុខភាពប្រជាជន រួមចំណែកកសាងរូបភាពគ្រូពេទ្យវ័យក្មេងអស់ពីចិត្តដើម្បីសុខភាពសហគមន៍។ កម្មវិធីនេះគឺជាសកម្មភាពមានអត្ថន័យ និងជាក់ស្តែង បង្ហាញស្មារតី “កន្លែងណាត្រូវការមានយុវជន កន្លែងណាលំបាកមានយុវជន” ទន្ទឹមនឹងនោះ រួមចំណែកផ្សព្វផ្សាយរូបភាពកម្មាភិបាល សម្ព័ន្ធយុវជនផ្នែកវេជ្ជសាស្រ្តអស់ពីចិត្ត ទទួលខុសត្រូវ និងចិត្តមនុស្សធម៌។ រាល់សកម្មភាពស្ម័គ្រចិត្តគឺជាទង្វើល្អមួយ រួមចំណែកតភ្ជាប់សេចក្តីស្រឡាញ់ និងព្រួតដៃដើម្បីសហគមន៍មានសុខភាពរឹងមាំ និងមនោសញ្ចេតនា៕

ដាលីន - វិមាន

ចែករំលែកអត្ថបទ

ពាក្យគន្លឹះ