សុខភាព - អប់រំ អប់រំ

13/07/2026 - 22:11

សាកលវិទ្យាល័យត្រាវិញ ចំណុចលេខធ្លោក្នុងការបណ្តុះបណ្តាលវប្បធម៌ខ្មែរនិងបណ្តាគោលនយោបាយអនុគ្រោះពិសេស

មហាវិទ្យាល័យភាសា-វប្បធម៌-វិចិត្រសិស្បៈខ្មែរណាមបូនិងមនុស្សសាស្ត្រ (CLASKA) ចំណុះសាកលវិទ្យាល័យត្រាវិញ ជាមហាវិទ្យាល័យមានលក្ខណៈពិសេស ដែលបានរដ្ឋាភិបាលប្រគល់ភារកិច្ចបណ្តុះបណ្តាលប្រព័ន្ធរៀបរយមុខវិជ្ជាពិសេសអំពីភាសា វប្បធម៌ខ្មែរ គរុកោសល្យភាសាខ្មែរនិងមុខវិជ្ជាសម្តែងឧបករណ៍ភ្លេងប្រពៃណីខ្មែរ។ ទន្ទឹមនឹងនោះ ទីនេះថែមទាំងអនុវត្តគោលនយោបាយអាទិភាពជាច្រើនសម្រាប់និស្សិតជាជនជាតិភាគតិច ពេលចូលរៀននៅសាលានេះ។ ដើម្បីស្វែងយល់កាន់តែច្បាស់ អ្នកកាសែត ត្រេវថាញហ៊ុង ជាអ្នកយកព័ត៌មានការិយាល័យភាសាជនជាតិនៃកាសែតនិងវិទ្យុ ទូរទស្សន៍កឹងធើ បានធ្វើបទសម្ភាសជាមួយលោកស្រី បណ្ឌិត ង៉ោសុភា នាយិកាមហាវិទ្យាល័យភាសា-វប្បធម៌-វិចិត្រសិស្បៈខ្មែរណាមបូនិងមនុស្សសាស្ត្រ ចំណុះសាកលវិទ្យាល័យត្រាវិញ អំពីបញ្ហាខាងលើ។

នាយិកាមហាវិទ្យាល័យភាសា-វប្បធម៌-វិចិត្រសិស្បៈខ្មែរណាមបូនិងមនុស្សសាស្ត្រ
(សាកលត្រាវិញ) ថ្លែងការណ៍ក្នុងពិធី។

អ្នកយកព័ត៌មាន៖ ជ្រាបប្រសាសន៍លោកស្រី បណ្ឌិត ង៉ោសុភា សូមលោកស្រីឱ្យដឹង បច្ចុប្បន្ន តើសាលារបស់យើងកំពុងបណ្តុះបណ្តាមុខវិជ្ជាអ្វីខ្លះ? រូបភាពជម្រើសសិស្សយ៉ាងណាដែរ?

លោកស្រី បណ្ឌិត ង៉ោសុភា៖ នៅឆ្នាំ២០២៦ មហាវិទ្យាល័យភាសា-វប្បធម៌-វិចិត្រសិស្បៈខ្មែរណាមបូនិងមនុស្សសាស្ត្រ (CLASKA) យើងខ្ញុំជម្រើសសិស្សកម្រិតបរិញ្ញាចំនួន០៧មុខជំនាញ រួមមាន៖ ភាសាអង់គ្លេស ភាសាចិន ភាសាខ្មែរ វប្បធម៌វិទ្យា សម្តែងឧបករណ៍ភ្លេងប្រពៃណីខ្មែរ តន្ត្រីវិទ្យា គ្រប់គ្រងសេវាកម្មទេសចរណ៍និងការធ្វើដំណើរ(ក្នុងនោះ មុខជំនាញភាសាខ្មែរនិងមុខជំនាញភាសាអង់គ្លេសសម្រេចតាមស្តង់ដារត្រួតពិនិត្យគុណភាពអន្តរជាតិ (AUN – QA) ។ ទន្ទឹមនឹងកម្រិតបរិញ្ញាមុខជំនាញចំនួន០៧ដូចពោលខាងលើ CLASKA បើកបណ្តុះបណ្តាលថ្នាក់អនុបណ្ឌិតចំនួន០៥មុខជំនាញ រួមមាន៖ វប្បធម៌វិទ្យា ទ្រឹស្តីនិងវិធីសាស្ត្របង្រៀនមុខវិជ្ជាអក្សរសាស្ត្រ ទ្រឹស្តីនិងវិធីសាស្ត្របង្រៀនមុខវិជ្ជាភាសាអង់គ្លេស គ្រប់គ្រង់ការអប់រំនិងអប់រំវិទ្យា(ក្នុងនោះមុខជំនាញវប្បធម៌វិទ្យាសម្រេចតាមស្តង់ដារត្រួតពិនិត្យគុណភាពអន្តរជាតិ AUN-QA គ្រប់គ្រងការអប់រំសម្រេចស្តង់ដារ FIBAA) ថ្នាក់បណ្ឌិតចំនួន០៣មុខជំនាញ រួមមាន៖ វប្បធម៌វិទ្យា ទ្រឹស្តីនិងវិធីសាស្ត្របង្រៀនមុខវិជ្ជានិរុត្តិសាស្ត្រ ទ្រឹស្តីនិងវិធីសាស្ត្របង្រៀនមុខវិជ្ជាភាសាអង់គ្លេស។

ចំពោះវិធីសាស្ត្រជម្រើសសិស្ស៖ សាលាយើងខ្ញុំអនុវត្តវិធីសាស្ត្រសំខាន់ៗចំនួន០៤ រួមមាន៖

- វិធីសាស្ត្រទី១ លេខកូដ១០០៖ ពិនិត្យជម្រើសផ្អែកតាមលទ្ធផលនៃការប្រឡងមធ្យមសិក្សាចំណេះទូទៅថ្នាក់ជាតិ។

- វិធីសាស្ត្រទី២ លេខកូដ ២០០៖

+ ពិនិត្យជម្រើសផ្អែកតាមលទ្ធផលបណ្តាវិញ្ញាសារៀននៃថ្នាក់មធ្យមសិក្សាចំណេះទូទៅ(សិក្ខាគារិក)។

+សមាយោគពិនិត្យជម្រើស ដោយប្រើសប្រាស់ពិន្ទុមធ្យមភាគ រួមនឹងលទ្ធផលនៃការសិក្សាថ្នាក់ទី១០ ទី១១ ទី១២។

- វិធីសាស្ត្រទី៣ លេខកូដ ៤១៦៖ ប្រើប្រាស់លទ្ធផលនៃការប្រឡង V-SAT ដែលចាត់តាំងឡើងដោយសាកលវិទ្យាល័យត្រាវិញ។

-វិធីសាស្ត្រទី៤ លេខកូដ ៤១៧៖ ប្រើប្រាស់លទ្ធផលនៃការប្រឡង V-SAT ដែលចាត់តាំងឡើងដោយអង្គភាពផ្សេងៗ។

អ្នកយកព័ត៌មាន៖ សូមលោកស្រីបណ្ឌិតឱ្យដឹង ពេលចូលរៀននៅសាលានេះ តើនិស្សិតជាជនជាតិភាគតិចនឹងទទួលបានគោលនយោបាយអាទិភាពយ៉ាងដូចម្តេច?

លោកស្រី បណ្ឌិត ង៉ោសុភា៖ អំពីគោលនយោបាយអាទិភាពសម្រាប់និស្សិត នៅសាលា CLASKA មានគោលនយោបាយអាទិភាពជាច្រើនឆ្ពោះដល់អ្នកសិក្សា មានដូច៖ លើកលែងថ្លៃសិក្សា១០០%សម្រាប់និស្សិតសិក្សាមុខជំនាញផ្នែកសម្តែងឧបករណ៍ភ្លេងប្រពៃណីខ្មែរ ព្រមទាំងបានឧបត្ថម្ភថវិកា៤៥០.០០០ក្នុងមួយខែ សម្រាប់មុខជំនាញនេះ កាត់បន្ថយថ្លៃសិក្សា៣០%សម្រាប់មុខជំនាញ ភាសាខ្មែរ វប្បធម៌វិទ្យានិងតន្ត្រីវិទ្យា។

និស្សិតផ្នែកសម្តែងឧបករណ៍ភ្លេងប្រពៃណី របាយការណ៍បញ្ចប់ការសិក្សា។
រូបថត៖ សាលាផ្តល់

ទន្ទឹមនឹងអាហារូបករណ៍លើកទឹកចិត្តការសិក្សា ផ្តល់ជូននិស្សិតមានលទ្ធផលសិក្សានិងលត់ដំល្អនៅរាល់ឆមាសនីមួយៗសម្រាប់និស្សិតដែលមានស្ថានភាពលំបាក និស្សិតស្ថិតក្នុងក្របខ័ណ្ឌគោលនយោបាយ និស្សិតជាជនជាតិភាគតិចក៏ទទួលបានអាហារូបករណ៍ពីអ្នកឧបត្ថម្ភនិងក្រុមអ្នកវិទ្យាសាស្ត្រក្នុងនិងក្រៅប្រទេស ពីបុគ្គល អង្គការ អាជីវកម្មនិងអាណិកជនជាច្រើន មានដូច៖ អាហារូបករណ៍របស់ស្ត្រាចារ្យង្វៀងធៀងថាញ់ អាហារូបករណ៍សមាគមជំរុញការសិក្សាពាណិជ្ជករតៃវ៉ាន់-វៀតណាម អាហារូបករណ៍មូលនិធិសប្បុរសធម៌បញ្ញាខេត្តត្រាវិញ អាហារូបករណ៍ង្វៀងថាញជីម អាហារូបករណ៍រង្វង់ដៃថាយប៊ិញ អាហារូបករណ៍សម្រាប់សិស្ស និស្សិតទៅសិក្សាក្រៅប្រទេស ជម្នះលំបាក។ល។ ជួយនិស្សិតមានកម្លាំងចលករបន្ថែមក្នុងការសិក្សានិងស្រាវជ្រាវ។ ក្រៅពីនោះ និស្សិតនឹងបានឧបត្ថម្ភថវិកាពេលអនុវត្តប្រធានបទស្រាវជ្រាវវិទ្យាសាស្ត្រថ្នាក់សាលានិងថ្នាក់ខ្ពស់ជាង ហើយប្រភពថវិកានេះ នឹងកើនបន្ថែម១០%សម្រាប់និស្សិតនារីពេលចូលរួមស្រាវជ្រាវបណ្តាប្រធានបទវិទ្យាសាស្ត្រពីថ្នាក់សាលាឡើងទៅ។

អ្នកយកព័ត៌មាន៖ សូមលោកស្រីបណ្ឌិត ឱ្យដឹងបន្ថែម រយៈពេលកន្លង តើបណ្តាកម្មវិធីបណ្តុះបណ្តាលរបស់សាលាសម្រេចបានលទ្ធផលអ្វីខ្លះ?

លោកស្រី បណ្ឌិត ង៉ោសុភា៖ ក្រោមការយកចិត្តទុកដាក់ វិនិយោគមូលដ្ឋានសម្ភារៈនិងបរិក្ខារពីថ្នាក់ដឹកនាំសាលា ព្រមទាំងការប្តេជ្ញាចិត្តលើកកម្ពស់វិធីសាស្ត្របង្រៀនពីគ្រូឧទ្ទេស បច្ចុប្បន្ន សាលាCLASKAមានកម្មវិធីបណ្តុះបណ្តាលចំនួន៥សម្រេចតាមស្តង់ដារត្រួតពិនិត្យ AUN-QA រួមមានមុខជំនាញ៖ ភាសាខ្មែរ ភាសាអង់គ្លេស អប់រំបឋមសិក្សា អប់រំមត្តេយ្យ អនុបណ្ឌិតវប្បធម៌វិទ្យា ពិសេសគឺមានមុខជំនាញចំនួន១សម្រេចស្តង់ដារ FIBAA នោះគឺអនុបណ្ឌិតគ្រប់គ្រងការអប់រំ។ ថ្មីនេះៗ នៅឆ្នាំ២០២៦ CLASKA បន្តការត្រួតពិនិត្យកម្មវិធីចំនួន០១តាមស្តង់ដារAUN-QA នោះគឺមុខជំនាញគ្រប់គ្រងសេវាកម្មទេសចរណ៍និងការធ្វើដំណើរ ព្រមទាំងត្រួតពិនិត្យឡើងវិញលើមុខជំនាញភាសាខ្មែរ។

ពិសេសជាងនេះទៅទៀត គឺការអភិវឌ្ឍប្រភពធនធានមនុស្សក្នុងឆ្នាំសិក្សា២០២៥-២០២៦ ក្រៅពីការអបអរសាទរបញ្ញាវន្តថ្នាក់បណ្ទិត សាលាយើងខ្ញុំក៏បានទទួលសាស្ត្រាចារ្យរងចំនួន២នាក់បន្ថែម គឺសាស្ត្រាចារ្យរងម្នាក់ផ្នែកមុខជំនាញភាសាវិទ្យា ម្នាក់ទៀតគឺសាស្ត្រាចារ្យរងមុខជំនាញផ្នែកវិទ្យាសាស្ត្រអប់រំចូលរួមបង្ហាត់បង្រៀនផ្ទាល់នៅសាលា។

សូមថ្លែងអំណរគុណលោកស្រីបណ្ឌិត ង៉ោសុភា ដែលបានឆ្លៀតពេលផ្តល់បទសម្ភាទដល់យើងខ្ញុំ!

ថាញហ៊ុង-មុនី

ចែករំលែកអត្ថបទ

ពាក្យគន្លឹះ