អភិរក្សវប្បធម៌ចាប់ពីមូលដ្ឋាន
តាមប្រសាសន៍លោក យ័ញភុក ប្រធានគណៈជនជាតិខេត្តគៀងយ៉ាង អាស្រ័យគម្រោងអភិរក្សវប្បធម៌របស់ជនរួមជាតិខ្មែរបានផ្សព្វផ្សាយយ៉ាងទូលំទូលាយ ទើបការងារអភិរក្សត្រូវបានប្រជាជនស្រុះចិត្តគំនិតគាំទ្រ។
ក្រុមសិល្បៈខ្មែរនៅឃុំឌិញហ្វា ដំបូងគឺប្រគំតែភ្លេងពិណពាទ្យ សព្វថ្ងៃបានសម្តែងគ្រប់ឈុតឆាកសិល្បៈប្រពៃណី បម្រើពិធីបុណ្យទាននៅភូមិស្រុក។
សិប្បករឆ្នើមយ័ញតៀង នៅឃុំឌិញហ្វា ស្រុកហ្គក្វាវ ជាអ្នកអស់ពីចិត្តនឹងទម្រង់សិល្បៈប្រពៃណី។ ពីមុន លោកបានចូលរួមបង្កើតក្រុមភ្លេងនិងបង្រៀនប្រគំភ្លេងពិណពាទ្យនៅឃុំឌិញហ្វា។ លោកយ័ញតៀង បានឱ្យដឹង៖ “ដោយសារការងារចិញ្ចឹមជីវិត ម្ល៉ោះហើយ មានដៃភ្លេងជាច្រើនឋិតក្នុងវ័យពលកម្មបានទៅធ្វើការនៅស្រុកឆ្ងាយ ដូច្នេះខ្ញុំនិងសមាជិកក្នុងក្លឹបបានឯកភាពគ្នាបណ្តុះបណ្តាលដៃភ្លេងជាយុវវ័យនៅភូមិស្រុក។ គំនិតនេះ បានព្រះចៅអធិការវត្តនានានៅលើភូមិសាស្រ្តគាំទ្រ និងផ្សព្វផ្សាយដល់មាមីងពុទ្ធបរិស័ទចំណុះជើងវត្ត ចាប់តាំងពីពេលនោះមក មាមីងបានបញ្ជូនកូនចៅមករៀនភ្លេងយ៉ាងច្រើនកុះករ។ បច្ចុប្បន្ន គ្រប់វត្តសុទ្ធសឹងតែមានក្រុមភ្លេងពិណពាទ្យប្រគំដោយប្អូនៗយុវវ័យ”។
ដោយឃើញប្រសិទ្ធភាពនៃការបណ្តុះបណ្តាល ដៃភ្លេងវ័យក្មេងមានភាពងាយស្រួល ក្រុមភ្លេងពិណពាទ្យដែលសិប្បករឆ្នើមយ័ញតៀង ទទួលបន្ទុក បានស្នើពង្រីកសកម្មភាពដោយការបង្កើតក្លឹបសិល្បៈខ្មែរនៅឃុំឌិញហ្វា មានសកម្មភាពកាន់តែសម្បូរបែបថែមទៀត។ យោងតាមប្រសាសន៍លោក ក្វាងទ្រុងយុង អនុប្រធានគណៈកម្មាធិការប្រជាជនឃុំឌិញហ្វា ឧត្តមភាពរបស់ភូមិភាគគឺមានជនរួមជាតិខ្មែររស់នៅច្រើន ដូច្នេះ សកម្មភាពវប្បធម៌និងសិល្បៈមានប្រភពធនធាន មនុស្សចូលរួមយ៉ាងច្រើនកុះករ។ សកម្មភាពវប្បធម៌និងកីឡាបានរួមចំណែកអភិរក្សវប្បធម៌ខ្មែរចាប់ពីមូលដ្ឋាន ដូច្នេះភូមិភាគគាំទ្រយ៉ាងពេញទំហឹង។
លោកយ័ញតៀង បានរៀបរាប់៖ “ទទួលបានការគាំទ្រពីភូមិភាគ វត្តអារាមនិងការចូលរួមអស់ពីចិត្តរបស់ប្រជាជន ក្លឹបកាន់តែរីកចម្រើន។ យើងខ្ញុំរឹតតែរីករាយ ព្រោះបច្ចុប្បន្នយុវវ័យបានចូលរួមយ៉ាងច្រើន។ នេះជាប្រភពធនធានមនុស្ស ដ៏សំខាន់សម្រាប់បន្តវេនអភិរក្សវប្បធម៌ចាប់ពីមូលដ្ឋាន”។ ចូលរួមក្លឹបជាច្រើនឆ្នាំ ប្អូនយ័ញម៉ិញក្វី នៅឃុំឌិញហ្វា មានជំនាញក្នុងការរាំ ច្រៀង។ ប្អូនក្វី បានឱ្យដឹង៖ “ប្អូនពិតជាចូលចិត្តរាំនិងច្រៀងណាស់ ដូច្នេះនៅពេលឮលោកពូតៀងបង្កើតក្លឹប គឺប្អូនចុះឈ្មោះចូលរួមភ្លាម។ ឆ្នាំនេះប្អូនបានលោកពូឱ្យឡើងច្រៀង ដូច្នេះប្អូនសប្បាយចិត្តណាស់”។ ភាពជោគជ័យរបស់ក្លឹប គឺមានការរួមចំណែករបស់ឪពុកម្តាយជាច្រើន លោកយ័ញងេប នៅឃុំឌិញហ្វា ឱ្យដឹង៖ “កាលពីនៅក្មេង ខ្ញុំគ្មានឱកាសចូលរួមសកម្មភាពវប្បធម៌ ដូច្នេះខ្ញុំសោកស្តាយណាស់ ឥឡូវជីវភាពគ្រួសារបានលំនឹង ខ្ញុំលើកទឹកចិត្តឱ្យកូនប្រុសចូលរួម ក៏ដូចជាឧបត្ថម្ភថវិកានិងឌុបកូនទៅសម្ដែងជាដើម”៕
ហាថាញ - បកប្រែ៖ សុផន
-
ទិដ្ឋភាពពុទ្ធបរិស័ទអញ្ជើញចូលរួមពិធីកាន់បិណ្ឌទី១ នៅវត្តមុនីរង្សី
- សាលាបឋមសិក្សាផាងវ៉ាំងណាំ ចាត់តាំងយ៉ាងអធិកអធមនូវកម្មវិធី "រាត្រីបុណ្យសែនព្រះខែ" ជូនដល់សិស្សានុសិស្ស
- សារមន្ទីរខ្នាតតូចកណ្ដាលបរិវេណវត្តខ្មែរ
- សោភណភាពវត្តតារ៉ម - កេរដំណេលប្រវត្តិសាស្ត្រថ្នាក់ខេត្ត
- ហ្វឹកហាត់ការងារកសាងជីវភាពវប្បធម៌មូលដ្ឋានឱ្យកម្មាភិបាលដឹកនាំ អ្នករដ្ឋការទទួលបន្ទុកវិស័យវប្បធម៌ឃុំ សង្កាត់ ១៣០ នាក់
- វត្តសេរីកណ្ដាលកន្លែងអភិរក្សបេតិកភណ្ឌ
- ធ្វឹងហ្វា ជំរុញសក្តានុភាពទេសចរណ៍ភ្ជាប់ជាមួយវប្បធម៌ខ្មែរ
- ភូមិរបរត្បាញបន្ទោះប្រពៃណីរបស់ជនរួមជាតិខ្មែរនៅដាយអាង
- បើកកម្មវិធីដោះដូរវប្បធម៌ - ពាណិជ្ជកម្មវៀតណាម - ជប៉ុន នៅទីក្រុងកឹងធើ ឆ្នាំ ២០២៦
- សិប្បករឆ្នើម ថាច់សាង៖ អ្នកថែរក្សាព្រលឹងសិល្បៈរបាំបុរាណខ្មែរ
-
សោភណភាពវត្តតារ៉ម - កេរដំណេលប្រវត្តិសាស្ត្រថ្នាក់ខេត្ត
- ហ្វឹកហាត់ការងារកសាងជីវភាពវប្បធម៌មូលដ្ឋានឱ្យកម្មាភិបាលដឹកនាំ អ្នករដ្ឋការទទួលបន្ទុកវិស័យវប្បធម៌ឃុំ សង្កាត់ ១៣០ នាក់
- សារមន្ទីរខ្នាតតូចកណ្ដាលបរិវេណវត្តខ្មែរ
- សាលាបឋមសិក្សាផាងវ៉ាំងណាំ ចាត់តាំងយ៉ាងអធិកអធមនូវកម្មវិធី "រាត្រីបុណ្យសែនព្រះខែ" ជូនដល់សិស្សានុសិស្ស
- ពិធីបើកសប្តាហ៍ម្ហូបអាហារទីក្រុងកឹងធើ ឆ្នាំ២០២៦ និងប្រកាសដាក់ឱ្យប្រើប្រាស់ប្រព័ន្ធទេសចរណ៍ឆ្លាតវៃទីក្រុងកឹងធើ
- វត្តសេរីកណ្ដាលកន្លែងអភិរក្សបេតិកភណ្ឌ
- ត្រៀមលក្ខណៈរួចរាល់សម្រាប់រដូវកាលប្រណាំងទូក ង
- កសាងនិងពង្រីកតម្លៃ បទដ្ឋានមនុស្សកឹងធើក្នុងសម័យកាលថ្មី
- រក្សាវប្បធម៌ខ្មែរតាមរយៈរបាំឆៃយ៉ាំនិងយក្ស
- ពិធីប្រណាំងគោនៅវត្តរោទ៍-លក្ខណៈវប្បធម៌ខ្មែរដ៏ល្អនៅតំបន់បៃណូយ
