សន្តិសុខ - ការពារប្រទេស ការពារប្រទេស

07/10/2026 - 21:20

កងទ័ពការពារព្រំដែនទីក្រុងកឹងធើ អញ្ជើញទៅសួរសុខទុក្ខ ជូនអំណោយតាមវត្តខ្មែរ ក្នុងឱកាសពិធីបុណ្យសែនដូនតា ឆ្នាំ ២០២៦

រយៈពេលចាប់ថ្ងៃទី ៥ ដល់ថ្ងៃទី ៧ ខែតុលា គណៈបញ្ជាការកងទ័ពការពារព្រំដែនទីក្រុងកឹងធើ ចាត់តាំងគណៈប្រតិភូ ចំនួន ២ ក្រុម អញ្ជើញទៅសួរសុខទុក្ខ ជូនអំណោយ ប្រសិទ្ធពរនៅតាមវត្តព្រះពុទ្ធសាសនាទក្ខិណនិកាយខ្មែរ ក្នុងឱកាសបុណ្យសែនដូនតា ឆ្នាំ ២០២៦ នៅទីតាំងវត្តខ្មែរចំនួន ២៣ វត្តលើភូមិឋានតំបន់ព្រំដែនសមុទ្រទីក្រុងកឹងធើ។

វរសេនីយ៍ឯក លឿងហ៊ឺវទ្រុង បញ្ជាការរងកងទ័ពការពារព្រំដែនទីក្រុងកឹងធើ អញ្ជើញទៅសួរសុខទុក្ខ ប្រគេនអំណោយព្រះឧបជ្ឈាយ៍ថាច់ហួន ចៅអធិការវត្តព្រៃជាប់ ឃុំឡាយហ្វា ទីក្រុងកឹងធើ។

នៅតាមវត្តនីមួយៗ ជំនួសគណៈកម្មាធិការបក្ស គណៈបញ្ជាការកងទ័ពការពារព្រំដែនទីក្រុងកឹងធើ គណៈប្រតិភូបានសួរសុខទុក្ខ ជូនអំណោយ និងប្រសិទ្ធពរដ៏ប្រសើរដល់ព្រះសង្ឃ គណៈកម្មការវត្ត អ្នកមានប្រិយភាព ព្រមទាំងមាមីងពុទ្ធបរិស័ទខ្មែរក្នុងឱកាសបុណ្យសែនដូនតា។ គណៈប្រតិភូបានប្រសិទ្ធពរព្រះសង្ឃ និងជនរួមជាតិខ្មែរទទួលអំណរពិធីបុណ្យសែនដូនតាក្នុងបរិយាកាសរីករាយ កក់ក្តៅ សុខដុមរមនា សាមគ្គី; បន្តពង្រីកប្រពៃណីដ៏ផូរផង់ កសាងជីវភាពវប្បធម៌ រួមចំណែកពង្រឹងផែនមហាសាមគ្គីទូទាំងជនជាតិ។

ថ្នាក់ដឹកនាំកងទ័ពការពារព្រំដែនទីក្រុងកឹងធើ បានកត់សម្គាល់ និងវាយតម្លៃខ្ពស់តួនាទីរបស់វត្តខ្មែរ ព្រះចៅអធិការ គណៈកម្មការវត្ត អ្នកមានប្រិយភាពនិងជនរួមជាតិពុទ្ធបរិស័ទក្នុងការឃោសនា ចលនាប្រជាជនអនុវត្តគោលការណ៍ គោលមាគ៌ារបស់បក្ស គោលនយោបាយ និងច្បាប់របស់រដ្ឋ; សកម្មចូលរួមអភិវឌ្ឍសេដ្ឋកិច្ច-សង្គម រក្សាអត្តសញ្ញាណវប្បធម៌ជនជាតិ កសាងជីវភាពវប្បធម៌នៅតាមភូមិឋាន និងពង្រឹងផែនមហាសាមគ្គីទូទាំងជនជាតិ។

វរសេនីយ៍ឯក ហាហ្វីទ្រឿង ស្នងការនយោបាយរងកងទ័ពការពារព្រំដែនទីក្រុងកឹងធើ អញ្ជើញទៅសួរសុខទុក្ខ ប្រគេនអំណោយព្រះសង្ឃវត្តកោះទុង ឃុំកូវឡាវយុង ទីក្រុងកឹងធើ។

ពិសេស ក្នុងការបំពេញភារកិច្ចគ្រប់គ្រង ការពារអធិបតេយ្យ សន្តិសុខព្រំដែនសមុទ្រ ជនជាតិខ្មែរ ព្រះសង្ឃ និងអ្នកមានប្រិយភាពតែងមានការរួមចំណែកជាក់ស្តែងជាច្រើន សកម្មសហការ ផ្តល់ព័ត៌មាន ចូលរួមឃោសនា ចលនាប្រជាជនអនុវត្តច្បាប់ លើកកម្ពស់ស្មារតីទទួលខុសត្រូវក្នុងការការពារអធិបតេយ្យភាពទឹកដី សន្តិសុខព្រំដែនជាតិ។

វរសេនីយ៍ឯក ហាហ្វីទ្រឿង ស្នងការនយោបាយរងកងទ័ពការពារព្រំដែនទីក្រុងកឹងធើ ឱ្យដឹង៖ សកម្មភាពចុះសួរសុខទុក្ខ ជូនអំណោយ ប្រសិទ្ធពរក្នុងឱកាសពិធីបុណ្យសែនដូនតា របស់កងទ័ពការពារព្រំដែនទីក្រុងកឹងធើ បង្ហាញពីការយកចិត្តទុកដាក់ ផ្សារភ្ជាប់របស់កម្មាភិបាល យុទ្ធជនកងទ័ពការពារព្រំដែន ចំពោះជនរួមជាតិខ្មែរលើភូមិឋានព្រំដែនសមុទ្រ; តាមរយៈនោះ រួមចំណែកពង្រឹងទំនាក់ទំនងសាមគ្គីរវាងកងទ័ព - ប្រជាជន បង្កើនទំនុកចិត្តរបស់ប្រជាជនមកលើបក្ស រដ្ឋ និងកម្លាំងកងទ័ពការពារព្រំដែន។

នេះក៏ជាកម្លាំងលើកទឹកចិត្ត ដើម្បីព្រះសង្ឃ អ្នកមានប្រិយភាព និងពុទ្ធបរិស័ទខ្មែរ បន្តពង្រីកស្មារតី “ល្អសង្គម ល្អសាសនា” សកម្មចូលរួមក្នុងចលនាប្រឡងប្រណាំងស្នេហាជាតិ ពិសេសគឺចលនា “ទូទាំងប្រជាជនចូលរួមការពារអធិបតេយ្យភាពទឹកដី សន្តិសុខព្រំដែនជាតិក្នុងស្ថានភាពថ្មី”; រួមដំណើរជាមួយកងទ័ពការពារព្រំដែន គណៈកម្មាធិការបក្ស និងរដ្ឋអំណាចភូមិភាគកសាងភូមិឋានព្រំដែនសមុទ្ររឹងមាំ និងរួមចំណែកការពារអធិបតេយ្យ សន្តិសុខព្រំដែនជាតិ៕

យ្វីអាញ - លីសៀ

ចែករំលែកអត្ថបទ

ពាក្យគន្លឹះ