គោលនយោបាយ -ការរស់នៅ ច្បាប់

16/10/2026 - 21:58

ចាប់ពីថ្ងៃទី១ ខែមករា ឆ្នាំ២០២៧ មានច្រើនក្រុមអ្នកបានជំនួយផ្នែកច្បាប់ដោយឥតគិតថ្លៃ

ក្របខណ្ឌអ្នកដែលបានជំនួយផ្នែកច្បាប់ដោយឥតគិតថ្លៃ បានបើកទូលាយស្របតាមច្បាប់លេខ ០៥/២០២៦/ QH១៦ ធ្វើវិសោធនកម្មមាត្រាមួយចំនួននៃច្បាប់ស្ដីពីការជំនួយផ្នែកច្បាប់។

យោងតាមបទប្បញ្ញត្តិថ្មី ក្រុមមុខសញ្ញាចំនួន ៦ ដែលកំពុងទទួលបានជំនួយផ្នែកច្បាប់បន្តបានរក្សាជាដដែល រួមមាន៖ អ្នកស្ថិតក្នុងគ្រួសារក្រីក្រ; អ្នកមានសគុណចំពោះបដិវត្តន៍; កុមារ; ជនជាតិភាគតិចរស់នៅតំបន់ដែលមានលក្ខណៈសេដ្ឋកិច្ច-សង្គមលំបាកខ្លាំង; បុគ្គលមួយចំនួនដែលមានអាយុចាប់ពី ១៦ ឆ្នាំដល់ក្រោម ១៨ ឆ្នាំ ដែលចូលរួមនីតិវិធីស្របតាមបទប្បញ្ញត្តិនៃច្បាប់យុត្តិធម៌អនីតិជន; អ្នករងគ្រោះ អ្នកដែលកំពុងស្ថិតក្នុងដំណើរការកំណត់ថា ជាអ្នករងគ្រោះនៃអំពើជួញដូរមនុស្ស និងបុគ្គលអាយុក្រោម ១៨ ឆ្នាំ រួមដំណើរជាមួយ។

មេធាវីឌោង៉ុកថាញ ប្រធានសាខាសមាគមមេធាវី សមាគមការពារសិទ្ធិកុមារទីក្រុងហូជីមិញ កំពុងផ្តល់ពិគ្រោះជំនួយផ្នែកច្បាប់ដោយឥតគិតថ្លៃដល់ប្រជាជន។ រូបថត៖ ហាណាម

បន្ថែមច្រើនក្រុមអ្នកទៀតទទួលបានជំនួយផ្នែកច្បាប់

គួរកត់សម្គាល់ច្បាប់លេខ ០៥/២០២៦/QH១៦ បើកទូលាយក្រុមមួយចំនួនតាមទិសដៅមិនស្ថិតលើលក្ខណៈជួបការលំបាកអំពីហិរញ្ញវត្ថុ។

ជាក់ស្តែង ឪពុកបង្កើត ម្តាយបង្កើត ប្រពន្ធ ប្តី កូនរបស់យុទ្ធជនពលី និងអ្នកមានគុណបំណាច់ចិញ្ចឹមបីបាច់យុទ្ធជនពលី; អ្នករងគ្រោះជាតិពុលពណ៌លឿង; អ្នកពិការស្ថិតក្នុងក្របខណ្ឌទទួលបានជំនួយផ្នែកច្បាប់។

ទន្ទឹមនឹងនោះ អ្នកស្ថិតក្នុងគ្រួសារក្បែរក្រក៏ទទួលបានជំនួយផ្នែកច្បាប់ដែរ; អ្នកទទួលប្រាក់សោធនសង្គមប្រចាំខែគឺអ្នកវ័យចាស់ អ្នករងអំពើហិង្សាក្នុងករណីអំពើហិង្សាក្នុងគ្រួសារ និងអ្នកផ្ទុកមេរោគ HIV ក៏ស្ថិតក្នុងក្របខណ្ឌទទួលបានជំនួយតាមលក្ខខណ្ឌច្បាប់។

ច្បាប់ថ្មីក៏បានបន្ថែមក្រុមមុខសញ្ញាចំនួន ៥ រួមមាន៖ ជនជាតិភាគតិចមានចំនួនមនុស្សតិច; កម្មករ និយោជិតមានចំណូលទាបជាអ្នកត្រូវចោទប្រកាន់ ឬជាអ្នករងគ្រោះ; អ្នកជួបលំបាកជាយថាហេតុ ដោយសារគ្រោះធម្មជាតិ អគ្គិភ័យក្នុងករណីពាក់ព័ន្ធផ្ទាល់ ដល់ការជម្នះផលវិបាក; បុគ្គលដែលរងការខូចខាត ប៉ុន្តែមិនបានជួលអ្នកការពារសិទ្ធិ និងផលប្រយោជន៍ ស្របច្បាប់តាមច្បាប់ទទួលខុសត្រូវសំណងរបស់រដ្ឋ; ជនបរទេស ស្របតាមសន្ធិសញ្ញាអន្តរជាតិដែលវៀតណាមជាសមាជិកមានបទប្បញ្ញត្តិស្តីពីជំនួយផ្នែកច្បាប់។

អាចនឹងទទួលបានគាំទ្រភ្លាមៗក្នុងដំណើរការនីតិវិធី

អ្នកស្ថិតក្នុងក្របខណ្ឌទទួលបានជំនួយផ្នែកច្បាប់ អាចនឹងកៀកជិតសេវាកម្មនេះភ្លាមៗ ក្នុងអំឡុងពេលស៊ើបអង្កេតនិងជំនុំជម្រះ មិនចាំបាច់ស្វែងរកទំនាក់ទំនងដោយខ្លួនឯងគ្រប់ករណីទាំងអស់។ ច្បាប់លេខ ០៥/២០២៦/QH១៦ ធ្វើវិសោធនកម្មមាត្រាមួយចំនួននៃច្បាប់ស្ដីពីការជំនួយផ្នែកច្បាប់ មានសុពលភាពចាប់ពីថ្ងៃទី១ ខែមករា ឆ្នាំ២០២៧ បានកំណត់ជាច្បាប់ឱ្យមានយន្តការមេធាវីត្រូវមានមុខជំនួយផ្នែកច្បាប់នៅតុលាការប្រជាជន និងក្នុងការស៊ើបអង្កេតព្រហ្មទណ្ឌ។

យោងតាមកថាខណ្ឌ ១ មាត្រា ៤១ ដែលធ្វើវិសោធនកម្ម ស្ថាប័នមានសមត្ថកិច្ចខាងនីតិវិធីមានភារៈសហការ អនុវត្តយន្តការផ្តល់ជំនួយផ្នែកច្បាប់; ព្រមទាំងបង្កលក្ខណៈដើម្បីអ្នកទទួលបានជំនួយផ្នែកច្បាប់ទទួលបានសិទ្ធិនេះ និងអ្នកជំនួយផ្នែកច្បាប់ចូលរួមក្នុងនីតិវិធីតាមបទប្បញ្ញត្តិ។ ដូច្នេះ អ្នកស្ថិតក្នុងក្របខណ្ឌទទួលបានជំនួយផ្នែកច្បាប់ អាចនឹងទទួលបានការគាំទ្រផ្នែកច្បាប់ទាន់ពេលក្នុងដំណាក់កាលនៃនីតិវិធី រួមចំណែកធានាសិទ្ធិ និងផលប្រយោជន៍ស្របច្បាប់របស់ខ្លួន។

ដូច្នេះ ចាប់ពីថ្ងៃទី១ ខែមករា ឆ្នាំ២០២៧ ប្រជាជនស្ថិតក្នុងក្រុមបានរៀបរាប់ខាងលើ អាចនឹងបានរដ្ឋផ្តល់សេវាកម្មផ្នែកច្បាប់ដោយឥតគិតថ្លៃ ប្រសិនបើមានគ្រប់លក្ខខណ្ឌតាមក្រុមនីមួយៗ និងជាករណីស្ថិតក្នុងក្របខណ្ឌជំនួយផ្នែកច្បាប់ស្របតាមបទប្បញ្ញត្តិនៃច្បាប់៕

យោង៖ laodong.vn - ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ