វប្បធម៌-សិល្បៈ > វប្បធម៌

តម្លៃតន្ត្រីក្នុងជីវភាពរបស់ជនរួមជាតិខ្មែរនៅគៀងយ៉ាង

តន្ត្រីត្រូវបានជនរួមជាតិខ្មែរ ចាត់ទុកជាមធ្យោបាយកម្សាន្ត ពាំនាំនូវអារម្មណ៍ មនោសញ្ចេតនា តាមរយៈចង្វាក់រាំចម្រៀង។ តាមរយៈសកម្មភាពវប្បធម៌ ចំណងមិត្តភាពរវាងភូមិស្រុកត្រូវបានផ្សារភ្ជាប់ ព្រមទាំងរួមចំណែកអភិរក្សនិងពង្រីកតម្លៃវប្បធម៌ខ្មែរ។

សមាជិកក្លឹបយូរកេរនៅភូមិវិញឡើយ ឃុំវិញថាញ់ ស្រុកយ៉ុងរៀង ហាត់សមត្រៀមសម្ដែងបម្រើមាមីងនៅភូមិស្រុក។

ខេត្តគៀងយ៉ាង មានជនរួមជាតិខ្មែររស់នៅកុះករ ស្រូបអត្រាជាង១៣% ចំនួនប្រជាជនក្នុងខេត្ត។ ប៉ុន្មានឆ្នាំកន្លង ជនរួមជាតិខ្មែរក្នុងខេត្ត បានយកចិត្តទុកដាក់អភិរក្សនិងពង្រីកតម្លៃសិល្បៈក្នុងជីវភាពរស់នៅ។ ផ្អែកទៅតាមពិធីបុណ្យទាននីមួយៗ សកម្មភាព ប្រគំតន្ត្រីក៏មានទ្រង់ទ្រាយ បទភ្លេង និងអត្ថន័យខុសៗពីគ្នា។ នៅក្នុងពិធីបុណ្យ តន្ត្រីបានក្លាយជាកត្តាលើកស្ទួយទម្រង់សិល្បៈផ្សេងៗ មានដូច៖ របាំឆៃយុាំ រាំវង់ របាំអប្សរា ល្ខោនជាដើម។

ក្រុមសិល្បៈខ្មែរខេត្តគៀងយ៉ាង សម្តែងបម្រើប្រជាជនក្នុងឱកាសសម្ពោធស្ពានព្រែកចាក ១ សង្កាត់វិញហ៊ីប ក្រុងរ៉ាច់យ៉ា។

ទោះបីមមាញឹកប្រកបការងារចិញ្ចឹមជីវិត និងសិក្សារៀនសូត្រក៏ដោយ ប៉ុន្តែសមាជិក ក្រុមសិល្បៈរបស់វត្តស្រែសៀមថ្មី ឃុំប៊ិញអាង ស្រុកចូវថាញ់ នៅតែបន្តសកម្មភាព ហាត់សមជារឿងៗ។ អ្នកមីងលីធីសៅ អ្នកហាត់របាំឱ្យក្រុមសិល្បៈវត្តស្រែសៀមថ្មី ឱ្យដឹង៖ “ចំពោះពិធីបុណ្យផ្សេងៗរបស់ជនរួមជាតិខ្មែរ កម្មវិធីសិល្បៈគឺជាសកម្មភាពមិនអាចខ្វះបាន។ ក្រុមបានដំឡើងកម្មវិធីចម្រុះដោយមានឈុតសម្ដែងពិសេសៗ ប្រកបដោយអត្តសញ្ញាណវប្បធម៌ជនជាតិ និងស្មារតីសាមគ្គីនៃជនជាតិទាំងបីគឺ កិញ ខ្មែរ ចិន”។ ក្លឹបយូរកេរខ្មែរនៅភូមិវិញឡើយ ឃុំវិញថាញ់ ស្រុកយ៉ុងរៀង ជាកន្លែងដែលសមាជិកនិងប្រជាជនសកម្មភាពវប្បធម៌ បំពេញចំណង់ចំណូលចិត្តសិល្បៈជនជាតិ។ បងយ័ញយ៉ែ - ប្រធានក្លឹបយូរកេរនៅភូមិវិញឡើយ ឱ្យដឹង៖ “នៅក្នុងពិធីសម្ដែង ក្លឹបបានផ្តោតទៅលើខ្លឹមសារ។ ខ្លឹមសារត្រូវតែផ្លាស់ថ្មី បង្ហាញពីស្មារតីស្នេហាមាតុភូមិ ប្រទេសជាតិរបស់ជនរួមជាតិខ្មែរ”។ ឯបងស្រីធីណី ជាសមាជិកក្លឹប ឱ្យដឹង៖ “ចូលរួមក្លឹប សមាជិកមានពេលកម្សាន្តសប្បាយដ៏ត្រឹមត្រូវបន្ទាប់ពីថ្ងៃធ្វើការ ហើយអ្នករាល់គ្នាកាន់តែមានភាពជិតស្និទ្ធជាង”។

សិល្បករឆ្នើមគឹមលីម៉ែត្រ ប្រធានក្រុមសិល្បៈខ្មែរខេត្តគៀងយ៉ាង ឱ្យដឹង៖ “រៀងរាល់ឆ្នាំ ក្រុមសិល្បៈខ្មែរគៀងយ៉ាង ចេញទៅសម្ដែងប្រមាណពី ៧០-៨០ លើក ដើម្បីបម្រើទស្សនិកជនខ្មែរពី ៣៥.០០០-៤០.០០០ នាក់ ដែលនៅតំបន់ឆ្ងាយដាច់ស្រយាលរបស់ខេត្ត។ នេះជាសញ្ញាល្អដើម្បីភូមិភាគរួមនឹងមាមីងអភិរក្សតន្ត្រីខ្មែរ”៕

តាមកាសែតគៀងយ៉ាង-ទីទុយ

Chia sẻ bài viết

Từ khóa

សមាជិកក្លឹបយូរកេរ ក្រុមសិល្បៈខ្មែរ

BÌNH LUẬN