សន្តិសុខ - ការពារប្រទេស ការពារប្រទេស

09/10/2026 - 08:58

ដើម្បីជីវភាពសុខសាន្តរបស់ប្រជាជន

ជាមួយនឹងទិសស្លោក “យកការបង្ការធ្វើជាមូលដ្ឋានគ្រឹះ ការងារតស៊ូប្រយុទ្ធជាភាពលោតផ្លោះ ប្តេជ្ញាចិត្តបង្ក្រាបគ្មានតំបន់ហាមឃាត់ចំពោះបទល្មើសគ្រប់ប្រភេទ រក្សាភាពសុខសាន្តជូនប្រជាជន”។ ហេតុនេះ ជាច្រើនឆ្នាំកន្លង កងកម្លាំងនគរបាលឃុំតឹងហ្វា ទីក្រុងកឹងធើ តែងអនុវត្តសម្រេចភារកិច្ចនយោបាយ ប្រយុទ្ធប្រឆាំងបង្ក្រាបពួកក្រុមឧក្រិដ្ឋជន ទីកន្លែងមានភាពស្មុគស្មាញខាងបទល្មើសព្រហ្មទណ្ឌ គ្រឿងញៀន។ល។ រួមចំណែកនាំមកភាពសុខសាន្តជូនប្រជាជនគ្រប់គ្រួសារ។

កងកម្លាំងអង្គការមហាជននានារបស់ឃុំតឹងហ្វា ធ្វើព្យុហយាត្រាសាយភាយសារលិខិត”ប្តេជ្ញាចិត្តកសាងឃុំ សង្កាត់គ្មានគ្រឿងញៀន”។

ចំពោះភូមិភាគដែលមានជនរួមជាតិខ្មែររស់នៅកុះករនិយាយរួម និងឃុំតឹងហ្វា យាយដោយឡែក ប្រជាជនប្រកបរបរកសិកម្មជាចម្បង ដូច្នេះ ជីវភាពជួបការលំបាកច្រើន ប៉ុន្តែដោយទទួលបានការយកចិត្តទុកដាក់វិនិយោគលើគ្រប់ផ្នែករបស់បក្សនិងរដ្ឋ ឃើញថា ជីវភាពប្រជាជនកាន់តែមានភាពរីកចម្រើនពីមួយថ្ងៃទៅមួយថ្ងៃ។ ទន្ទឹមនឹងលទ្ធផលដែលសម្រេចបាន ក៏នៅមានភាពខ្វះចន្លោះមួយចំនួនដែលប៉ះពាល់ដល់ការរស់នៅរបស់មាមីង បំផុតគឺអបាយមុខសង្គម។

ចំពោះភាពជាក់ស្តែងនោះ នគរបាលឃុំតឹងហ្វាបានខិតខំប្រឹងប្រែងដោយឥតឈប់ឈរ ជម្នះរាល់ការលំបាក ម្ចាស់ការក្តោបក្តាប់ស្ថានភាព លើកកម្ពស់ប្រសិទ្ធភាពរាល់វិធានការជំនាញវិជ្ជាជីវៈជាមូលដ្ឋាន គួបផ្សំនឹងបង្ការទប់ស្កាត់ក្នុងសង្គម បំផុសចលនា “បេ្តជ្ញាចិត្តកសាងឃុំ សង្កាត់គ្មានគ្រឿងញៀន” “ទូទាំងប្រជាជនការពារសន្តិសុខមាតុភូមិ” ដោយមានខ្លឹមសារសម្បូរបែបនិងជាក់ស្តែងជាច្រើន មានដូចជាចាត់តាំងការដើរល្បាតបាន ៥៤០ លើក បើកយុទ្ធនាការចំណុចខ្ពស់វាយលុក បង្ក្រាបបទល្មើសគ្រប់ប្រភេទជាច្រើនលើក។ តាមរយៈនោះ រំសាយទាន់ពេលនូវករណីយុវជនជួបជុំគ្នាយប់ជ្រៅ ៣៨០ ករណី លេងល្បែងស៊ីសង ១៣០ ករណី ធ្វើបណ្តឹងចំពោះមុខសញ្ញាប្រើប្រាស់គ្រឿងញៀនខុសច្បាប់ ១ ករណី ពិនិត្យសម្រាំង ៣៧ ករណី រកឃើញមុខសញ្ញាវិជ្ជមាននឹងសារធាតុគ្រឿងញៀន ១៥ ករណី។ល។ លោកថាច់ញ៉ឹម ប្រជាជននៅភូមិភាគ ឱ្យដឹង៖ “ទន្ទឹមនឹងស្មារតីគោរពអនុវត្តច្បាប់របស់ប្រជាជនបានលើកកម្ពស់ គឺមិនអាចខ្វះតួនាទីរបស់យុទ្ធជននគរបាលនៅមូលដ្ឋាន។ ពួកគាត់តែងមានមុខទាន់ពេលនៅរាល់សភាពការណ៍ ក្តាប់ព័ត៌មាន ដោះស្រាយទំនាស់ភ្លាមៗតាំងពីកើតមាន។ មិនត្រឹមតែជាទីបង្អែកដ៏រឹងមាំអំ ពីសន្តិសុខសណ្តាប់ធ្នាប់ប៉ុណ្ណោះទេ នៅទាំងជាស្ពានតភ្ជាប់រវាងរដ្ឋអំណាចនិងប្រជាជន បង្កើតបរិស្ថានរស់នៅសុវត្ថិភាព”។

តាមប្រសាសន៍លោកវរសេនីយ៍ឯកបម្រុង ទ្រឿងថាញហីវ ប្រធាននគរបាលឃុំតឹងហ្វា ទីក្រុងកឹងធើ ដើម្បីពង្រីកប្រសិទ្ធភាព នាពេលខាងមុខ កងកម្លាំងនគរបាលបន្តការកៀរគរកម្លាំងចម្រុះរបស់ទូទាំងប្រព័ន្ធនយោបាយចូលរួមអនុវត្តជោគជ័យភារកិច្ចការពារសន្តិសុខជាតិ រក្សាសណ្តាប់ធ្នាប់សុវត្ថិភាពសង្គម រួមចំណែកបង្កបរិស្ថានលំនឹង សន្តិសុខ សុវត្ថិភាពលើភូមិឋាន។ ទន្ទឹមនឹងនោះ កងកម្លាំងនគរបាលគប្បីសិ្នទ្ធស្នាល ជិតដិតនឹងប្រជាជន គោរពប្រជាជន ពង្រីកកម្លាំងរបស់ប្រជាជន ដើម្បីប្រជាជនក្លាយជា “ភ្នែក ត្រចៀក” ពិតប្រាកដ ជាទីបង្អែកជួយកងកម្លាំងនគរបាលក្នុងការប្រយុទ្ធប្រឆាំងបទល្មើស ធានាសណ្តាប់ធ្នាប់សុវត្ថិភាពសង្គមនៅភូមិភាគ៕

ថាញវ៉ាង-មុនី

ចែករំលែកអត្ថបទ

ពាក្យគន្លឹះ