សុខភាព - អប់រំ អប់រំ

14/10/2026 - 20:47

ទីក្រុងកឹងធើ ជាជំហានៗយកភាសាអង់គ្លេសជាភាសាទីពីរនៅតាមសាលារៀន

កន្លងមក គណៈកម្មាធិការប្រជាជនទីក្រុងកឹងធើ បានអនុវត្តគម្រោង “យកភាសាអង់គ្លេសជាភាសាទីពីរនៅតាមសាលារៀន”។ នេះជាជំហានលោតផ្លោះ សំដៅបង្កបរិយាកាសប្រាស្រ័យទាក់ទងជាក់ស្តែង ផ្លាស់ថ្មីវិធីសាស្ត្របង្រៀន ជួយសិស្សានុសិស្សទូទាំងទីក្រុង ពិសេសគឺតំបន់ជនជាតិភាគតិច មានទំនុកចិត្តក្នុងការធ្វើសមាហរណកម្មអន្តរជាតិ។

ទីក្រុងកឹងធើ យកចិត្តទុកដាក់លើកកម្ពស់គុណភាពបង្រៀននិងរៀនភាសាអង់គ្លេស។

គណៈកម្មាធិការប្រជាជនទីក្រុងកឹងធើ បានចេញផែនការលេខ ៣៨៨/KH-UBND ចុះថ្ងៃទី ១៤ ខែសីហា ឆ្នាំ ២០២៦ អនុវត្តគម្រោង “យកភាសាអង់គ្លេសជាភាសាទីពីរនៅតាមសាលារៀន” ដំណាក់កាល ២០២៦ - ២០៣០។ នេះជាគោលការណ៍ធំ សំដៅធ្វើឱ្យជាក់ស្តែងនូវបណ្តាសេចក្តីសម្រេចចិត្តរបស់បក្ស និងគោលនយោបាយរបស់រដ្ឋ ស្តីពីការផ្លាស់ថ្មីជាមូលដ្ឋាន គ្រប់ជ្រុងជ្រោយលើវិស័យអប់រំនិងបណ្តុះបណ្តាល។ ទីក្រុងបានដាក់ចេញទិសដៅខិតខំគ្រឹះស្ថានអប់រំចំណេះទូទៅទាំង១០០% ចាត់តាំងការបង្រៀនភាសាអង់គ្លេសជាកាតព្វកិច្ចចាប់បង្ខំពីថ្នាក់ទី ១; និងសាលាមត្តេយ្យទាំង១០០% នៅតំបន់មានលក្ខណៈងាយស្រួល ចាត់តាំងបង្រៀនឱ្យកុមារបានស្គាល់ជាមួយភាសាអង់គ្លេស។ ចាប់ផ្តើមពីឆ្នាំសិក្សា ២០២៦ - ២០២៧ ភូមិភាគសាកល្បងបង្រៀនមុខវិជ្ជាវិទ្យាសាស្ត្រធម្មជាតិមួយចំនួនដោយភាសាអង់គ្លេសនៅបណ្តាកន្លែងដែលមានលក្ខណៈគ្រប់គ្រាន់។ សរុបប្រភពធនធានរំពឹងទុកបែងចែកសម្រាប់ទូទាំងដំណាក់កាល សម្រេចជាង ៧០៥ ពាន់លានដុង។

ចំណុចគួរយកចិត្តទុកដាក់នៃគម្រោង គឺមិនត្រឹមតែផ្តោតលើម៉ោងសិក្សាភាសាអង់គ្លេសក្នុងថ្នាក់ប៉ុណ្ណោះទេ ថែមទាំងតម្រង់ទិសដល់ការប្រើប្រាស់ភាសាបរទេសក្នុងបណ្តាសកម្មភាពប្រាស្រ័យទាក់ទង ឆ្លងបទពិសោធន៍ជាក់ស្តែង ក្លឹបសិក្សា ទីលានប្រកួតប្រជែងចំណេះដឹង វេទិកា និងសកម្មភាពអប់រំផ្សេងៗទៀត។ ឆ្លងតាមនោះ សិស្សានុសិស្សមានលក្ខណៈអនុវត្តចំណេះដឹងដែលបានរៀនចូលក្នុងភាពជាក់ស្តែង ជាជំហានៗបង្កើតប្រតិកម្មភាសា លើកកម្ពស់សមត្ថភាពស្តាប់ និយាយ អាន សរសេរ និងមានភាពជឿជាក់ពេលប្រាស្រ័យទាក់ទង។ ដើម្បីធ្វើឱ្យទិសដៅនេះក្លាយជាការពិត ទីក្រុងលើកទឹកចិត្តបណ្តាសាលារៀនចាត់តាំងទិវាបុណ្យ សប្តាហ៍ភាសាអង់គ្លេស ពិធីប្រឡង ការដោះដូរ និងសកម្មភាពឆ្លងបទពិសោធន៍ជាភាសាអង់គ្លេស។ ទីលានប្រកួតប្រជែងសមស្របទៅតាមវ័យ នឹងបង្កើតឱកាសឱ្យសិស្សានុសិស្សបានសិក្សារៀនសូត្រក្នុងបរិយាកាសរស់រវើក បង្កើនការប្រាស្រ័យទាក់ទង ម្ចាស់ការស្វែងយល់ចំណេះដឹង និងប្រើប្រាស់ភាសាបរទេសក្នុងបណ្តាស្ថានការណ៍ជិតស្និទ្ធនឹងជីវភាពរស់នៅ។

ទន្ទឹមនឹងនោះ ការលើកកម្ពស់គុណភាពកងជួរគ្រូបង្រៀន បានកំណត់ជាភារកិច្ចស្នូល។ ទីក្រុងនឹងអង្កេត វាយតម្លៃសមត្ថភាពភាសាអង់គ្លេសរបស់គ្រូបង្រៀន ដោយបែងប្រភេទតាមកម្រិតនិងតម្រូវការ ដើម្បីរៀបចំផែនការបណ្តុះបណ្តាលបំប៉នឱ្យបានសមស្រប។ ទន្ទឹមនឹងការលើកកម្ពស់ជំនាញវិជ្ជាជីវៈ ការកែទម្រង់វិធីសាស្ត្របង្រៀនឆ្ពោះទៅរកការអភិវឌ្ឍគុណសម្បត្តិ និងសមត្ថភាពរបស់អ្នកសិក្សា នឹងរួមចំណែកដល់ការផ្លាស់ប្តូរពីទម្រង់រៀនដែលផ្តោតលើការទន្ទេញចាំចំណេះដឹង ទៅជាការបង្កើនការអនុវត្ត និងការប្រើប្រាស់ភាសាជាក់ស្ដែង។ ទីក្រុងក៏អាទិភាពវិនិយោគបន្ទប់រៀនភាសាបរទេស ឧបករណ៍បង្រៀនទំនើប គ្រឹះស្ថានសិក្សាឌីជីថល និងលក្ខខណ្ឌនានាធានាដល់ការបង្រៀនភាសាអង់គ្លេស និងការបង្រៀនមុខវិជ្ជាជាភាសាអង់គ្លេស។

នៅសាលាអនុវិទ្យាល័យត្រឹងដេ ឃុំត្រឹងដេ ការផ្លាស់ថ្មីវិធីសាស្ត្របង្រៀនភាសាអង់គ្លេស បានយកចិត្តទុកដាក់តាមទិសពង្រីកភាពម្ចាស់ការ សកម្មរបស់សិស្សានុសិស្ស។ ក្នុងបណ្តាម៉ោងរៀន គ្រូបង្រៀនបង្កើនការចាត់តាំងសកម្មភាពសន្ទនា ធ្វើការជាគូ ក្រុម ធ្វើបទបង្ហាញ ដើរតួនិងដោះស្រាយស្ថានការណ៍ជាក់ស្តែង។ ឆ្លងតាមនោះ សិស្សានុសិស្សមិនត្រឹមតែពង្រឹងចំណេះដឹងភាសាប៉ុណ្ណោះទេ ថែមទាំងហ្វឹកហាត់សមត្ថភាពសម្តែងប្រើប្រាស់ភាសា សហការ និងដោះស្រាយបញ្ហា។

សិស្សានុសិស្សសាលាអនុវិទ្យាល័យត្រឹងដេ មានក្ដីរំភើបពេលចូលរួមបណ្តាសកម្មភាពក្លឹបភាសាអង់គ្លេស។

អ្នកគ្រូ ទ្រិញធីង៉ុកត្រឹង គ្រូបង្រៀនភាសាអង់គ្លេស សាលាអនុវិទ្យាល័យត្រឹងដេ ឱ្យដឹង៖ “ក្នុងដំណើរការបង្រៀន យើងខ្ញុំយកចិត្តទុកដាក់អភិវឌ្ឍគុណសម្បត្តិ សមត្ថភាពសិស្សានុសិស្ស បង្កើនបណ្តាសកម្មភាពប្រាស្រ័យទាក់ទង ធ្វើការជាគូ ក្រុម ធ្វើបទបង្ហាញ ដើរតួនិងដោះស្រាយស្ថានការណ៍ជាក់ស្តែង។ ទន្ទឹមនឹងនោះ សាលារៀនរក្សាក្លឹបភាសាអង់គ្លេស បង្កកន្លែងកម្សាន្តប្រកបដោយអត្ថប្រយោជន៍ ដើម្បីសិស្សានុសិស្សដោះដូរ អនុវត្តភាសាបរទេស។ ឆ្លងតាមនោះ កាត់បន្ថយការទន្ទេញចាំម៉ាត់ដូចម៉ាស៊ីន ជួយប្អូនៗជឿជាក់ពេលប្រើប្រាស់ភាសាអង់គ្លេសក្នុងបណ្តាស្ថានការណ៍ជិតស្និទ្ធនឹងជីវភាពរស់នៅ”។

លោកគ្រូថាច់ធូ ចាងហ្វាងរងសាលាអនុវិទ្យាល័យត្រឹងដេ ចែករំលែក៖ “សាលារៀនកំណត់ការលើកកម្ពស់គុណភាពបង្រៀន និងរៀនភាសាអង់គ្លេសជាភារកិច្ចសំខាន់ រួមចំណែកអភិវឌ្ឍសមត្ថភាពឱ្យសិស្សានុសិស្ស។ ពេលខាងមុខ សាលារៀនបន្តលើកទឹកចិត្តគ្រូបង្រៀនផ្លាស់ថ្មីវិធីសាស្ត្របង្រៀន បង្កើនបណ្តាសកម្មភាពអនុវត្ត ប្រាស្រ័យទាក់ទង និងបង្កើតបរិយាកាសដើម្បីសិស្សានុសិស្សក្លាហានប្រើប្រាស់ភាសាអង់គ្លេស។ ជាមួយគ្នានោះ សាលារៀនយកចិត្តទុកដាក់បំប៉នកងជួរគ្រូបង្រៀន ជាជំហានៗលើកកម្ពស់លក្ខណៈបង្រៀននិងរៀន ឆ្លើយតបតម្រូវការផ្សព្វផ្សាយអនុវត្តគម្រោង”។

ដោយការតម្រង់ទិសព្រមៗគ្នាពីទីក្រុងដល់គ្រឹះស្ថានអប់រំ គម្រោងបើកចេញឱកាសលើកកម្ពស់គុណភាពបង្រៀន និងរៀនភាសាបរទេសនៅកឹងធើ។ ភាពម្ចាស់ការផ្លាស់ថ្មីរបស់គ្រូបង្រៀន សាលារៀន រួមជាមួយនឹងលក្ខណៈរៀនសូត្រកាន់តែបានកែលម្អពេញលេញ នឹងជួយសិស្សានុសិស្សអភិវឌ្ឍសមត្ថភាពភាសាអង់គ្លេស មានទំនុកចិត្តរៀនសូត្រ ប្រាស្រ័យទាក់ទង និងធ្វើសមាហរណកម្មនាពេលអនាគត៕

ហុងទើ - ថាច់ធី

ចែករំលែកអត្ថបទ

ពាក្យគន្លឹះ