ព្រឹត្តិការណ៍ - នយោបាយ ព្រឹត្តិការណ៍

11/11/2026 - 05:40

បញ្ជាការយោធាទីក្រុងកឹងធើ ត្រួតពិនិត្យការចាត់តាំងបុណ្យចូលឆ្នាំកងទ័ព - ប្រជាជនអំណរបុណ្យចូលឆ្នាំថ្មី ឆ្នាំ ២០២៧ នៅឃុំតាយវុាំង

ព្រឹកថ្ងៃទី ១០ ខែវិច្ឆិកា គណៈប្រតិភូនៃបញ្ជាការយោធាទីក្រុងកឹងធើ ដឹកនាំដោយវរសេនីយ៍ឯក ផាមង៉ុកក្វាង សមាជិកគណៈកម្មាធិការបក្ស អនុលេខាប្រចាំការនៃគណៈកម្មាធិការបក្ស ស្នងការនយោបាយនៃបញ្ជាការយោធាទីក្រុង បានអញ្ជើញមកធ្វើការ និងត្រួតពិនិត្យជាក់ស្តែងជាមួយគណៈកម្មាធិការប្រជាជនឃុំតាយវុាំង អំពីការត្រៀមបម្រុងចាត់តាំងបុណ្យចូលឆ្នាំកងទ័ព - ប្រជាជន អំណរបុណ្យចូលឆ្នាំថ្មី ឆ្នាំ ២០២៧។

ទិដ្ឋភាពធ្វើការអំពីការងារត្រៀមបម្រុងចាត់តាំងបុណ្យចូលឆ្នាំកងទ័ព - ប្រជាជន អំណរបុណ្យចូលឆ្នាំថ្មី ឆ្នាំ ២០២៧។

ក្នុងពេលធ្វើការនេះ ថ្នាក់ដឹកនាំឃុំតាយវុាំង បានធ្វើរបាយការណ៍ពីគម្រោងសំណង់ និងផ្នែកការងារសំខាន់ៗឆ្ពោះដល់មូលដ្ឋាន។ ចំណុចសំខាន់គឺផ្តុំកម្លាំងវិនិយោគ បង្កើនកម្រិតហេដ្ឋារចនាសម្ព័ន្ធផ្លូវជនបទ បំភ្លឺផ្លូវជនបទ រៀបលម្អទេសភាព និងលើកកម្ពស់លក្ខណៈរស់នៅជូនប្រជាជន។ ទន្ទឹមនឹងហេដ្ឋារចនាសម្ព័ន្ធ ខ្សែសង្វាក់សកម្មភាពសុខុមាលភាពសង្គមនឹងបន្តបានអាទិភាពអនុវត្ត ដូចជា៖ សង់ផ្ទះមហាសាមគ្គី ជូនអំណោយដល់គ្រួសារគោលនយោបាយ គ្រួសារក្រីក្រ; ជូនអាហារូបករណ៍ កង់ដល់សិស្សជម្នះលំបាក; ពិនិត្យជំងឺ និងផ្តល់ជូនឱសថដោយឥតគិតថ្លៃ ព្រមទាំងឧបត្ថម្ភបំពាក់សម្ភារៈដល់ភូមិនានា។ ទន្ទឹមនឹងនោះ ទីកន្លែងវប្បធម៌ប្រពៃណីនឹងបានបង្ហាញឡើងវិញយ៉ាងរស់រវើកតាមរយៈការប្រឡងធ្វើនំប្រពៃណី ប្រកួតកីឡា ផ្សព្វផ្សាយផលិតផល OCOP និងសិល្បៈមហាជនខ្មែរនៅវត្តបឹងទន្សា ភូមិទីបញឹក។

វរសេនីយ៍ឯក ផាមង៉ុកក្វាង សមាជិកគណៈកម្មាធិការបក្ស អនុលេខាប្រចាំការ នៃគណៈកម្មាធិការបក្ស ស្នងការនយោបាយនៃបញ្ជាការយោធាទីក្រុង ថ្លែងសុន្ទរកថាចង្អុលការ។

ថ្លែងក្នុងសម័យធ្វើការ វរសេនីយ៍ឯក ផាមង៉ុកក្វាង បញ្ជាក់៖ បុណ្យចូលឆ្នាំកងទ័ព - ប្រជាជនអំណរបុណ្យចូលឆ្នាំថ្មី គឺជាទម្រង់ប្រជាចលនាមានអត្ថន័យមនុស្សធម៌យ៉ាងជ្រាលជ្រៅ ជាភស្តុតាងជាក់ស្តែងនៃការយកចិត្តទុកដាក់របស់បក្ស រដ្ឋ និងកងទ័ពចំពោះជនជាតិភាគតិច។ សមមិត្តសំណូមពរ ភូមិភាគគប្បីសហការស្អិតល្មួត ពិនិត្យផ្ទៀតផ្ទាត់ហ្មត់ចត់ ដើម្បីជ្រើសរើសសំណង់ ផ្នែកការងារដែលពិតជាជិតដិត ដោះស្រាយចំតម្រូវការចាំបាច់របស់ប្រជាជន ធានាតាមទិសស្លោក “ប្រជាជនដឹង ប្រជាជនពិភាក្សា ប្រជាជនធ្វើ ប្រជាជនត្រួតពិនិត្យ ប្រជាជនឃ្លាំមើល និងប្រជាជនទទួលផល”។ កងកម្លាំងប្រដាប់អាវុធទីក្រុងនឹងបង្កើនធនធានមនុស្សខ្ពស់បំផុត ប្រកៀកស្មាជាមួយកម្មាភិបាល យុទ្ធជន និងប្រជាជនភូមិភាគសម្រេចបានល្អនូវទិសដៅដែលបានដាក់ចេញ។

ខ្សែសង្វាក់សកម្មភាពទាំងនេះមិនត្រឹមតែជួយឱ្យជនរួមជាតិខ្មែរទទួលបុណ្យចូលឆ្នាំប្រពៃណីដោយកក់ក្តៅ និងរីករាយប៉ុណ្ណោះទេ ថែមទាំងពង្រឹងជំហរយុទ្ធសាស្រ្តចិត្តប្រជាជនរឹងមាំ និងរឹតបន្តឹងទំនាក់ទំនងផ្សារភ្ជាប់សាច់ឈាមរវាងកងទ័ព និងប្រជាជននៅលើភូមិឋានទៀតផង៕

ហុងទើ - វិមាន

ចែករំលែកអត្ថបទ

ពាក្យគន្លឹះ