ព្រឹត្តិការណ៍ - នយោបាយ ព្រឹត្តិការណ៍

11/11/2026 - 05:40

សង្កាត់មីស្វៀងចាត់តាំងទិវាវប្បធម៌វៀតណាម និងទិវាមហាសាមគ្គីទូទាំងជនជាតិដោយជោគជ័យ

នៅសង្កាត់មីស្វៀង ទីក្រុងកឹងធើ បានចាត់តាំងទិវាមហាសាមគ្គីទូទាំងជនជាតិឆ្នាំ ២០២៦ និងទិវាវប្បធម៌វៀតណាមដោយជោគជ័យ ទិវានេះមិនត្រឹមតែជាឱកាសដើម្បីឱ្យប្រជាជនជួបជុំ ដោះដូរមតិយោបល់ប៉ុណ្ណោះទេ ថែមទាំងរួមចំណែកពង្រឹងទំនាក់ទំនងស្អិតល្មួតរវាងបក្ស រដ្ឋអំណាចជាមួយប្រជាជន។ លើកសរសើរដល់បណ្តាសមូហភាព គ្រួសារ និងបុគ្គលគំរូ ព្រមទាំងបំផុសស្មារតីប្រឡងប្រណាំងស្នេហាជាតិនៅមណ្ឌលតាំងទីលំនៅទៀតផង។

សមមិត្ត យឿងធីគឹមធ្វី - លេខាគណៈកម្មាធិការបក្សសង្កាត់មីស្វៀង ជូនលិខិតសរសើរដល់បុគ្គលដែលមានស្នាដៃឆ្នើមក្នុងការកសាងជីវភាពវប្បធម៌នៅមណ្ឌលតាំងទីលំនៅ។

ក្នុងបរិយាកាសរំភើប និងសប្បាយរីករាយរបស់ទូទាំងប្រទេសឆ្ពោះទៅកាន់ទិវាមហាសាមគ្គីទូទាំងជនជាតិ និងទិវាវប្បធម៌វៀតណាម សង្កាត់មីស្វៀងបានចាត់តាំងទិវាមហាសាមគ្គីទូទាំងជនជាតិក្នុងបរិយាកាសដ៏ឱឡារិក កុះករ និងពោរពេញដោយក្តីរីករាយ។ ទិវានេះទាក់ទាញបានការចូលរួមយ៉ាងកុះករពីសំណាក់ថ្នាក់ដឹកនាំភូមិភាគ គណៈ ផ្នែក អង្គការមហាជន កម្មាភិបាល បក្ខជន និងប្រជាជននៅលើភូមិឋាន។ ចាប់តាំងពីព្រឹកព្រលឹម បរិយាកាសនៃទិវាមានភាពពុះពោរជាមួយនឹងទង់ផ្កា បាណូ និងស្លាកសញ្ញាដែលបានតុបតែងយ៉ាងស្រស់ស្អាត បង្កបានជាទិដ្ឋភាពដ៏ស្រស់ស្រាយ និងរីករាយ។ ស្នាមញញឹមដ៏រាក់ទាក់ ការសួរសុខទុក្ខដោយយកចិត្តទុកដាក់ និងការចាប់ដៃដ៏កក់ក្តៅបានរួមចំណែកបង្កនូវបរិយាកាសសាមគ្គីភាព រាក់ទាក់និងពោរពេញដោយមនោសញ្ចេតនារវាងកម្មាភិបាល និងប្រជាជន។ នៅឯពិធីវិញ អ្នកតំណាង និងមាមីងប្រជាជនបានរួមគ្នារំលឹកឡើងវិញនូវប្រពៃណីដ៏រុងរឿងរបស់រណសិរ្សមាតុភូមិវៀតណាម។ វាយតម្លៃលទ្ធផលអនុវត្តបណ្តាចលនាប្រឡងប្រណាំងស្នេហាជាតិ ការឃោសនាចលនា ក៏ដូចជាសមិទ្ធផលលេចធ្លោក្នុងការកសាងជីវភាពវប្បធម៌នៅតំបន់តាំងទីលំនៅ។ តាមរយៈនោះ បន្តបញ្ជាក់ពីតួនាទី និងកម្លាំងដ៏ធំធេងនៃប្លុកមហាសាមគ្គីទូទាំងជនជាតិក្នុងបុព្វហេតុកសាង និងអភិវឌ្ឍន៍ភូមិស្រុក។ ទន្ទឹមនឹងនោះ ទិវាក៏បានប្រព្រឹត្តឡើងនូវសកម្មភាពវប្បធម៌ សិល្បៈយ៉ាងផុសផុល នាំមកនូវបណ្តាឈុតសម្តែងដ៏លេចធ្លោ បានមាមីងប្រជាជនគាំទ្រអស់ពីចិត្ត។

សមមិត្ត ក្វាច់ ហ្វិញ ភីអៀង - អនុប្រធានគណៈកម្មាធិការរណសិរ្សមាតុភូមិវៀតណាមសង្កាត់មីស្វៀង បានឱ្យដឹង៖ “ចំពោះសង្កាត់មីស្វៀង ការរៀបចំទិវាមហាសាមគ្គីទូទាំងជនជាតិឆ្នាំ ២០២៦ និងទិវាវប្បធម៌វៀតណាម គឺបានចាត់តាំងយ៉ាងជោគជ័យរហូតដល់ ១៤ តំបន់នៅលើភូមិឋាន។ នេះគឺជាឱកាសដើម្បីឱ្យតំបន់តាំងទីលំនៅឋានបន្តពង្រឹងចំណងភូមិផងរបងជាមួយ ពង្រីកស្មារតីជួយគ្នាទៅវិញទៅមក ជំរុញទឹកចិត្តប្រជាជនឱ្យប្រឡងប្រណាំងពលកម្មផលិត សកម្មចូលរួមក្នុងបណ្តាចលនាកសាងជនបទថ្មី និងអនុវត្តល្អនូវភារកិច្ចនយោបាយរបស់ភូមិភាគ។ ការចាត់តាំងទិវាត្រូវធានាបាននូវភាពឱឡារិក ខ្លឹមសារ សន្សំសំចៃ សមស្របនឹងលក្ខណៈជាក់ស្តែង បង្កបរិយាកាសរីករាយ និងទាក់ទាញប្រជាជនឱ្យចូលរួម”។

មណ្ឌលតឹងភឿក សង្កាត់មីស្វៀង ចាត់តាំងទិវាមហាសាមគ្គីទូទាំងជនជាតិ
និងទិវាវប្បធម៌វៀតណាម។

សមមិត្ត ម៉ា មិញញ៉ឹង - ប្រធានគណៈកម្មាធិការរណសិរ្សតំបន់តឹមឡុក សង្កាត់មីស្វៀង បានឱ្យដឹង៖ “គណៈការងាររណសិរ្សតំបន់របស់យើងខ្ញុំក្នុងរយៈពេលកន្លង តែងសកម្មផ្លាស់ថ្មីនូវវិធីសាស្ត្រសកម្មភាព ផ្សព្វផ្សាយអនុវត្តភារកិច្ចនានា ព្រមទាំងជំរុញខ្លាំងការឃោសនា និងចលនាប្រជាជនគ្រប់ស្រទាប់ចូលរួមយ៉ាងសកម្មក្នុងចលនាតាមរយៈទម្រង់ចម្រុះ និងសម្បូរបែប។ ក្នុងឆ្នាំ គណៈការងាររណសិរ្សបានគាំទ្របណ្តាចលនាដោយរណសិរ្សថ្នាក់លើបំផុសនិងបាន ប្រគល់ទៅគណៈចលនា “មូលនិធិដើម្បីអ្នកក្រ” ដោយថវិកាចំនួន ១.៤០០.០០០ ដុង “មូលនិធិតបស្នងសងគុណ” ចំនួន ៥.០០០.០០០ ដុង “មូលនិធិជំរុញការសិក្សា” ចំនួន ១.៥០០.០០០ ដុង។ ក្នុងឆ្នាំ បានជួសជុលផ្ទះចំនួន ០១ ខ្នងដល់គ្រួសារដែលលំបាកអំពីលំនៅឋាន ជាមួយតម្លៃសរុបចំនួន ៣០.០០០.០០០ ដុង។ តាមរយៈកម្មវិធី គ្រួសារដែលបានឧបត្ថម្ភលំនៅឋានរឹងមាំ មានជីវភាពលំនឹង ឆ្លងផុតការលំបាកអំពីលំនៅឋាន បង្កជាកម្លាំងចលករដើម្បីបង្កើនការផលិត និងអភិវឌ្ឍន៍សេដ្ឋកិច្ចគ្រួសារ។ គណៈការងាររណសិរ្សតំបន់ថែមទាំងសហការជាមួយបណ្តាស្ថាប័ន និងអង្គភាពចលនាសប្បុរសជនជូនអំណោយចំនួន ២៥៥ ចំណែក មានតម្លៃ ២៨.១២០.០០០ ដុង ជូនដល់គ្រួសារមានស្ថានភាពក្រលំបាក គ្រួសារក្រីក្រ គ្រួសារក្បែរក្រ។ ចលនាប្រជាជនដំឡើងបំពង់បង្ហូរទឹក ប្រវែងប្រហែល ២០០ ម៉ែត្រ ជាមួយតម្លៃសរុប ១០.០០០.០០០ ដុង”។

ក្នុងឱកាសនេះដែរ ភូមិភាគក៏បានលើកសរសើរ និងជូនរង្វាន់ដល់បណ្តាសូមហភាព បុគ្គល និងគ្រួសារគំរូដែលរួមចំណែកជាច្រើនក្នុងចលនាប្រឡងប្រណាំងស្នេហាជាតិ កសាងជីវភាពវប្បធម៌ អនុវត្តល្អនូវគោលការណ៍របស់បក្ស គោលនយោបាយ និងច្បាប់របស់រដ្ឋ និងសកម្មចូលរួមក្នុងបណ្តាសកម្មភាពនៅភូមិភាគ។ ព្រមទាំងជូនអំណោយជាច្រើនចំណែកដល់គ្រួសារដែលមានស្ថានភាពក្រលំបាកនៅភូមិភាគ រួមចំណែកសាយភាយស្មារតីជួយគ្នាទៅវិញទៅមក៕

ដាលីន-មេងលី

ចែករំលែកអត្ថបទ

ពាក្យគន្លឹះ