មហាសាមគ្គីជនជាតិ គំរូក្នុងសហគមន៍

24/06/2026 - 09:30

លោកស៊ើងញ៉ៃ សាយភាយស្មារតីអស់ពីចិត្តដើម្បីសហគមន៍

ពេលរំលឹកដល់លោកស៊ើងញ៉ៃ អ្នកមានប្រិយភាពនៅមណ្ឌលតាទាវ សង្កាត់ខាញ់ហ្វា ទីក្រុងកឹងធើ មាមីងខ្មែរនៅទីនេះអ្នកណាក៏ស្គាល់ដែរ។ ពីព្រោះលោកមិនត្រឹមតែជាគំរូក្នុងការផលិតប៉ុណ្ណោះទេ ថែមទាំងចលនាមាមីងខ្មែរឱ្យរួមដៃគ្នាកសាងវត្តស្អាតបាត និងកសាងជនបទថ្មីនៅភូមិភាគទៀតផង។

អ្នកមានប្រិយភាពស៊ើងញ៉ៃ ផ្សារភ្ជាប់អស់ពីចិត្តជាមួយមាមីងខ្មែរមណ្ឌលតាទាវ។

រយៈពេលជាង ១០ ឆ្នាំកន្លង ក្នុងតួនាទីជាអនុប្រធានគណៈកម្មការវត្តតាទាវ លោកស៊ើងញ៉ៃ បានចលនាមាមីងខ្មែររួមវិភាគទានកសាង សមិទ្ធផលផ្សេងៗក្នុងវត្ត ដូច៖ ទីធ្លាវត្ត សាលាឆាន់ ខ្លោងទ្វារវត្ត។ល។ ធ្វើឱ្យបរិវេណវត្តមានភាពស្រស់បំព្រង បង្កលក្ខណៈសម្រាប់មាមីងប្រារព្ធពិធីជំនឿ សាសនា។ ក្នុងការកសាងជនបទថ្មី លោកស៊ើងញ៉ៃ បានស្ម័គ្រចិត្តបរិច្ចាគដី ដើម្បីកសាងផ្លូវថ្នល់និងស្ពានជនបទឆាប់បានសម្រេចជាស្ថាពរ។ លោក ស៊ើងញ៉ៃ ចែករំលែក៖ “ជាអ្នកមានប្រិយភាពត្រូវតែធ្វើជាគំរូឈានមុខក្នុងការបំផុសចលនា។ ចំពោះគ្រួសារវិញ គប្បីផ្តុំកម្លាំងពលកម្មផលិត ដើម្បីសេដ្ឋកិច្ចធូរធារ អប់រំកូនចៅឱ្យលុះក្នុងដំបូន្មាន និងមានសីលធម៌។ ក្នុងការកសាងស្ពាន-ផ្លូវជនបទ និងវត្តអារាម ខ្ញុំផ្ទាល់ត្រូវតែឈានមុខ ដូច្នេះទើបមាមីងជឿទុកចិត្ត ហើយធ្វើតាម”។

ទន្ទឹមនឹងនោះ ដោយមានចំណេះដឹងនិងប្រិយភាព លោកស៊ើងញ៉ៃ ក៏បានចូលរួមសម្រុះសម្រួលជម្លោះជោគជ័យជាច្រើនករណីនៅមូលដ្ឋាន រួមចំណែករឹតបន្តឹងមនោសញ្ចេតនាភូមិផងរបងជាមួយ។ លោកស៊ើងញ៉ៃ ឱ្យដឹង៖ “ដើម្បីធ្វើការសម្របសម្រួលបានល្អ ខ្លួនយើងផ្ទាល់ត្រូវយល់ដឹងពីច្បាប់ ត្រូវមានការអត់ធ្មត់ ប៉ិនប្រសប់ក្នុងការចលនាពន្យល់ ដើម្បីឱ្យភាគីទាំងសងខាងយល់ឃើញពីកំហុសនិងភាពត្រឹមត្រូវ ទើបជម្លោះបានដោះស្រាយ”។

ព្រមជាមួយនោះ លោកស៊ើងញ៉ៃ តែងសកម្មជាមួយរដ្ឋអំណាចភូមិភាគចលនាមាមីងនៅមណ្ឌលតាទាវ ឱ្យខិតខំពលកម្មផលិត ដើម្បីបង្កើនប្រាក់ចំណូល លំនឹងជីវភាព។ តាមរយៈនោះ ឃើញមានទម្រង់ចិញ្ចឹមសត្វ និងដាំដំណាំរួមផ្សំជាច្រើនមានប្រសិទ្ធភាព ជួយឱ្យគ្រួសារជាច្រើនរកបានប្រាក់ចំណូល លំនឹងជីវភាព។ បងស្រី គឹមធីអែម ប្រជាជនក្នុងភូមិ ឱ្យដឹង៖ “លោកស៊ើងញ៉ៃ គាត់តែងចុះទៅតាមផ្ទះចលនានិងណែនាំពីរបៀបធ្វើការរកស៊ី។ ដោយសារគាត់ ទើបគ្រួសារខ្ញុំមោះមុតបើកទូលាយទម្រង់ដាំម្ទេស សេដ្ឋកិច្ចលំនឹងពីមួយថ្ងៃទៅមួយថ្ងៃ ជីវភាពបានលើកស្ទួយយ៉ាងច្បាស់។ មាមីងក្នុងមណ្ឌលនរណាក៏ជឿជាក់ និងគោរពរាប់អានគាត់ដែរ”។

បច្ចុប្បន្ន ក្នុងតួនាទីជាប្រធានសមាគមមនុស្សចាស់ លោកស៊ើងញ៉ៃ នៅតែបន្តពង្រីកស្មារតីទទួលខុសត្រូវ គិតគូរជីវភាពស្មារតីដល់សមាជិក លើកទឹកចិត្តអ្នកវ័យចាស់ឱ្យរស់នៅដោយសប្បាយរីករាយ មានសុខភាពល្អរស់នៅមានប្រយោជន៍ រួមចំណែកដល់ការអភិវឌ្ឍរួមរបស់ភូមិភាគ។

លោក ឡឹមវ៉ាំងតាម អនុប្រធានគណៈកម្មាធិការប្រជាជនសង្កាត់ខាញ់ហ្វា បញ្ជាក់៖ “លោកស៊ើងញ៉ៃ គឺជាអ្នកមានប្រិយភាពគំរូ ពង្រីកល្អតួនាទីជាស្ពានតភ្ជាប់រវាងបក្សនិងប្រជាជន។ ពិសេស លោកបានចលនា ឃោសនាប្រជាជនគោរពបានល្អនូវគោលការណ៍របស់បក្ស គោលនយោបាយ ច្បាប់របស់រដ្ឋ ដើម្បីព្រួតដៃគ្នាកសាងតំបន់ជនបទ តាទាវ សម្បូរសប្បាយ”៕

ហុងទើ - លីសៀ

ចែករំលែកអត្ថបទ

ពាក្យគន្លឹះ