រសជាតិនំបញ្ចុកទឹកសម្លខ្មែរ នៅក្បែររមណីយដ្ឋានស្រះស្រី
ក្នុងបរិយាកាសដ៏មនោរម្យនៃផ្លូវចូលទៅកាន់រមណីយដ្ឋានស្រះស្រី មុខម្ហូបនំបញ្ចុកទឹកសម្លបែបស្រុកស្រែរបស់ជនរួមជាតិខ្មែរ នៅតែមានភាពទាក់ទាញភ្ញៀវទេសចរជិតឆ្ងាយជានិច្ច។ មិនត្រឹមតែជាអាហារដ៏ពេញនិយមប៉ុណ្ណោះទេ នំបញ្ចុក ទឹកសម្លនៅទាំងបង្កប់នូវរឿងរ៉ាវនៃការថែរក្សារសជាតិប្រពៃណី ដែលបានដូនតាបន្សល់ទុក និងតកូនតចៅជាច្រើនជំនាន់មកហើយ។
នំបញ្ចុកទឹកសម្ល។
ស្ថិតនៅសង្កាត់ង្វៀកហ្វា ខេត្តវិញឡុង ហាងនំបញ្ចុកទឹកសម្លរបស់អ្នកមីងស៊ើងធីហុង គឺជាអាសយដ្ឋានមួយរបស់ប្រជាជនក្នុងតំបន់ ក៏ដូចជាភ្ញៀវទេសចរផងដែរ ក្នុងនោះ មានភ្ញៀវទេសចរជាច្រើនមកពីបណ្តាខេត្ត និងទីក្រុងហូជីមិញ ស្វែងរកមកទីនេះដើម្បីភ្លក់រសជាតិនំញ្ចុក។ រយៈពេលជាង៥០ឆ្នាំផ្សារភ្ជាប់នឹងមុខរបរនេះ អ្នកមីងស៊ើងធីហុង នៅតែរក្សាការស្លតាមរបៀបបុរាណរបស់ជនរួមជាតិខ្មែរ ចាប់តាំងពីដំណាក់កាលជ្រើសរើសគ្រឿងផ្សំ រហូតដល់របៀប បង់គ្រឿងទេស។ រៀងរាល់ថ្ងៃ ឱ្យតែដល់ពេលរសៀល អ្នកមីងមានការមមាញឹកក្នុងការរៀបចំ ត្រីផ្ទក់, ខ្ជាយ, ស្លឹកគ្រៃ និងគ្រឿងផ្សំជាច្រើនទៀត។ លុះដល់ម៉ោង ៤ ទៀបភ្លឺ ចង្ក្រានភ្លើងបានបង្កាត់ឡើង ឆ្នាំងទឹកសម្លចាប់ផ្តើមពុះខ្ជោល បញ្ចេញក្លិនឈ្ងុយឈ្ងប់ជាលក្ខណៈពិសេស ដើម្បីបម្រើជូនភ្ញៀវពិសាតាំងពីព្រលឹមស្រាងៗ។ នំបញ្ចុក ទឹកសម្លនៅទីនេះមានរសជាតិប្លែកពីគេ។ ទឹកសម្លឆ្ងាញ់ចាប់មាត់ បានស្លដោយប្រហុកដែលជនជាតិខ្មែរធ្វើឡើងតាមបែបប្រពៃណី។ ពេលពិសា ភ្ញៀវអាចញុាំផ្សំជាមួយសាច់ជ្រូកខ្វៃ ណែមបំពង បន្លែស្រស់ ជ្រលក់ជាមួយអំបិលម្ទេស បន្ថែមរសជាតិជូរតិចៗពីទឹកខ្មេះ និងរសជាតិហឹរនៃម្ទេសខ្មាំង បង្កបានជារសជាតិមួយពិបាកនឹងបំភ្លេចបាន។ មិនត្រឹមតែមានការទាក់ទាញដោយសារមុខម្ហូបនោះទេ រឿងរ៉ាវនៃការផ្លាស់ប្តូរក្នុងរបៀបលក់ដូរក៏បានឆ្លុះបញ្ចាំងយ៉ាងច្បាស់ពីជីវភាពរស់នៅរបស់ប្រជាជនក្នុងតំបន់ផងដែរ។
លោកថាច់ហោយ នៅអនុសង្កាត់ ១៣ សង្កាត់ង្វៀកហ្វា ខេត្តវិញឡុង បានចែករំលែកថា ពីមុនមក ពេលជីវភាពនៅលំបាក មាមីងតែងរែកនំបញ្ចុកដើរលក់ពីភូមិមួយទៅភូមិមួយ ដោយមិនទាន់មានកន្លែងលក់ដូរពិតប្រាកដឡើយ។ ចាប់តាំងពីរមណីយដ្ឋានស្រះស្រី វត្តអង្គ សារមន្ទីរបានវិនិយោគនិងអភិវឌ្ឍមក ភ្ញៀវទេសចរមកកម្សាន្តកាន់តែច្រើនឡើងៗ ទើបមាមីងខ្មែរមានកន្លែងលក់ដូរលំនឹងជាងមុន។
សព្វថ្ងៃនេះ នំបញ្ចុកទឹកសម្លមិនត្រឹមតែជាមុខម្ហូបដ៏សាមញ្ញនោះទេ នៅទាំងជាមុខម្ហូបពិសេសដែលផ្សារភ្ជាប់ជាមួយតំបន់ដីខេត្តត្រាវិញចាស់ទៀតផង។ រសជាតិដ៏សាមញ្ញនេះ មិនត្រឹមតែធ្វើឱ្យសម្បូរបែបការឆ្លងបទពិសោធន៍របស់ភ្ញៀវទេសចរប៉ុណ្ណោះទេ ថែមទាំងរួមចំណែកថែរក្សាអត្តសញ្ញាណវប្បធម៌របស់ជនរួមជាតិខ្មែរណាមបូទៀតផង ដែលជាតម្លៃមួយត្រូវបានពូនជ្រំឆ្លងកាត់ជាច្រើនជំនាន់មក៕
ទីទុយ - ថាច់ធី
-
ថែរក្សាវប្បធម៌ខ្មែរផ្តើមពីតម្លៃប្រពៃណី
- រក្សាវប្បធម៌ខ្មែរតាមរយៈរបាំឆៃយ៉ាំនិងយក្ស
- កសាងនិងពង្រីកតម្លៃ បទដ្ឋានមនុស្សកឹងធើក្នុងសម័យកាលថ្មី
- ពិធីបើកសប្តាហ៍ម្ហូបអាហារទីក្រុងកឹងធើ ឆ្នាំ២០២៦ និងប្រកាសដាក់ឱ្យប្រើប្រាស់ប្រព័ន្ធទេសចរណ៍ឆ្លាតវៃទីក្រុងកឹងធើ
- បង្រៀនអក្សរ របាំ រក្សាព្រលឹងវប្បធម៌ខ្មែរ
- ថ្នាក់បង្រៀនរបាំខ្មែរឥតគិតថ្លៃនៅសង្កាត់មីស្វៀង
- យុវជនចូលចិត្តទូក - ង ខ្នាតតូចប្រពៃណីដើម្បីផ្តើមអាជីព
- យុវជនខ្មែរបន្តរក្សាវប្បធម៌ពីជំនាន់មួយទៅជំនាន់មួយ
- សកម្មភាពពិសេសៗជាច្រើននៅទិវាវប្បធម៌វៀតណាម និងបុណ្យអកអំបុក ប្រណាំងទូក - ង ឆ្នាំ២០២៦
- របរធ្វើកន្ទេលក្រហមរបស់ជនរួមជាតិខ្មែរ
-
យុវជនខ្មែរបន្តរក្សាវប្បធម៌ពីជំនាន់មួយទៅជំនាន់មួយ
- អ្នករក្សាព្រលឹងសិប្បកម្មប្រពៃណីតាមរយៈថ្វីដៃចម្លាក់
- បង្រៀនអក្សរ របាំ រក្សាព្រលឹងវប្បធម៌ខ្មែរ
- ថាច់សុខា អ្នកផ្សារភ្ជាប់នឹងរបរចម្លាក់ឈើ
- ពិធីបើកសប្តាហ៍ម្ហូបអាហារទីក្រុងកឹងធើ ឆ្នាំ២០២៦ និងប្រកាសដាក់ឱ្យប្រើប្រាស់ប្រព័ន្ធទេសចរណ៍ឆ្លាតវៃទីក្រុងកឹងធើ
- ទីក្រុងកឹងធើ ចេញផែនការចាត់តាំងសកម្មភាពទិវាវប្បធម៌វៀតណាម និងពិធីបុណ្យអកអំបុក - ប្រណាំងទូក ង ឆ្នាំ២០២៦
- សកម្មភាពពិសេសៗជាច្រើននៅទិវាវប្បធម៌វៀតណាម និងបុណ្យអកអំបុក ប្រណាំងទូក - ង ឆ្នាំ២០២៦
- កោះតឹងគ្វី - ទីតាំងទេសចរណ៍បៃតងនៅកណ្តាលតំបន់ព្រែកទន្លេ
- អភិរក្សសូរសៀងភ្លេងពិណពាទ្យ – រក្សាព្រលឹងវប្បធម៌ខ្មែរណាមបូ
- ថ្នាក់បង្រៀនរបាំខ្មែរឥតគិតថ្លៃនៅសង្កាត់មីស្វៀង
