27/09/2021 - 09:09

ប្រ​សិទ្ធ​ភាព​ពីគោលន​យោ​បាយ​នានា​

ខេត្ត​ហូវ​យ៉ាង​ អនុវត្ត​ព្រម​ៗ​គា្ន​នូវ​គោល​នយោ​បាយ​វិនិ​យោគ​នានា​អភិវឌ្ឍ​សេដ្ឋ​កិច្ច​-សង្គម​តំ​បន់​ជន​ជាតិ​ភាគ​តិច​ ម្ល៉ោះ​ហើយ​ជីវ​ភាព​ប្រ​ជា​ជន​ជា​សន្សឹម​ៗ​មាន​ភាព​លំ​នឹង​។​

ផ្លូវ​ជន​បទ​ចូល​ភូមិ​ ៥ ឃុំ​សាភៀង។​

បើ​តាម​គណៈ​ជន​ជាតិ​ខេត្ត​ហូវ​យ៉ាង​ ផ្តើម​ពី​ថវិកា​ជាង​ ១០០ ពាន់​លាន​ដុង​ នៃ​កម្ម​វិធី​ទិស​ដៅ​ជាតិ​ សុខុមាល​ភាព​សង្គម​ និង​វិនិ​យោគ​ដល់​តំ​បន់​សេដ្ឋកិច្ច​លំ​បាក​ខ្លាំង​។​ល។​ ភូមិ​ភាគ​បាន​ឧបត្ថម្ភ​ជន​រួម​ជាតិ​ខ្មែរ​អភិវឌ្ឍ​សេដ្ឋ​កិច្ច​។​ អា​ស្រ័យ​ហេតុ​នោះ​ គ្រួ​សារ​ក្រី​ក្រ​បាន​បង្កើន​ប្រាក់​ចំ​ណូល​ លំ​នឹង​ជីវ​ភាព​។​

សាភៀង​ជា​ឃុំ​លំ​បាក​ខ្លាំង​ បាន​ទទួល​ផល​ពីកម្ម​វិធី​ ១៣៥ និង​គម្រោង​កម្ម​វិធី​ផ្សេង​ៗ​ជាច្រើន​ទៀត​ ទើប​ប្រ​ព័ន្ធ​ធារា​សាស្ត្រ​ ផ្លូវ​គមនា​គមន៍ជន​បទ​ ដំណាក់​សុខា​ភិបាល​ និង​សា​លា​រៀន​។​ល។​ ជា​សារ​វ័ន្ត​បាន​សម្រេច​រួច​រាល់​ ឆ្លើយ​តប​ទៅ​នឹង​តម្រូវ​ការ​ធ្វើ​ដំណើរ​ទៅ​មក​ និង​ការ​បង្ក​បង្កើន​ផល​របស់​ប្រ​ជា​ជន​។​ លោក​ផាង​ហ្វាង​មិញ​  អនុ​ប្រ​ធាន​គណៈ​កម្មា​ធិការ​ប្រ​ជា​ជន​ឃុំ​សា​ភៀង ឱ្យ​ដឹង​៖ “សព្វ​ថ្ងៃ​ លក្ខណៈ​ដោះ​ដូរ​មុខ​ទំ​និញ​ និង​ការ​បង្ក​បង្កើន​ផល​មាន​ភាព​ងាយ​ស្រួល​ ម្ល៉ោះ​ហើយ​មាមីង​ខ្មែរ​ស្ងប់​ចិត្ត​ធ្វើ​ការ​រក​ស៊ី​ ដើម្បី​ជីវ​ភាព​គ្រួ​សារ​បាន​ធូរ​ធារនិង​សង់​ផ្ទះ​សម្បែង​សម​រម្យ​។​ ពិសេស​ មាមីង​ខ្មែរ​មិន​អល់​អែក​ក្នុង​ការ​អនុវត្ត​ទម្រង់​ បង្ក​បង្កើន​ផល​ផ្ដល់​ប្រ​សិទ្ធ​ភាព​សេដ្ឋ​កិច្ច​ ដូច​៖ ចិញ្ចឹម​មាន់​ ចិញ្ចឹម​អន្ទង់​មិន​ប្រើ​ភក់​ ចិញ្ចឹម​កន្ធាយ​ និង​ដាំ​ដំណាំ​រួម​ផ្សំ​។​ល។​ រក​បាន​ប្រាក់​ចំ​ណូល​ខ្ពស់​”។​

បង​ស្រី​ធីម៉ាញ់ នៅ​ភូមិ​ ៥ ឃុំ​សាភៀង ឱ្យ​ដឹង​៖ “ដោយ​បាន​រដ្ឋ​ឧបត្ថម្ភ​បុល​ទុន​អនុគ្រោះ​ និង​ពូជ​ចិញ្ចឹម​ ម្ល៉ោះ​ហើយ​ខ្ញុំ​ក៏​ចិញ្ចឹម​អន្ទង់​ ជ្រូក​ និង​ចិញ្ចឹម​ទាពង​។​ ដោយ​សារ​ថែទាំ​បាន​ហ្មត់​ចត់​ បាន​ជាជ្រូក​ អន្ទង់​ និង​ទាធាត់បាន​ល្អ​ លក់​ចំ​ណេញ​បាន​ខ្ពស់​ ដូច្នេះ​ជីវ​ភាព​ធូរ​ធារគ្រាន់​បើ​។​ គ្រួ​សារ​ខ្ញុំ​ចាក​ផុត​ពីភាព​ក្រី​ក្រ សង់​បាន​ផ្ទះ​ឥដ្ឋ​រឹង​មាំ”។​

លោក​ង្វៀង​ហ្វាង​ត្រេវ ប្រ​ធាន​គណៈ​ជន​ជាតិ​ខេត្ត​ហូវ​យ៉ាង​ អះ​អាង​៖ “អា​ស្រ័យ​ការ​ផ្សព្វ​ផ្សាយ​ព្រម​ៗ​គ្នា​ ម្ល៉ោះ​ហើយ​រាល់​គោល​នយោ​បាយ​ជន​ជាតិ​ កម្ម​វិធី​ និង​គម្រោង​ បាន​ពង្រីក​ប្រ​សិទ្ធ​ភាព​ខ្ពស់​; ឧបត្ថម្ភ​បាន​ទាន់​ពេល​ ដើម្បី​មាមីង​ខ្មែរ​ហ៊ាន​បង្វែរ​រចនា​សម្ព័ន្ធ​ឈើ​ដំណាំ សត្វ​ចិញ្ចឹម​ សម​ស្រប​ក្នុង​ការ​អភិវឌ្ឍ​សេដ្ឋ​កិច្ច​។​ ផ្តើម​ពីនោះ​ អត្រា​គ្រួ​សារ​ក្រី​ក្រក្នុង​ជន​ជាតិ​ភាគ​តិច​ត្រូវ​បាន​កាត់​បន្ថយ​ពីមួយ​ថ្ងៃ​ទៅ​មួយ​ថ្ងៃ​។​ ពោល​គឺ​មាមីង​ខ្មែរ​កាន់​តែជឿ​ទុក​ចិត្ត​ទៅ​លើ​ការ​ដឹក​នាំ​របស់​បក្ស​ ការ​គ្រប់​គ្រង​របស់​រដ្ឋ​ ព្រួត​ដៃ​កសាង​ធ្លុង​មហា​សាម​គ្គី​ជន​ជាតិ​”៕​

                                    យ្វីអាញ-លីសៀ

Chia sẻ bài viết