សុខភាព - អប់រំ សុខភាព

15/10/2026 - 21:56

បើកយុទ្ធនាការពិនិត្យសុខភាពតាមកាលកំណត់ ពិនិត្យសម្រាំងសុខភាពដោយឥតគិតថ្លៃ និងបង្កើតសំណុំឯកសារសុខភាពអេឡិចត្រូនិកជូនប្រជាជន

នាព្រឹកថ្ងៃទី ១៥ ខែតុលា គណៈកម្មាធិការប្រជាជនឃុំឡុងភូ សហការជាមួយមន្ទីរពេទ្យពហុព្យាបាលសុកត្រាំង មន្ទីរពេទ្យពហុព្យាបាលតំបន់ឡុងភូ ទីក្រុងកឹងធើ ចាត់តាំងពិធីបើកយុទ្ធនាការពិនិត្យសុខភាពតាមកាលកំណត់ ពិនិត្យសម្រាំងសុខភាពដោយឥតគិតថ្លៃ និងបង្កើតសំណុំឯកសារសុខភាពអេឡិចត្រូនិកជូនប្រជាជននៅលើភូមិឋានឃុំ។

អ្នកតំណាងចូលរួមពិធីបើកយុទ្ធនាការ។

តាមផែនការកម្មវិធីពិនិត្យសុខភាពតាមកាលកំណត់ ការពិពិនិត្យសម្រាំងសុខភាពដោយឥតគិតថ្លៃ គណៈកម្មាធិការប្រជាជនឃុំឡុងភូ នឹងចាត់តាំងពិនិត្យជូនប្រជាជនចំនួន ៨.០៥៥ នាក់ ស្ថិតក្នុងក្រុមមុខសញ្ញាអាទិភាព រួមមាន៖ អ្នកវ័យចាស់ អ្នកពិការ គ្រួសារក្រីក្រ គ្រួសារក្បែរក្រ អ្នកមានសគុណ អ្នកកើតជំងឺរ៉ាំរ៉ៃ និងប្រជាជនរស់នៅតំបន់ជនជាតិភាគតិច តំបន់មានលក្ខណះសេដ្ឋកិច្ច - សង្គមលំបាក។ កម្មវិធីពិនិត្យបានអនុវត្តចាប់ពីថ្ងៃទី ១៥ ខែតុលា ដល់ថ្ងៃទី ០៦ ខែវិច្ឆិកា។ ជាមួយគ្នានោះ លទ្ធផលពិនិត្យនឹងបានធ្វើបច្ចុប្បន្នភាពសព្វគ្រប់ចូលក្នុងសំណុំឯកសារសុខភាពអេឡិចត្រូនិកតាមសេចក្ដីកំណត់។

ប្រជាជនយ៉ាងច្រើនកុះករបានអញ្ជើញមកពិនិត្យជំងឺ។

ថ្លែងការណ៍នៅក្នុងពិធីបើកយុទ្ធនាការ លោកហូក្វឹកហ៊ុង អនុប្រធានគណៈកម្មាធិការប្រជាជនឃុំឡុងភូ បានអះអាង៖ កម្មវិធីពិនិត្យមានអត្ថន័យជាក់ស្តែងបង្ហាញពីការយកចិត្តទុកដាក់របស់បក្ស រដ្ឋ និងរដ្ឋអំណាចភូមិភាគ ចំពោះសុខភាពប្រជាជន រួមចំណែកក្នុងការរកឃើញទាន់ពេលនូវហានិភ័យនៃជំងឺ ផ្តល់ប្រឹក្សាថែទាំសុខភាព ណែនាំការព្យាបាលបានទាន់ពេល បន្ថយបន្ទុកចំណាយលើការពិនិត្យព្យាបាលជំងឺ ពិសេសគឺចំពោះអ្នកដែលមានជីវភាពលំបាក និងក្រុមមុខសញ្ញាងាយរងគ្រោះ។

ចំណុចសំខាន់នៃកម្មវិធីលើកនេះគឺភ្ជាប់សកម្មភាពពិនិត្យសុខភាពជាមួយការបង្កើត ធ្វើបច្ចុប្បន្នភាពសៀវភៅសុខភាពអេឡិចត្រូនិក ជាជំហានៗបង្កើតទិន្នន័យសុខភាពរបស់ប្រជាជន និងបម្រើការគ្រប់គ្រងសុខភាពពេញមួយជីវិត។ ឆ្លងតាមនោះ ប្រជាជនមានលក្ខណៈងាយស្រួលក្នុងការតាមដានស្ថានភាពសុខភាពរបស់ខ្លួនទៀងទាត់ ព្រមទាំងរួមចំណែកជំរុញផ្លាស់ប្ដូរឌីជីថលក្នុងវិស័យសុខាភិបាលនៅភូមិភាគ។

បន្ទាប់ពីពិធីបើកយុទ្ធនាការ បណ្តាក្រុមគ្រូពេទ្យ និងវេជ្ជបណ្ឌិត បានចាប់ផ្តើមដំណើរការសកម្មភាពពិនិត្យសុខភាពជូនប្រជាជន៕

យ្វីអាញ- ថាច់ធី

ចែករំលែកអត្ថបទ

ពាក្យគន្លឹះ