វប្បធម៌-សិល្បៈ > វប្បធម៌

បុណ្យជ្រោយរំចេក-ជាបេតិកភណ្ឌវប្បធម៌អរូបីថ្នាក់ជាតិ

បុណ្យជ្រោយរំចេក (ឬហៅថា បុណ្យសមុទ្រ) របស់ជនរួមជាតិខ្មែរនៅទីរួមខេត្តវិញចូវ ខេត្តសុកត្រាំង ទើបបានរដ្ឋមន្ត្រីក្រសួងវប្បធម៌កីឡានិងទេសចរណ៍ ទទួលស្គាល់ជាបេតិកភណ្ឌវប្បធម៌អរូបីថ្នាក់ជាតិ។

បុណ្យជ្រោយរំចេក ជាពិធីបុណ្យប្រពៃណីមួយរបស់ជនរួមជាតិខ្មែរនៅទីរួមខេត្តវិញចូវ ត្រូវបានប្រារព្ធធ្វើជារៀងរាល់ឆ្នាំ ចាប់ពីថ្ងៃ ១៤, ១៥ កើតនិង ១ រោច ខែផល្គុន។ ពិធីបុណ្យនេះមានអត្ថន័យបួងសួងសុំសេចក្តីសុខដល់អ្នកដើរសមុទ្រនិងការនេសាទកាក់កប ព្រមទាំងរំលឹកនឹកគុណដល់មហាសាគរដែលបានផ្តល់ភោគផលដ៏មហាសាល; បួងសួងសុំឱ្យភូមិស្រុកសុខសាន្ត ភ្លៀងខ្យល់ធ្លាក់ស្មើ និងរំលឹកនឹកគុណដល់បុព្វបុរសដែលបានកាប់ឆ្ការរានទឹករានដី ផ្តល់ភោគផលដំណាំដាំដុះសម្រាប់អ្នកសមុទ្រវិញចូវ មានជីវភាពសម្បូរសប្បាយ សុភមង្គល។

ជាច្រើនឆ្នាំមកនេះ ដោយបានការយកចិត្តទុកដាក់របស់រដ្ឋអំណាចភូមិភាគ ពិធីបុណ្យនេះ ត្រូវបានបង្កើនកម្រិតទាំងខ្លឹមសារនិងរូបភាពកាន់តែធំឡើងពីមួយថ្ងៃទៅមួយថ្ងៃ ឆ្លើយតបតម្រូវការផ្នែកខាងវប្បធម៌ស្មារតីរបស់ប្រជាជន រួមចំណែកកសាងនិងអភិវឌ្ឍវប្បធម៌វៀតណាមជឿនលឿន ដិតដាមដោយអត្តសញ្ញាណជាតិ។ ពិធីបុណ្យនេះ បានទាក់ទាញភ្ញៀវទេសចរគ្រប់ទិសទីមកទស្សនាកំសាន្តនិងគោរពបូជារាប់សិបពាន់នាក់។

ខាងក្រោមនេះ គឺជារូបភាពមួយចំនួននៃពិធីបុណ្យជ្រោយរំចេកនៅទីរួមខេត្តវិញចូវ ខេត្តសុកត្រាំង៕

យ្វីអាញ-ត្រឹងរ៉ូន