សម្លេងមាសនៃក្រុមសិល្បៈរស្មីប្រទីប
អាស្រ័យមានទេពកោសល្យពីកំណើត និងមានការជក់ចិត្តដិតអារម្មណ៍សិល្បៈតាំងពីកុមារ ម៉្លោះហើយពេលបានទទួលចូលក្រុមសិល្បៈរស្មីប្រទីប ព្រមទាំងបានណែនាំដោយអស់ពីចិត្តពីសំណាក់សិល្បកររៀមច្បងនិងមិត្តរួមអាជីព ផ្តើមពីនោះ សិល្បករថាច់សេដ្ឋ ក៏មានឈ្មោះបោះសម្លេងក្នុងមជ្ឈដ្ឋានសិល្បៈជំនាញ បច្ចុប្បន្ន សិល្បករថាច់សេដ្ឋ ជាតួឯកក្រុមសិល្បៈរស្មីប្រទីបខេត្តត្រាវិញ។
សិល្បករថាច់សេដ្ឋ ក្នុងតួព្រះបាទវេស្សន្តរ។
សិល្បករថាច់សេដ្ឋ កើតឆ្នាំ១៩៨៣ នៅភូមិអូរទទឹង ឃុំចូវដៀង ស្រុកកូវកែ ខេត្តត្រាវិញ។ ថ្វីដ្បិតកើតក្នុងគ្រួសារមិនមានអ្នកណាប្រឡូកក្នុងវិស័យសិល្បៈក៏ដោយ ប៉ុន្តែ សិល្បករថាច់សេដ្ឋ បានបង្ហាញឱ្យឃើញពីទេពកោសល្យច្រៀងរាំតាំងពីកុមារម៉្លេះ។ អាយុ២១ឆ្នាំ គាត់បានទទួលចូលក្រុមសិល្បៈរស្មីប្រទីបខេត្តត្រាវិញ។ នៅទីនេះ គាត់មានឱកាសពង្រីកចំណង់ចំណូលចិត្តរបស់ខ្លួន បូកផ្សំនឹងការជួយណែនាំដោយអស់ពីចិត្តពីសិល្បកររៀមច្បង មិនយូរប៉ុន្មាន គាត់ក៏ទទួលបានលទ្ធផលដ៏ត្រចះត្រចង់។ បន្ទាប់ពីចូលក្រុមបានជិត៥ឆ្នាំ នៅសមោសរសិល្បៈច្រៀងរាំទូទាំងប្រទេសឆ្នាំ២០០៩ សិល្បករវ័យក្មេងថាច់សេដ្ឋ ទទួលបានមេដាយមាស១គ្រឿង សម្តែងតួឯកក្នុងរឿង “ឥន្ទបុត្តកុមារ” ចងក្រងដោយសិល្បករឆ្នើមថាច់ស៊ុង។ ភាពជោគជ័យនេះ បានផ្តល់ជាកម្លាំងចិត្តញុាំងឱ្យគាត់រឹតតែមានការជឿជាក់ ប្ដេជ្ញាផ្សារភ្ជាប់នឹងវិស័យសិល្បៈយូរអង្វែង។ សិល្បករថាច់សេដ្ឋ ឱ្យដឹង៖ “ខ្ញុំត្រេកអរនិងមោទនភាពណាស់ពេលបាន សម្តែងជាតួឯក ខ្ញុំរំភើបចិត្តគ្មានអ្វីប្រៀបផ្ទឹម។ ទាំងអស់នេះ គឺអាស្រ័យថ្នាក់ដឹកនាំក្រុមនិងមិត្តរួមអាជីព ជួយជ្រោមជ្រែងទើបខ្ញុំមានថ្ងៃនេះ។ នៅរាល់ទំនុកច្រៀងនិងតួអង្គក្នុងរឿង ខ្ញុំខិតខំព្យាយាមហាត់សមឱ្យបានស្ទាត់ជំនាញ”។
ទោះបីទទួលបានភាពជោគជ័យ តែសិល្បករ ថាច់សេដ្ឋ មិនស្កប់ចិត្តចំពោះខ្លួនឯងនោះទេ។ ផ្ទុយមកវិញ គាត់មិនបង្អង់ក្នុងការព្យាយាមរៀនសូត្របទពិសោធន៍ពីសិល្បករ-ការិនីរៀមច្បងជានិច្ច ដើម្បីបង្កើនសមត្ថភាពក្នុងការសម្តែងរបស់ខ្លួនឱ្យកាន់តែមានភាពល្អប្រសើរ ពីមួយថ្ងៃទៅមួយថ្ងៃ។ ហេតុនោះ គាត់បានក្លាយជាសិល្បករម្នាក់ក្នុងចំណោមសិល្បករ-ការិនី ដែលមានឈ្មោះបោះសម្លេងក្នុងក្រុមសិល្បៈរស្មីប្រទីប។ តួសម្តែងរបស់គាត់ក្នុងរឿងច័ន្ទវង្ស និងរឿងព្រះបាទវេស្សន្តរ បានធ្វើឱ្យទស្សនិកជនជក់ចិត្តដិតអារម្មណ៍ សរសើរមិនដាច់ពីមាត់។ល។
លោកថាច់ស៊ុង ប្រធានក្រុមសិល្បៈរស្មីប្រទីប បញ្ជាក់៖ “ខ្ញុំត្រេកអរណាស់ពេលក្រុមសិល្បៈរស្មីប្រទីបមានសិល្បករវ័យក្មេងដើរតួឯក។ ខ្ញុំយល់ឃើញថា ទោះជាវ័យនៅក្មេង តែសិល្បករថាច់សេដ្ឋ បង្កើតបានស្នាដៃល្អៗជាច្រើន រួមចំណែកក្នុងវិស័យសិល្បៈ ស័ក្តិសមនឹងកិត្តិនាមសិល្បករវ័យក្មេងមានទេពកោសល្យ បានជ្រើសជាតួឯករបស់ក្រុម។ សិល្បករថាច់សេដ្ឋ ទទួលបានមេដាយនិងរង្វាន់ជាច្រើននៅក្នុងពិធីប្រឡងសមោសរសិល្បៈ ព្រមទាំងទទួលបានប័ណ្ណសរសើរនិងលិខិតសរសើរជាច្រើន”៕
សឺនមា៉ល័យ-មុនី
-
សាលាបឋមសិក្សាផាងវ៉ាំងណាំ ចាត់តាំងយ៉ាងអធិកអធមនូវកម្មវិធី "រាត្រីបុណ្យសែនព្រះខែ" ជូនដល់សិស្សានុសិស្ស
- សារមន្ទីរខ្នាតតូចកណ្ដាលបរិវេណវត្តខ្មែរ
- សោភណភាពវត្តតារ៉ម - កេរដំណេលប្រវត្តិសាស្ត្រថ្នាក់ខេត្ត
- ហ្វឹកហាត់ការងារកសាងជីវភាពវប្បធម៌មូលដ្ឋានឱ្យកម្មាភិបាលដឹកនាំ អ្នករដ្ឋការទទួលបន្ទុកវិស័យវប្បធម៌ឃុំ សង្កាត់ ១៣០ នាក់
- វត្តសេរីកណ្ដាលកន្លែងអភិរក្សបេតិកភណ្ឌ
- ធ្វឹងហ្វា ជំរុញសក្តានុភាពទេសចរណ៍ភ្ជាប់ជាមួយវប្បធម៌ខ្មែរ
- ភូមិរបរត្បាញបន្ទោះប្រពៃណីរបស់ជនរួមជាតិខ្មែរនៅដាយអាង
- បើកកម្មវិធីដោះដូរវប្បធម៌ - ពាណិជ្ជកម្មវៀតណាម - ជប៉ុន នៅទីក្រុងកឹងធើ ឆ្នាំ ២០២៦
- សិប្បករឆ្នើម ថាច់សាង៖ អ្នកថែរក្សាព្រលឹងសិល្បៈរបាំបុរាណខ្មែរ
- ត្រៀមលក្ខណៈរួចរាល់សម្រាប់រដូវកាលប្រណាំងទូក ង
-
សោភណភាពវត្តតារ៉ម - កេរដំណេលប្រវត្តិសាស្ត្រថ្នាក់ខេត្ត
- ហ្វឹកហាត់ការងារកសាងជីវភាពវប្បធម៌មូលដ្ឋានឱ្យកម្មាភិបាលដឹកនាំ អ្នករដ្ឋការទទួលបន្ទុកវិស័យវប្បធម៌ឃុំ សង្កាត់ ១៣០ នាក់
- សារមន្ទីរខ្នាតតូចកណ្ដាលបរិវេណវត្តខ្មែរ
- សាលាបឋមសិក្សាផាងវ៉ាំងណាំ ចាត់តាំងយ៉ាងអធិកអធមនូវកម្មវិធី "រាត្រីបុណ្យសែនព្រះខែ" ជូនដល់សិស្សានុសិស្ស
- ពិធីបើកសប្តាហ៍ម្ហូបអាហារទីក្រុងកឹងធើ ឆ្នាំ២០២៦ និងប្រកាសដាក់ឱ្យប្រើប្រាស់ប្រព័ន្ធទេសចរណ៍ឆ្លាតវៃទីក្រុងកឹងធើ
- បង្រៀនអក្សរ របាំ រក្សាព្រលឹងវប្បធម៌ខ្មែរ
- វត្តសេរីកណ្ដាលកន្លែងអភិរក្សបេតិកភណ្ឌ
- ថ្នាក់បង្រៀនរបាំខ្មែរឥតគិតថ្លៃនៅសង្កាត់មីស្វៀង
- ត្រៀមលក្ខណៈរួចរាល់សម្រាប់រដូវកាលប្រណាំងទូក ង
- កសាងនិងពង្រីកតម្លៃ បទដ្ឋានមនុស្សកឹងធើក្នុងសម័យកាលថ្មី
