គំរូប្រធានក្រុមសហការផលិត ជួយកសិករពង្រីកសេដ្ឋកិច្ច
ដោយការប៉ិនប្រសប់និងឧស្សាហ៍ពលកម្ម លោកឡឹមវ៉ាំងស៊ើង នៅភូមិព្រៃជាប់ A ឃុំឡាយហ្វា ទីក្រុងកឹងធើ បានកសាងជោគជ័យទម្រង់ដាំដំណាំឆ្លាស់គ្នា។ មិនត្រឹមតែធ្វើមានសម្រាប់គ្រួសារគាត់ផ្ទាល់ប៉ុណ្ណោះទេ គាត់នៅទាំងខ្នះខ្នែងចងសម្ព័ន្ធ ជួយមាមីងកសិកររាប់សិបគ្រួសារនៅភូមិភាគឈានឡើងពង្រីកសេដ្ឋកិច្ច។
លោក ឡឹមវ៉ាំងស៊ើង គំរូកសិករផលិតនិងធ្វើអាជីវកម្មពូកែ នៅភូមិព្រៃជាប់ A
ឃុំឡាយហ្វា ទីក្រុងកឹងធើ។
ផ្តើមពីកសិករផលិតខ្នាតតូច លោកឡឹមវ៉ាំងស៊ើង បានឈានឡើងក្លាយជាគំរូលេចធ្លោក្នុងការចលនាកសិករផលិត និងធ្វើអាជីវកម្មពូកែនៅភូមិភាគ។ ជាមួយនឹងតួនាទីប្រធានក្រុមសហការដាំដំណាំនៅភូមិព្រៃជាប់ A គាត់មិនត្រឹមតែធ្វើសេដ្ឋកិច្ចពូកែប៉ុណ្ណោះទេ ថែមទាំងខ្នះខ្នែងចងសម្ព័ន្ធនឹងមាមីងដើម្បីរួមគ្នាអភិវឌ្ឍន៍។
ក្រុមសហការដាំដំណាំដែលលោកស៊ើងទទួលបន្ទុក បានបង្កើតចាប់ពីឆ្នាំ ២០០៣ បច្ចុប្បន្ន មានសមាជិក ១៨ គ្រួសារ ជាមួយនឹងផ្ទៃដីផលិតជាង ២ ហិកតា។ សមាជិកក្រុមភាគច្រើនគឺដាំដំណាំរយៈពេលខ្លី មានដូច៖ ស្ពៃមើម ជីរវ៉ាន់ស៊ុយ ខ្ទឹមស្លឹក។ល។ ក្នុងនោះសំខាន់គឺស្ពៃមើម។ តាមសម្តីលោកស៊ើង អាទិភាពដំណាំស្ពៃមើមគឺរយៈពេលខ្លី ត្រឹមតែ ១ ខែទៅ ១ ខែកន្លះគឺអាចប្រមូលផលបាន។ អាស្រ័យហេតុនេះ មាមីងអាចដាំដុះបានជុំឆ្នាំ បង្កប្រភពចំណូលបានទៀងទាត់។ “នៅទីនេះ មាមីងដាំដំណាំឆ្លាស់គ្នា បន្ទាប់ពីប្រមូលផលរួចគឺរៀបចំដីចុះពូជថ្មីជាបន្ត។ ថ្វីដ្បិតតម្លៃមិនស្មើរ ប៉ុន្តែ ដោយសារដាំដុះយូរមានបទពិសោធន៍ ចំណាយតិច ដូច្នេះ យើងខ្ញុំអាចដាំដុះបានជុំឆ្នាំ” លោកស៊ើង បានចែករំលែកដូច្នេះ។
ជាមួយនឹងផ្ទៃដី ១.០០០ ម៉ែត្រការ៉េ ដាំស្ពៃមើមនៅរដូវប្រាំង ផ្តល់ទិន្នផលប្រមាណ ៤ តោន រដូវវស្សាប្រមាណពី ២-២,៥ តោន។ ប្រសិនបើលក់ក្នុងតម្លៃពី ៣.០០០ - ៤.០០០ ដុងក្នុងមួយគីឡូក្រាម ក្រោយពីទូទាត់ចំណាយនៅចំណេញពី ៧-៨ លានដុងក្នុងមួយកុង។
ក្រៅពីតួនាទីប្រធានក្រុមសហការដាំដំណាំនៅភូមិព្រៃជាប់ A លោកស៊ើង នៅទាំងទទួលតួនាទីជាប្រធានសាខាសមាគមកសិករភូមិ។ គាត់ខ្នះខ្នែងក្នុងការផ្សព្វផ្សាយ ចលនាសមាជិកកសិករអនុវត្តវិទ្យាសាស្ត្របច្ចេកទេសជឿនលឿន បង្វែរពូជដំណាំសមស្របនឹងលក្ខណៈតំបន់ ព្រមទាំងកៀរគរចូលរួមចលនាប្រឡងប្រណាំងដែលភូមិភាគបំផុស។
បញ្ជាក់ពីលោកស៊ើង លោកក្វាច់វ៉ាំងឌែប ប្រធានសមាគមកសិករឃុំឡាយហ្វា ឱ្យដឹង៖ “លោក ឡឹមវ៉ាំងស៊ើង គឺជាសមាជិកមួយរូបក្នុងចំណោមសមាជិកគំរូរបស់ឃុឡាយហ្វា។ មិនត្រឹមតែផលិត និងធ្វើអាជីវកម្មពូកែប៉ុណ្ណោះទេ គាត់នៅទាំងខ្នះខ្នែងចូលរួមការងារសង្គម តែងនាំមុខក្នុងការចងសម្ព័ន្ធផលិត ជួយមាមីងរួមគ្នាពង្រីកសេដ្ឋកិច្ច។ ទម្រង់ក្រុមសហការដាំដំណាំនៅភូមិព្រៃជាប់ A ជាសក្ខីភាពផ្តល់ប្រសិទ្ធភាពនៃការផលិតតាមទិសដៅចងសម្ព័ន្ធ។ នៅពេលខាងមុខ សមាគមកសិករឃុំ នឹងបន្តលើកសំណើនូវគោលនយោបាយ ឧបត្ថម្ភទុន ណែនាំបច្ចេកទេស ដើម្បីលើកកម្ពស់ប្រសិទ្ធភាពដំណើរការរបស់ទម្រង់នេះ”៕
ហុងទើ-មុនី
-
ប្រធានគណៈប្រជាជនភូមិមានប្រិយភាព និងអស់ពីចិត្តចំពោះជនរួមជាតិខ្មែរ
- លោកស៊ើងញ៉ៃ សាយភាយស្មារតីអស់ពីចិត្តដើម្បីសហគមន៍
- ចំណុចថ្មីនៅតំបន់ជនរួមជាតិនៃទីក្រុងកឹងធើ
- ប្រសិទ្ធភាពពីការដាំឪឡឹកនៅវិញហាយ
- “អាហារ ០ ដុង” ជំនួយកម្លាំងមាមីងបំពេញបែបបទរដ្ឋបាល
- គំរូឆ្នើម "ល្អទាំងផ្លូវធម៌និងផ្លូវលោក" ក្នុងភូមិស្រុក
- ដំណោះស្រាយជាច្រើនក្នុងការប្រមូល និងវិនិច្ឆ័យកាកសំណល់
- ទឹកចិត្តរបស់លោកគ្រូចាងហ្វាងដែលបរិច្ចាគឈាមស្ម័គ្រចិត្តជាង ៣០ លើក
- យកចិត្តទុកដាក់អនុវត្តបច្ចេកវិទ្យាព័ត៌មាន ផ្លាស់ប្តូរឌីជីថលក្នុងកិច្ចចង្អុលការ ដឹកនាំ
- សង្កាត់ខាញ់ហ្វាពង្រីកប្រសិទ្ធភាពថាមពលកកើតឡើងវិញ ឆ្ពោះទៅរកកសិកម្មបៃតងនិងចីរភាព
-
កាម៉ាវ៖ ជីវភាពថ្មីនៅរ៉ាច់រាំង
- តំបន់ជនរួមជាតិខ្មែរនៅឃុំវិញហាយអភិវឌ្ឍឥតឈប់ឈរ
- យកចិត្តទុកដាក់អនុវត្តបច្ចេកវិទ្យាព័ត៌មាន ផ្លាស់ប្តូរឌីជីថលក្នុងកិច្ចចង្អុលការ ដឹកនាំ
- ទឹកចិត្តរបស់លោកគ្រូចាងហ្វាងដែលបរិច្ចាគឈាមស្ម័គ្រចិត្តជាង ៣០ លើក
- ចំណុចថ្មីនៅតំបន់ជនរួមជាតិនៃទីក្រុងកឹងធើ
- លើកកម្ពស់ប្រសិទ្ធភាពទម្រង់ VAC ក្នុងការអភិវឌ្ឍកសិកម្មបៃតង
- លោកស៊ើងញ៉ៃ សាយភាយស្មារតីអស់ពីចិត្តដើម្បីសហគមន៍
- លោកឡឹមសែ កសិករផលិតនិងធ្វើអាជីវកម្មពូកែ
- ប្រសិទ្ធភាពពីការដាំឪឡឹកនៅវិញហាយ
- ប្រសិទ្ធភាពផ្តើមពីទម្រង់ចិញ្ចឹមកន្ធាយរបស់សមាជិកា
