សុខភាព - អប់រំ អប់រំ

09/07/2026 - 21:50

លើកកម្ពស់គុណភាពអប់រំវិជ្ជាជីវៈ ឆ្លើយតបនឹងតម្រូវការអភិវឌ្ឍន៍

តាមផែនការផ្សព្វផ្សាយអនុវត្តសេចក្តីសម្រេចលេខ ២៤៧/ QĐ-TTg ចុះថ្ងៃទី ៦ ខែកុម្ភៈ ឆ្នាំ ២០២៥ របស់នាយករដ្ឋមន្ត្រី ស្ដីពីការអនុវត្តបទបញ្ជាលេខ ២១-CT/TW របស់គណៈលេខាមជ្ឈិមបក្ស នីតិកាលទី XIII ទីក្រុងកឹងធើ ផ្តោតលើការយកចិត្តទុកដាក់អនុវត្តបណ្តាភារកិច្ចផ្លាស់ថ្មី អភិវឌ្ឍ និងលើកកម្ពស់គុណភាពអប់រំវិជ្ជាជីវៈរហូតដល់ឆ្នាំ ២០៣០ ចក្ខុវិស័យដល់ឆ្នាំ ២០៤៥។

និស្សិតសាលាអនុមហាវិទ្យាល័យវីជ្ជាជីវៈកឹងធើ ក្នុងម៉ោងអនុវត្តជាក់ស្តែង។

តាមរយៈនោះ ទីក្រុងផ្តោតលើការរឹតបន្តឹង និងអភិវឌ្ឍន៍ប្រព័ន្ធអប់រំវិជ្ជាជីវៈ ដើម្បីឆ្លើយតបនឹងតម្រូវការនៃទីផ្សារពលកម្ម ប្រជាជន និងតម្រូវការអំពីបរិមាណ រចនាសម្ព័ន្ធ គុណភាពប្រភពធនធានមនុស្ស។ ការងារបណ្តុះបណ្តាលបានតម្រង់ទិសដៅផ្សារភ្ជាប់ជាមួយនឹងតម្រូវការរបស់អាជីវកម្ម បណ្តាភារកិច្ចអភិវឌ្ឍន៍សេដ្ឋកិច្ច-សង្គម យកចិត្តទុកដាក់លើការអភិវឌ្ឍពលករដែលមានបំណិនវិជ្ជាជីវៈ ជាពិសេសគឺ ពលករដែលមានជំនាញខ្ពស់ រួមចំណែកលើកកម្ពស់ទិន្នផលពលកម្ម និងសមត្ថភាពប្រកួតប្រជែងរបស់ទីក្រុង។ ដល់ឆ្នាំ ២០៣០ ទីក្រុងខិតខំប្រឹងប្រែងបណ្តុះបណ្តាលពលករឱ្យមានសញ្ញាបត្រ និងវិញ្ញាបនបត្រ ពី ៣៥-៤០% ទាក់ទាញសិស្សដែលបញ្ចប់ការសិក្សាកម្រិតអនុវិទ្យាល័យ ពី ៣០-៣៥% និងសិស្សបញ្ចប់ការសិក្សាកម្រិតវិទ្យាល័យ ពី ៥០-៥៥% ចូលរួមក្នុងប្រព័ន្ធអប់រំវិជ្ជាជីវៈ, បណ្តុះបណ្តាលឡើងវិញ និងបណ្តុះបណ្តាលជាប្រចាំជូនកម្លាំងពលករប្រមាណ ២៥%។ ទន្ទឹមនឹងនោះ ខិតខំមានពលករ ៨០% ដែលមានបំណិនប្រើប្រាស់បច្ចេកវិទ្យាព័ត៌មាន គ្រូឧទ្ទេសអប់រំវិជ្ជាជីវៈ៩០% បានសម្រេចតាមបបទដ្ឋាន និង ១០០% មូលដ្ឋានអប់រំវិជ្ជាជីវៈសម្រេចបទដ្ឋានតាមសេចក្តីកំណត់។

ដើម្បីអនុវត្តនូវទិសដៅខាងលើនេះ ទីក្រុងបន្តជំរុញខ្លាំងក្លាការផ្សព្វផ្សាយអំពីការផ្លាស់ថ្មី និងការអភិវឌ្ឍអប់រំវិជ្ជាជីវៈ ជំរុញការងារតម្រង់ទិសវិជ្ជាជីវៈនៅកម្រិតវិទ្យាល័យ បែងចរន្តសិស្សឱ្យចូលរៀនអប់រំវិជ្ជាជីវៈ រៀបចំនិងចាត់តាំងឡើងវិញនូវប្រព័ន្ធមូលដ្ឋានអប់រំវិជ្ជាជីវៈរដ្ឋការ ដើម្បីធានាបាននូវភាពសម្រិតសម្រាំង និងមានប្រសិទ្ធភាព។ ទន្ទឹមនឹងនោះ ផ្លាស់ថ្មីខ្លឹមសារ កម្មវិធីបណ្តុះបណ្តាលតាមទិសដៅបើកទូលាយ បត់បែន និងតភ្ជាប់គ្នា ជំរុញការបណ្តុះបណ្តាលផ្សារភ្ជាប់ជាមួយអាជីវកម្ម និងទីផ្សារពលកម្ម លើកកម្ពស់ប្រសិទ្ធភាពនៃការចងសម្ព័ន្ធ និងកិច្ចសហការរវាងរដ្ឋ - សាលារៀន - អាជីវកម្ម...៕

គៀងក្វឹក-ត្រឹងរ៉ូន

ចែករំលែកអត្ថបទ

ពាក្យគន្លឹះ