សុខភាព - អប់រំ > សុខភាព

បង្កើនអនាម័យសុវត្ថិភាពចំណីអាហារ ធានាសុខភាពជូនប្រជាជន

មន្ទីរសុខាភិបាលខេត្តត្រាវិញ បានប្រកាសឱ្យប្រើសារលិខិតលេខ ១១១៦/SYT-NVY សំណូមពរសាខានាយកដ្ឋានសុវត្ថិភាពអនាម័យចំណីអាហារ មជ្ឈមណ្ឌលគ្រប់គ្រងជំងឺតម្កាត់ មន្ទីរពេទ្យនានាក្នុងខេត្ត មជ្ឈមណ្ឌលសុខាភិបាល ការិយាល័យសុខាភិបាលស្រុក ទីរួមខេត្ត-ក្រុង ម្ចាស់ការសហការជាមួយអង្គភាពជាប់ពាក់ព័ន្ធអនុវត្តមានប្រសិទ្ធភាព ការធានាសុវត្ថិភាពចំណីអាហារ ធានាសុខភាពជូនប្រជាជន។

ផ្នែកជំនាញផ្តល់អនុសាសន៍ដល់ប្រជាជនទិញម្ហូបអាហារសុវត្ថិភាពដែលមានលិខិត
ទទួលស្គាល់របស់ផ្នែកជំនាញ។

លោកស្រី ង្វៀងធីធូធ្វី ប្រធានសាខានាយកដ្ឋានសុវត្ថិភាពអនាម័យចំណីអាហារខេត្តត្រាវិញ ឱ្យដឹង៖ “អនុវត្តតាមកិច្ចចង្អុលការរបស់មន្ទីរសុខាភិបាលខេត្ត អំពីការងារធានាសុវត្ថិភាពចំណីអាហារ បង្កើនការទប់ស្កាត់ និងវិនិច្ឆ័យការពុលអាហារនៅលើភូមិសាស្រ្តខេត្ត ចាប់ពីខែឧសភា ឆ្នាំ២០២៤ មកដល់ពេលនេះ សាខានាយកដ្ឋានបានសហការជាមួយផ្នែកឯកទេស ត្រួតពិនិត្យធានាសុវត្ថិភាពចំណីអាហារនៅអាហារដ្ឋានសណ្ឋាគារខេត្ត បម្រើមហាសន្និបាតតំណាងរណសិរ្សមាតុភូមិវៀតណាមខេត្តត្រាវិញ លើកទី១០ អាណត្តិកាល ២០២៤-២០២៩ និងមហោស្រព “សូរចម្រៀងសន្យានៃដងទន្លេទាំង៩” លើកទី១៩ ឆ្នាំ ២០២៤ (ចំណីអាហារ សរុបចំនួន១.០៧០ចំណែក)។ ពិនិត្យវាយតម្លៃនិងផ្តល់ជូនលិខិតទទួលស្គាល់មូលដ្ឋានគ្រប់លក្ខណៈសុវត្ថិភាពចំណីអាហារមួយ។ ពិនិត្យវាយតម្លៃនិងផ្តល់ជូនលិខិតទទួលស្គាល់មូលដ្ឋាន គ្រប់លក្ខណៈសុវត្ថិភាពចំណីអាហារចំនួន១៥ឯកសារស្នើ។ ទទួលការប្រកាសផលិតផលដោយខ្លួនឯង២៧ឯកសារស្នើ។

អ្នកមីងថាច់ធីហ្វាង នៅអនុសង្កាត់១០ សង្កាត់៩ ក្រុងត្រាវិញ ឱ្យដឹង៖ “ខ្ញុំជាស្ត្រីមេផ្ទះ តែងទៅផ្សារទិញត្រី សាច់មកចម្អិនសម្រាប់គ្រួសារ។ តាមអនុសាសន៍របស់ផ្នែកឯកទេស ខ្ញុំតែងទៅកាន់ហាងធ្វើអាជីវកម្មដែលគួរទុកចិត្ត ដើម្បីទិញផលិតផលបន្លែសុវត្ថិភាព; ទិញសាច់ក៏ជ្រើសរើសប្រភេទសាច់ដែលមានត្រារបស់ផ្នែកជំនាញ។ល។ ដើម្បីច្នៃម្ហូបអាហារធានាសុខភាពដល់សមាជិកក្នុងគ្រួសារ”។

អ្នកមីងថាច់ធីបៃ នៅអនុសង្កាត់១០ សង្កាត់៧ ក្រុងត្រាវិញ ឱ្យដឹង៖ “ដើម្បីធានាអនាម័យចំណីអាហារ ផ្នែកសមត្ថកិច្ចគប្បីបង្កើនការគ្រប់គ្រងខាងឯកទេស ដើម្បីប្រជាជនស្ងប់អារម្មណ៍រស់នៅមានសុខភាពល្អ។ ខ្ញុំទិញតែប្រភេទសាច់ដែលមានបោះត្រាត្រួតពិនិត្យរបស់ផ្នែកសមត្ថកិច្ច”។

ពេលខាងមុខ សាខានាយកដ្ឋាននឹងសហការជាមួយផ្នែកជាប់ពាក់ព័ន្ធ បង្កើនការផ្សព្វផ្សាយដើម្បីលើកកម្ពស់ស្មារតីគោរពគោលនយោបាយនិងច្បាប់អំពីសុវត្ថិភាពចំណីអាហាររបស់អង្គការ បុគ្គលក្នុងការផលិតនិងធ្វើអាជីវកម្មចំណីអាហារ។ ក្នុងនោះ ផ្តោតការយកចិត្តទុកដាក់លើមូលដ្ឋានផលិតនិងធ្វើអាជីវកម្មសាច់ឆៅ និងស្រាសិប្បកម្មនៅតាមមូលដ្ឋានធ្វើអាជីវកម្មខ្នាតតូចនិងភូមិរបរ។ ទន្ទឹមនឹងនោះ កម្លាំងសមត្ថកិច្ចនឹងផ្តុំកម្លាំងគ្រប់គ្រងទប់ស្កាត់និងកាត់បន្ថយឱ្យនៅកម្រិតទាបបំផុតចំណីអាហារមិនធានាសុវត្ថិភាពលក់ដូរចែកចាយលើភូមិសាស្រ្ត និងវិនិច្ឆ័យម៉ឺងម៉ាត់នូវមូលដ្ឋានល្មើសច្បាប់៕

សើុងម៉ាល័យ-វិមាន

Chia sẻ bài viết

Từ khóa

បង្កើនអនាម័យសុវត្ថិភាព ចំណីអាហារ ធានាសុខភាពជូនប្រជាជន

BÌNH LUẬN