គោលនយោបាយ -ការរស់នៅ ការរស់នៅ

19/08/2026 - 22:26

"កាហ្វេកសិករ" – តភ្ជាប់ និងរួមដំណើរជាមួយកសិករ

ដោយមានគោលបំណងបង្កបរិយាកាសជិតស្និទ្ធ ដើម្បីកសិករចែករំលែកបទពិសោធន៍ ដោះស្រាយការលំបាក និងតភ្ជាប់ជាមួយអាជីវកម្ម គណៈកម្មាធិការរណសិរ្សមាតុភូមិវៀតណាមឃុំលីវទូ ទីក្រុងកឹងធើ បានសហការជាមួយសមាគមកសិករឃុំ និងអង្គការនយោបាយ-សង្គមនានា បង្កើតទម្រង់ “កាហ្វេកសិករ” នៅភូមិបឹងភ្នៀត រួមដំណើរជាមួយកសិករក្នុងការអភិវឌ្ឍសេដ្ឋកិច្ចកសិកម្ម។

“កាហ្វេកសិករ” បង្កបរិយាកាសជិតស្និទ្ធដើម្បីរដ្ឋអំណាចភូមិភាគ សហករណ៍ អាជីវកម្ម និងកសិករជួបជុំគ្នាដោះដូរ និងដោះស្រាយការលំបាកក្នុងការផលិត។

ទម្រង់ “កាហ្វេកសិករ” បានចាត់តាំងឡើង ២ ដងក្នុងមួយខែតាមកាលកំណត់ បង្កបរិយាកាសរុះរាយ ស្និទ្ធស្នាល ដើម្បីថ្នាក់ដឹកនាំភូមិភាគជួបសំណេះសំណាល និងស្តាប់ការចែករំលែករបស់មាមីងដោយផ្ទាល់អំពីស្ថានភាពផលិតស្រូវរដូវដើមឆ្នាំ ភាពងាយស្រួល និងការលំបាក ក៏ដូចជាទិសដៅផលិតក្នុងពេលខាងមុខ។ ក្នុងពេលជំនួបនេះ កសិករអាចដោះដូរយោបល់ផ្ទាល់អំពីបញ្ហាដែលចាប់អារម្មណ៍ក្នុងដំណើរការបង្កបង្កើនផល ចាប់ពីបច្ចេកទេសថែទាំ របៀបបង្ការសត្វល្អិត និងជំងឺ រហូតដល់ការចងសម្ព័ន្ធផលិត និងជួញដូរកសិផល។ បច្ចុប្បន្ន នៅក្នុងឃុំមានសហករណ៍ចំនួន ២ គឺ៖ សហករណ៍កសិកម្មភូមិ ១ – បឹងភ្នៀត និងសហករណ៍កសិកម្មបឹងភ្នៀត បានចូលរួមក្នុងទម្រង់ផលិតស្រូវតាមបែបសរីរាង្គ លើផ្ទៃដីសរុបជាង ៦០ ហិកតា។ នេះបានចាត់ទុកជាទិសដៅសមស្រប ដើម្បីផ្លាស់ប្តូរវិធីសាស្ត្រផលិតជាបណ្តើរៗ បង្កើនគុណភាពកសិផល បន្ថយការចំណាយ និងបង្កើនតម្លៃសេដ្ឋកិច្ចលើផ្ទៃដីតែមួយ។

ទម្រង់ផលិតស្រូវតាមបែបសរីរាង្គ បានកសិករភូមិបឹងភ្នៀតអនុវត្ត។

លោក ផាមវុាំងថឹក នាយកសហករណ៍កសិកម្មបឹងភ្នៀត ឱ្យដឹង៖ “បច្ចុប្បន្ន ស្រូវរបស់សហករណ៍កំពុងលូតលាស់ល្អ។ មាមីងកំពុងផ្តុំកម្លាំងបង្ការជំងឺឆេះស្លឹក ហើយជំហានដំបូងទទួលបានប្រសិទ្ធភាព។ ពេលខាងមុខ ស្រូវនឹងចូលដល់ដំណាក់កាលសំខាន់ គប្បីម្ចាស់ការការពារជំងឺរលាកកួរស្រូវ។ ដោយសារបានរដ្ឋអំណាចភូមិភាគ សមាគមកសិករ និងអាជីវកម្មយកចិត្តទុកដាក់ ពិគ្រោះនិងណែនាំអំពីបច្ចេកទេសបានទាន់ពេល ទន្ទឹមនឹងនោះមាមីងម្ចាស់ការជាងទៀតក្នុងការថែទាំ បង្ការកម្ចាត់សត្វល្អិតនិងជំងឺ រួមចំណែកជួយឱ្យស្រូវលូតលាស់ និងលូតលាស់ល្អ”។

ទន្ទឹមនឹងផលិតស្រូវ កសិករក៏យកចិត្តទុកដាក់ដល់ការធ្វើពិពិធកម្មដំណាំដាំដុះក្រោយពីរដូវកាល។ លោក គឹមវ៉ កសិករនៅភូមិបឹងភ្នៀត ឱ្យដឹង៖ “ក្រៅពីផលិតស្រូវ ២ រដូវ មាមីងកំពុងស្វែងយល់ទម្រង់ដាំខ្ទឹមស្លឹកក្រោយពីរដូវស្រូវ ដើម្បីបង្កើនប្រាក់ចំណូលបន្ថែម។ អាជីវកម្មមួយចំនួនបានយកចិត្តទុកដាក់ និងសន្យាឧបត្ថម្ភច្រកចេញ បង្កកម្លាំងជំរុញបន្ថែមដើម្បីកសិករមោះមុតបង្វែរផលិត”។

កសិករដោះដូរអំពីស្ថានភាពផលិតស្រូវនៅលើភូមិឋាន។

ផ្តើមពីការចែករំលែក និងដោះដូរយោបល់របស់កសិករ តំណាងស្ថាប័នឯកទេស និងអាជីវកម្មបានដោះដូរ និងឆ្លើយបំភ្លឺអំពីបញ្ហាដែលទាក់ទងដល់ខ្សែសង្វាក់ផលិតស្រូវតាមបែបសរីរាង្គ បច្ចេកទេសបង្កបង្កើនផល ដាំបន្លែបង្ការ ចិញ្ចឹមសត្វស្លាប ផលិតកសិផលជ្រះ និងចងសម្ព័ន្ធម៉ៅទិញផលិតផល។ ព័ត៌មានទាំងនេះជួយឱ្យកសិករមានមូលដ្ឋានជ្រើសរើសនូវទម្រង់ដែលសមស្រប សន្សឹមៗបង្វែរពីផលិតទម្រង់តូច រាត់រាយ មកផលិតផ្សារភ្ជាប់នឹងតម្រូវការទីផ្សារ។

ជាក់ស្តែង ចំពោះផលប៉ះពាល់កាន់តែច្បាស់របស់អាកាសធាតុ និងការប្រែប្រួលអាកាសធាតុ ថ្លៃសម្ភារៈកសិកម្មកើនខ្ពស់ និងភាពខ្វះចន្លោះពីទម្លាប់បង្កបង្កើនផលតាមបែបប្រពៃណី កសិករគប្បីផ្លាស់ប្តូរគំនិតបន្តិចម្តងៗ បង្វែរពីផលិតកសិកម្មមកអភិវឌ្ឍសេដ្ឋកិច្ចកសិកម្មតាមទិសដៅបៃតង និងចីរភាព។ ក្នុងនោះ ជំរុញអនុវត្តវិទ្យាសាស្ត្របច្ចេកទេស ចូលរួមសហករណ៍ ពង្រឹងចងសម្ព័ន្ធជាមួយអាជីវកម្ម និងយកចិត្តទុកដាក់លើកកម្ពស់គុណភាពកសិផលតាមបែបសរីរាង្គ បានចាត់ទុកជាវិធានការដ៏សំខាន់ រួមចំណែកបន្ថយការចំណាយ បង្កើនតម្លៃ និងប្រសិទ្ធភាពផលិត។

តាមប្រសាសន៍លោក ង្វៀងវុាំងហ្វៀង អនុប្រធានប្រចាំការនៃគណៈកម្មាធិការប្រជាជនឃុំលីវទូ ភូមិភាគប្តេជ្ញាជាមួយនឹងគម្រោងអភិវឌ្ឍកសិកម្មតាមបែបសរីរាង្គ ហើយកំណត់នេះជាទិសដៅគប្បីបានអនុវត្តជាសន្សឹមៗ សមស្របជាមួយនឹងលក្ខណៈជាក់ស្តែង។ ដើម្បីគម្រោងទទួលបានប្រសិទ្ធភាព ត្រូវការរួមដំណើររបស់រដ្ឋអំណាច សហករណ៍ អាជីវកម្ម និងកសិករ។ “រដូវកាលនេះកំពុងបានអនុវត្ត ហើយជំហានដំបូងសម្រេចបានប្រមាណ ៥០% នៃលទ្ធផលដែលបានដាក់ចេញ។ ចាប់ពីនេះរហូតដល់ពេលប្រមូលផល ភូមិភាគនឹងបន្តតាមដាន វាយតម្លៃប្រសិទ្ធភាពជាក់ស្តែង ដើម្បីមានមូលដ្ឋានកែតម្រូវ ធ្វើឱ្យសុក្រឹត និងពិនិត្យផ្ទៀងផ្ទាត់ពង្រីកទម្រង់។ ក្នុងដំណើរការផលិត មាមីងគប្បីដោះដូរជាមួយសហករណ៍ជាប្រចាំ ផ្តល់ព័ត៌មានអំពីភាពងាយស្រួល និងការលំបាក ដើម្បីយើងខ្ញុំក្តោបក្តាប់ និងមានទិសដៅឧបត្ថម្ភ ដោះស្រាយបានទាន់ពេល” លោក ង្វៀងវុាំងហ្វៀង បានឱ្យដឹងដូច្នេះ។

តាមរយៈទម្រង់នេះ ថ្នាក់ដឹកនាំភូមិភាគ ផ្នែកឯកទេស និងអាជីវកម្ម មានបណ្តាញមួយបន្ថែមដើម្បីទទួលយកយោបល់ពីមូលដ្ឋានដោយផ្ទាល់; ទន្ទឹមនឹងនោះ កសិករមានឱកាសកៀកជិតព័ត៌មាន មានចំណេះដឹងថ្មី និងស្វែងរកឱកាសសហការ។ ឆ្លងតាមរយៈនោះ “កាហ្វេកសិករ” មិនត្រឹមតែជាកន្លែងចែករំលែកបទពិសោធន៍ផលិតប៉ុណ្ណោះទេ ថែមទាំងជាស្ពានតភ្ជាប់រវាងកសិករជាមួយសហករណ៍ អាជីវកម្ម និងរដ្ឋអំណាចភូមិភាគទៀតផង។

ជាមួយនឹងរបៀបធ្វើជិតដិតប្រជាជន កៀកនឹងភាពជាក់ស្តែង “កាហ្វេកសិករ” បានរំពឹងទុកថានឹងបង្កកម្លាំងជំរុញបន្ថែម ដើម្បីកសិករលីវទូមោះមុតផ្លាស់ថ្មីគំនិត បង្កើនប្រសិទ្ធភាពផលិត កសាងទម្រង់កសិកម្មដោយចីរភាព សន្សឹមៗបង្កើនប្រាក់ចំណូល និងរួមចំណែកអភិវឌ្ឍសេដ្ឋកិច្ច-សង្គមនៅភូមិភាគ៕

ហុងទើ - វិមាន

ចែករំលែកអត្ថបទ

ពាក្យគន្លឹះ