សុខភាព - អប់រំ អប់រំ

18/10/2026 - 09:44

សាលាអនុវិទ្យាល័យ និងវិទ្យាល័យ ស៊ើងវង្ស ៖ សាលាឈ្មោះថ្មី ការប្តេជ្ញាចិត្តថ្មី

សាលាអនុវិទ្យាល័យនិងវិទ្យាល័យ ស៊ើងវង្ស បានបង្កើតឡើងដោយការរួមបញ្ជូលរវាងសាលាអនុវិទ្យាល័យហេបហ្វា សាលាអនុវិទ្យាល័យស៊ើងវង្ស និងសាលាវិទ្យាល័យញីទ្រឿង។ ជាមួយនឹងឈ្មោះថ្មី និងទ្រង់ទ្រាយអភិវឌ្ឍន៍រួមជាមួយ សមូហភាពកម្មាភិបាល គ្រូបង្រៀន និងសិស្សានុសិស្សនៃសាលាកំពុងលើកកម្ពស់ស្មារតីទទួលខុសត្រូវ និងប្តេជ្ញាចិត្តលើកកម្ពស់គុណភាពអប់រំគ្រប់ជ្រុងជ្រោយ។

ម៉ោងបង្រៀនរបស់លោកគ្រូនិងសិស្សសាលាអនុវិទ្យាល័យនិងវិទ្យាល័យស៊ើងវង្ស។

បច្ចុប្បន្ន ទីតាំងមណ្ឌលរបស់សាលាស្ថិតនៅសាលាវិទ្យាល័យញីទ្រឿង (ចាស់) និងមានសាខា ២ ទៀតនៅសាលាអនុវិទ្យាល័យហៀបហ្វា (ចាស់) និងសាលាអនុវិទ្យាល័យស៊ើងវង្ស (ចាស់)។ ទូទាំងសាលាមានកម្មាភិបាល គ្រូបង្រៀន និងបុគ្គលិកសរុប ១១៣ នាក់ ក្នុងនោះមាន ៣៣ នាក់ជាជនជាតិខ្មែរ។ មានបន្ទប់រៀន ៥០ បន្ទប់ មានសិស្សសរុប ១.៨០០ នាក់ ក្នុងនោះមានសិស្សជនជាតិខ្មែរចំនួន ១.៣០១ នាក់។

មោទនភាពពីមូលដ្ឋានគ្រឹះនៃលទ្ធផលសម្រេចបាន

មុនពេលរួមបញ្ជូល នៅឆ្នាំសិក្សា ២០២៥ - ២០២៦ សាលាវិទ្យាល័យញីទ្រឿង ធ្លាប់បានទទួលលទ្ធផលគួរឱ្យមោទនៈ៖ សិស្សរៀនឡើងថ្នាក់សម្រេច ៩៩,៩% ក្នុងនោះ សិស្សសម្រេចនិទ្ទេសពូកែ ២២,៩% សិស្សសម្រេចនិទ្ទេសគ្រាន់បើ ៤៧,១៥% និងសិស្សសម្រេចនិទ្ទេសមធ្យម ២៨,៨៦%)។ អត្រាសិស្សសម្រេច ៩៩,០៦% និងអត្រាសិស្សប្រឡងជាប់សញ្ញាបត្រវិទ្យាល័យសម្រេច ១០០%។ សាលាបានពិនិត្យទទួលស្គាល់សម្រេចគុណភាពអប់រំកម្រិត ២ និងបានទទួលស្គាល់សម្រេចបទដ្ឋានជាតិកម្រិត ១។

ទន្ទឹមនឹងនោះ បណ្តាចលនានិងការប្រឡងសិស្សពូកែ សមយុទ្ធកីឡា ការស្រាវជ្រាវវិទ្យាសាស្ត្រ - បច្ចេកទេស ក៏សម្រេចបានស្នាដៃជាច្រើនផងដែរ។ សិស្សរបស់សាលាទទួលបានរង្វាន់លើកទឹកចិត្តថ្នាក់ខេត្ត ១ រង្វាន់ ក្នុងការប្រឡងគណិតវិទ្យាលើម៉ាស៊ីនគិតលេខ រង្វាន់មេដាយមាសចំនួន២ លើមុខវិជ្ជាគណិតវិទ្យាក្នុងការប្រឡងថ្នាក់ខេត្ត... កងជួរគ្រូបង្រៀនបានបញ្ជាក់ពីសមត្ថភាពមុខជំនាញ ដោយមានគ្រូបង្រៀនពូកែថ្នាក់ខេត្ត ៦ រូប គ្រូបង្រៀនប្រចាំថ្នាក់ពូកែថ្នាក់សាលា១រូប និងគ្រូបង្រៀនពូកែថ្នាក់សាលាចំនួន ៦ រូប។

លោកគ្រូ ត្រឹងហឺនគៀក ចាងហ្វាងសាលាអនុវិទ្យាល័យនិងវិទ្យាល័យ ស៊ើងវង្ស បានចែករំលែក៖ “ជាសាលាដែលមានសិស្សជនជាតិភាគតិចច្រើន សាលាតែងអនុវត្តគ្រប់សព្វនិងទាន់ពេលនូវគោលនយោបាយឧបត្ថម្ភ ដូចជា ការកាត់បន្ថយថ្លៃសិក្សា ឧបត្ថម្ភប្រាក់ចំណាយសិក្សាចំពោះសិស្សពិការ ផ្តល់ធានារ៉ាប់រងសុខភាព សៀវភៅមុខវិជ្ជាសិក្សា...ទន្ទឹមនឹងនេះ សាលារៀនបានយកចិត្តទុកដាក់ពិសេស ក្នុងការបង្ការនិងទប់ស្កាត់ស្ថានភាពសិស្សបោះបង់ការសិក្សាកណ្តាលការ”។

ដើម្បីបន្ថយការបោះបង់ការសិក្សារបស់សិស្ស គ្រូប្រចាំថ្នាក់តែងតែតាមដាននិងយកចិត្តទុកដាក់លើមុខសញ្ញាដែលរៀនខ្សោយ ឬឈប់រៀនជារឿយៗ។ នៅពេលសិស្សឈប់រៀនពី ២ ទៅ ៣ ថ្ងៃដោយគ្មានមូលហេតុ សាលានឹងសហការជាមួយអាណាព្យាបាលសិស្សដើម្បីស្វែងយល់ពីមូលហេតុ និងដឹកនាំប្អូនៗឱ្យត្រឡប់ចូលរៀនវិញ។ សាលាក៏រៀបចំការបង្រៀនបំប៉នបន្ថែមដោយឥតគិតថ្លៃ រៀបចំឯកសារសង្ខេបដើម្បីជួយប្អូនស្តារចំណេះដឹងមូលដ្ឋានឡើងវិញ សហការជាមួយរដ្ឋអំណាចភូមិភាគចលនាអាណាព្យាបាលសិស្ស និងកៀរគរប្រភពធនធានក្នុងសង្គម ដើម្បីជួយឧបត្ថម្ភអាហារូបករណ៍ កង់ និងឧបករណ៍រៀនសូត្រដល់សិស្សដែលមានជីវភាពខ្វះខាត។

សាលាឈ្មោះថ្មី - ទិសដៅប្រឹងប្រែងថ្មី

ឆ្នាំសិក្សាថ្មីនាំមកនូវបរិយាកាសថ្មីសម្រាប់ប្អូនៗសិស្សានុសិស្ស។ ប្អូនស្រី ង្វៀងគីមអាញ់ង៉្វៀត សិស្សថ្នាក់ទី ១២/៤ បានរៀបរាប់៖ “សាលារៀនឈ្មោះថ្មី ក៏ធ្វើឱ្យបរិយាកាសសិក្សាផ្លាស់ថ្មីផងដែរ។ ប្អូនប្តេជ្ញាចិត្តរៀនសូត្រឱ្យបានល្អ ដើម្បីប្រឡងចូលផ្នែកគរុកោសល្យ និងសម្រេចក្ដីប្រាថ្នាក្នុងការរួមចំណែកដល់វិស័យអប់រំ”។

ក្រោយការរូមបញ្ជូល ភារកិច្ចគ្រប់គ្រង ក៏ដូចជាតម្រូវការលើកកម្ពស់គុណភាពបង្រៀននិងរៀនទាមទារកម្រិតខ្ពស់ជាង។ គណៈចាងហ្វាងសាលាបានរៀបចំផែនការតាមទិសដៅ “សាលាឈ្មោះថ្មី - ការប្តេជ្ញាចិត្តថ្មី”។

សាលាអនុវិទ្យាល័យនិងវិទ្យាល័យស៊ើងវង្ស។

តាមប្រសាសន៍លោក ត្រឹងហឺនគៀក សាលាកំពុងធ្វើសុក្រឹតបែបបទធ្វើការរវាងមណ្ឌលសាលានិងសាខាសាលា បែងចែកច្បាស់លាស់តួនាទី និងការទទួលខុសត្រូវដើម្បីជៀសវាងការផ្គងលើគ្នា; បង្កើនការអនុវត្តបច្ចេកវិទ្យាព័ត៌មាន ធ្វើសិក្ខាគារិកឌីជីថល តាមដានពិន្ទុសិក្សា និងប្រព័ន្ធទំនាក់ទំនងអាណាព្យាបាលសិស្ស ដើម្បីបន្ថយការសម្ពាធបែបបទរដ្ឋបាលឱ្យគ្រូបង្រៀន។ កងជួរគ្រូបង្រៀនក៏បានយកចិត្តទុកដាក់អភិវឌ្ឍសមត្ថភាពមុខជំនាញ ផ្លាស់ប្តូរវិធីសាស្ត្របង្រៀនតាមកម្មវិធីអប់រំថ្មី និងការអនុវត្តប្រព័ន្ធបញ្ញាសិប្បនិម្មិត (AI) ក្នុងការរៀបចំមេរៀន។

ជាមួយស្មារតីសាមគ្គី ការខិតខំប្រឹងប្រែង និងការប្តេជ្ញាចិត្តខ្ពស់របស់សមូហភាពកម្មាភិបាល គ្រូបង្រៀន និងសិស្សានុសិស្ស សាលាអនុវិទ្យាល័យនិងវិទ្យាល័យស៊ើងវង្ស សន្យានឹងទទួលបានលទ្ធផលវិជ្ជមានជាច្រើន រួមចំណែកលើកកម្ពស់គុណភាពអប់រំនៅភូមិភាគឱ្យកាន់តែរីកចម្រើនឡើង៕

សឺនមាល័យ-ត្រឹងរ៉ូន

ចែករំលែកអត្ថបទ

ពាក្យគន្លឹះ