ការថែទាំសុខភាពកុមារនៅតំបន់ជនជាតិភាគតិច
នៅទីក្រុងកឹងធើ គោលនយោបាយធានារ៉ាប់រងសុខាភិបាលសម្រាប់កុមារអាយុក្រោម ៦ ឆ្នាំ កំពុងពង្រីកប្រសិទ្ធភាព ដោយធានាឱ្យកុមារគ្រប់រូបទទួលបានសេវាសុខាភិបាល ពិសេសគឺនៅតំបន់ជនជាតិភាគតិច។
កុមារមកពិនិត្យសុខភាពនៅដំណាក់សុខាភិបាល។
យោងតាមសេចក្ដីកំណត់នៃច្បាប់ធានារ៉ាប់រងសុខាភិបាល កុមារអាយុក្រោម ៦ ឆ្នាំ បានរដ្ឋឧបត្ថម្ភថវិកា ១០០% លើការបង់កម្រៃធានារ៉ាប់រងសុខាភិបាល។ អាស្រ័យហេតុនោះ កុមារទាំងអស់ក្នុងវ័យនេះសុទ្ធតែបានផ្តល់ប័ណ្ណធានារ៉ាប់រងដោយឥតគិតថ្លៃ បង្កលក្ខណៈងាយស្រួលដើម្បីទទួលសេវាសុខាភិបាលដោយមិនបាច់បារម្ភពីការចំណាយ។ ចំពោះគ្រួសារនៅតំបន់ជនជាតិភាគតិច នេះជាគោលនយោបាយមានអត្ថន័យពិសេស រួមចំណែកកាត់បន្ថយបន្ទុកសេដ្ឋកិច្ច និងលើកកម្ពស់គុណភាពនៃការថែទាំសុខភាពសម្រាប់កុមារ។
តាមការកត់សម្គាល់នៅតាមដំណាក់សុខាភិបាលឃុំ សង្កាត់ដែលមានជនរួមជាតិខ្មែររស់នៅកុះករ ចំនួនកុមារមកពិនិត្យជំងឺ ចាក់ថ្នាំបង្ការ និងតាមដានសុខភាពតាមកាលកំណត់ មានការកើនឡើងជាលំដាប់។ ឪពុកម្តាយក៏មានទម្លាប់ក្នុងការនាំកូនទៅដំណាក់សុខាភិបាលដើម្បីពិនិត្យសុខភាព។ អាស្រ័យមានប័ណ្ណធានារ៉ាប់រងសុខាភិបាល ការពិនិត្យនិងព្យាបាលជំងឺទូទៅដូចជា គ្រុនក្តៅ ក្អក ហៀរសំបោរជាដើម បានពិនិត្យព្យាបាលទាន់ពេល កាត់បន្ថយការវិវឌ្ឍទៅជាជំងឺធ្ងន់។
មិនត្រឹមតែការពិនិត្យនិងព្យាបាលជំងឺប៉ុណ្ណោះទេ បណ្តាដំណាក់សុខាភិបាលនៅទាំងអនុវត្តមានប្រសិទ្ធភាពនូវកម្មវិធីសុខាភិបាលបង្ការ ដូចជាការចាក់ថ្នាំបង្ការបើកទូលាយ តាមដានការធំធាត់និងការផ្ដល់ប្រឹក្សាអំពីរបបអាហារូបត្ថម្ភសម្រាប់កុមារ។ កងជួរគ្រូពេទ្យមូលដ្ឋានតែងតែណែនាំអាណាព្យាលអំពីរបៀបថែទាំកុមារតាមបែបវិទ្យាសាស្ត្រ រួមចំណែកបន្ថយអត្រាកង្វះអាហារូបត្ថម្ភ និងលើកកម្ពស់កាយសម្បទារបស់កុមារនៅតំបន់ជួបការលំបាក។
ទន្ទឹមនឹងនោះ ការងារថែទាំសុខភាពកុមារនៅទាំងទទួលបានការគាំទ្រយ៉ាងសកម្មពីមន្ទីរពេទ្យថ្នាក់លើ។ មន្ទីរពេទ្យសម្ភព-កុមារខេត្តសុកត្រាំង បានសហការជាមួយបណ្តាដំណាក់សុខាភិបាលរៀបចំការពិនិត្យ និងស្វែងរកជំងឺទូទៅ ព្រមទាំងជំងឺបេះដូងពីកំណើតដោយឥតគិតថ្លៃសម្រាប់កុមារ។ តាមរយៈកម្មវិធីទាំងនេះ ករណីជំងឺជាច្រើនត្រូវបានរកឃើញទាន់ពេល ជាពិសេស គឺពិការបេះដូងពីកំណើត ជួយឱ្យកុមារទទួលបានការធ្វើអន្តរាគមន៍និងព្យាបាលបានទាន់ពេល។
យោងតាមវេជ្ជបណ្ឌិតឯកទេសកម្រិត២ ង្វៀង ភឿកឡុក នាយករងមន្ទីរពេទ្យសម្ភព-កុមារសុកត្រាំង ជាមួយនឹងគោលនយោបាយធានារ៉ាប់រងសុខាភិបាល ការបង្កើនកិច្ចសហការរវាងមន្ទីរពេទ្យថ្នាក់លើនិងសុខាភិបាលមូលដ្ឋាន បានរួមចំណែកលើកកម្ពស់ប្រសិទ្ធភាពនៃការថែទាំសុខភាពកុមារ។ សំខាន់នៅតំបន់ជនជាតិភាគតិច សកម្មភាពពិនិត្យនិងស្វែងរកជំងឺដោយឥតគិតថ្លៃ បានជួយឱ្យកុមារទទួលបានសេវាសុខាភិបាលប្រកបដោយគុណភាពតាំងពីដំបូង។
ដោយការចូលរួមព្រមៗគ្នារបស់ផ្នែកសុខាភិបាលនិងរដ្ឋអំណាចភូមិភាគ រួមជាមួយគោលនយោបាយធានារ៉ាប់រងសុខាភិបាលប្រកបដោយលក្ខណៈមនុស្សធម៌ជ្រាលជ្រៅ ការងារថែទាំសុខភាពកុមារនៅតំបន់ជនជាតិភាគតិចទីក្រុងកឹងធើ កំពុងបានលើកកម្ពស់ជាលំដាប់ រួមចំណែកបង្កើតមូលដ្ឋានគ្រឹះយ៉ាងរឹងមាំ សម្រាប់ការអភិវឌ្ឍគ្រប់ជ្រុងជ្រោយដល់កូនចៅជំនាន់ក្រោយ៕
ហុងទើ - ថាច់ធី
-
ទុនអនុគ្រោះពីធនាគារគោលនយោបាយសង្គម ជួយកសិករឃុំតឹងឡុងលំនឹងជីវភាព
- ដាំបន្លែម្អមលើដីស្រែ ប្រសិទ្ធភាពសេដ្ឋកិច្ចខ្ពស់
- កឹងធើឧបត្ថម្ភដីសង់ផ្ទះ ដីផលិតដល់ជនជាតិភាគតិច
- ភូមិរបរផ្កាលម្អបង្កើតមុខរបរចិញ្ចឹមជីវិតជូនប្រជាជនភូមិភាគ
- រីកសាយភាយស្មារតីមេត្តាធម៌ យកចិត្តទុក្ខដាក់ដល់អ្នកក្រីក្រនិងអ្នកងាយរងគ្រោះ
- ម្ចាស់ការទប់ស្កាត់ការរៀបអាពាហ៍ពិពាហ៍មិនទាន់គ្រប់អាយុ និងអាពាហ៍ពិពាហ៍ជាប់សាច់សាលោហិតនឹងគ្នាចាប់ពីមូលដ្ឋាន
- ទម្រង់ដាំត្រប់ភ្លុក ផ្តល់ប្រាក់ចំណូលលំនឹង
- ជីវភាពថ្មីនៅតំបន់ជនរួមជាតិខ្មែរខេត្តកាម៉ាវ
- ភាពជាក់ស្តែងក្នុងការគិតគូរដល់ជីវភាពជនរួមជាតិខ្មែរ
- ពលករជិត ៦៣.០០០ នាក់បានដោះស្រាយការងារធ្វើ
-
ភាពពុះពោរនៃសកម្មភាពគោរពដឹងគុណក្នុងទិវាយុទ្ធជនពិការ - ពលី ថ្ងៃទី២៧ ខែកក្កដា
- លើកកម្ពស់ប្រសិទ្ធភាពតួនាទីរបស់អ្នកមានប្រិយភាពក្នុងជនជាតិភាគតិច
- ប្រភពទុនឥណទានគោលនយោបាយ រួមដំណើរជាមួយនឹងឆន្ទៈឈានឡើង
- រីកសាយភាយកម្មវិធី ទម្រង់នារីរៀនសូត្រនិងធ្វើតាមគំរូអ៊ំ
- ឈានឡើងធូរធារពីទម្រង់ចិញ្ចឹមគោមេ
- ផ្ទះមហាសាមគ្គីជួយជំរុញកម្លាំងចលករបន្ថែមដើម្បីអ្នកក្រឈានឡើង
- ប្រគល់ផ្ទះមហាសាមគ្គីជូនគ្រួសារដែលជួបការលំបាកខាងលំនៅឋាន
- ចិញ្ចឹមចង្រិតនាំមកនូវប្រាក់ចំណូលលំនឹង
- ដំណោះស្រាយព្រមៗគ្នា ដើម្បីលើកកម្ពស់គុណភាពបរិស្ថាន
- គាំទ្រយុទ្ធនាការ "ផ្កាក្ងោកក្រហម" តាមរយៈសកម្មភាពជាក់ស្តែងជាច្រើនដើម្បីសហគមន៍
