ធានាសុវត្ថិភាពចរាចរណ៍ផ្លូវទឹក
ថ្មីៗនេះ ដោយសារឥទ្ធិពលនៃព្យុះ ភ្លៀងធំ រួមជាមួយនឹងខ្យល់ខ្លាំង បានបង្កផលប៉ះពាល់ដល់សកម្មភាពពាណិជ្ជកម្មនិងការធ្វើដំណើររបស់ប្រជាជន សំខាន់គឺចរាចរណ៍ផ្លូវទឹក។ ផ្ដើមពីនោះ នគរបាលខេត្តកាម៉ាវ បានផ្សព្វផ្សាយព្រមៗគ្នានូវវិធានការដើម្បីរួមចំណែកបន្ថយហានិភ័យគ្រោះថ្នាក់ចរាចរណ៍ផ្លូវទឹកឱ្យនៅកម្រិតទាបបំផុត។
ដើរល្បាត ត្រួតពិនិត្យ ដើម្បីរកឃើញនិងវិនិច្ឆ័យយ៉ាងម៉ឺងម៉ាត់នូវករណីល្មើសច្បាប់។
វរសេនីយ៍ឯកបម្រុង ប៉ុយទ្រុងកៀង ប្រធានការិយាល័យប៉ូលីសចរាចរណ៍ នគរបាលខេត្តកាម៉ាវ ឱ្យដឹង៖ “បច្ចុប្បន្ន ប៉ូលិសចរាចរណ៍ បានសហការជាមួយនឹងសាខានាយកដ្ឋានចរាចរណ៍ផ្លូវទឹកក្នុងតំបន់ និងសាខានាយកដ្ឋានត្រួត ពិនិត្យលក្ខណៈបច្ចេកទេសខេត្ត ផ្សព្វផ្សាយអនុវត្តព្រមៗគ្នាវិធានការដែលមានប្រសិទ្ធភាពក្នុងការធានាសណ្តាប់ធ្នាប់ និងសុវត្ថិភាពចរាចរណ៍ផ្លូវទឹក។ ក្នុងនោះ ផ្តោតលើការអនុវត្តភារកិច្ចសំខាន់ពីរ គឺជំរុញការផ្សព្វផ្សាយ លើកកម្ពស់ការយល់ដឹងរបស់ប្រជាជន និងបង្កើនការត្រួតពិនិត្យ វិនិច្ឆ័យយ៉ាងម៉ឺងម៉ាត់នូវមធ្យោបាយដឹកលើសទម្ងន់កំណត់ គ្មានសញ្ញាបត្រ គ្មានវិញ្ញាបនបត្រវិជ្ជាជីវៈ កំពង់ចម្លងមិនស្របច្បាប់ និងមិនធានាសុវត្ថិភាពតាមសេចក្ដីកំណត់ក្នុងពេលដឹកអ្នកដំណើរ”។
មកដល់ពេលនេះ កងកម្លាំងនគរបាលចរាចរណ៍ បានចាត់តាំងដើរល្បាតលើផ្លូវទឹកជាង៣០០លើក រកឃើញនិងពិន័យរដ្ឋបាល២១៩ ករណី។ ចាត់តាំងឃោសនា ណែនាំបំណិនចូលរួមចរាចរណ៍ផ្លូវទឹកចំនួន២០លើក ដោយមានប្រជាជនចូលរួមជាង១.៥០០លើកនាក់ និងចែកខិត្តប័ណ្ណផ្សព្វផ្សាយច្បាប់ស្តីពីសុវត្ថិភាពចរាចរណ៍ផ្លូវទឹកជាង២.០០០សន្លឹក។
បងស្រី ឡេធីប៊ិក ម្ចាស់ទូកចម្លងនៅឃុំហ្វាប៊ិញ ខេត្តកាម៉ាវ ឱ្យដឹង៖ “អាស្រ័យបងៗប៉ូលិសចរាចរណ៍ចុះមកត្រួតពិនិត្យនិងក្រើនរំលឹកជារឿយៗ ដូច្នេះខ្ញុំបានម្ចាស់ការបំពាក់ឧបករណ៍សុវត្ថិភាពដល់អ្នកដំណើរ មានដូច អាវពោង ឧបករណ៍បណ្តែតដំឡើងភ្លើងសញ្ញា បន្ទះទ្រាប់ ការពារការប៉ះទង្គិចនិងបង្គោលសម្រាប់ចងមធ្យោបាយចូលចត។ ទន្ទឹមនឹងនោះ ណែនាំសិស្សានុសិស្សពាក់អាវពោងពេលធ្វើដំណើរតាមទូក-ដ ដើម្បីធានាសុវត្ថិភាព” ។
ព្រមជាមួយនោះ កងកម្លាំងសមត្ថកិច្ចក៏បានត្រួតពិនិត្យ ជួយសម្រួលនិងជូនដំណឹងដល់អ្នកបើកបរមធ្យោបាយក្ដាប់ច្បាស់និងម្ចាស់ការនៅពេលបើកបរឆ្លងកាត់តំបន់ដែលមានខ្សែទឹកកួចគ្រោះថ្នាក់ ក៏ដូចជាតាមដងព្រែកដែលមានហានិភ័យអាចបង្កគ្រោះថ្នាក់ផ្សេងៗ។ ពិនិត្យនិងបង្ខំឱ្យធ្វើការរុះរើនេសាទឧបករណ៍ដែលប្រជាជនដាក់តាមព្រែកបង្ករាំងស្ទះចរាចរណ៍។ ណែនាំដល់ម្ចាស់កំពង់ចម្លង និងម្ចាស់ទូកចម្លងឱ្យដំឡើងភ្លើងសញ្ញា បន្ទះទ្រាប់ការពារការប៉ះទង្គិច និងបង្គោលសម្រាប់ចងមធ្យោបាយចូលចត។ បង្កើនការត្រួតពិនិត្យឧបករណ៍សង្គ្រោះជីវិត សញ្ញាបត្រ វិញ្ញាបនបត្រវិជ្ជាជីវៈរបស់ម្ចាស់ទូក-ដ វិញ្ញាបនបត្រសុវត្ថិភាពបច្ចេកទេស និងការពារបរិស្ថាននៃមធ្យោបាយនានាស្របតាមសេចក្ដីកំណត់នៃច្បាប់។
វរសេនីយ៍ទោ ត្រឹងមិញវៀត ប្រធានប៉ុស្ដិ៍ប៉ូលិសចរាចរណ៍ផ្លូវទឹកនិញក្វើយ ឱ្យដឹង៖ “ដើម្បីបន្ថយគ្រោះថ្នាក់ចរាចរណ៍ឱ្យនៅកម្រិតទាបបំផុត ប៉ុស្ដិ៍បន្តការយាមល្បាត ត្រួតពិនិត្យតាមកាលកំណត់ និងដោយចៃដន្យដើម្បីប្រទះឃើញនិងវិនិច្ឆ័យយ៉ាងម៉ឺងម៉ាត់ការល្មើសសុវត្ថិភាពចរាចរណ៍ផ្លូវទឹក។ យើងខ្ញុំក្រើនរំលឹកប្រជាជន គប្បីធានារាល់កត្តាសុវត្ថិភាពនៅពេលចូលរួមចរាចរណ៍ផ្លូវទឹក នោះក៏ជាវិធានការដ៏មានប្រសិទ្ធភាពបំផុត ដើម្បីការពារឧបទ្ទវហេតុដែលកើតមាន”៕
យ្វីអាញនិងទ្រុងង្វៀង-បកប្រែ៖ ថាច់ធី
-
គណៈបញ្ជាការកងទ័ពការពារព្រំដែនទីក្រុងកឹងធើបំផុសចលនាប្រឡងប្រណាំងប្តេជ្ញាឈ្នះឆ្នាំ២០២
- ភាពកក់ក្ដៅមនោសញ្ចេតនារវាងកងទ័ពនិងប្រជាជន
- ទម្រង់ផ្សព្វផ្សាយអប់រំកែប្រែមុខសញ្ញានៅមូលដ្ឋានសាសនា
- ឃោសនារក្សារឹងមាំសណ្តាប់ធ្នាប់សុវត្ថិភាពចរាចរមុន ក្នុងនិងក្រោយមហាសន្និបាតទូទាំងប្រទេសលើកទី XIV របស់បក្ស
- បិទវគ្គបំប៉នភាសាខ្មែរដល់កម្មាភិបាល យុទ្ធជនការពារព្រំដែនចំនួន២០នាក់
- ប្រកាសសេចក្តីសម្រេចស្តីពីការរួមបញ្ចូលសមាគមអតីតនគរបាលប្រជាជន
- នាវាប៉ូលិសសមុទ្រចេញល្បាតក្នុងឱកាសបុណ្យចូលឆ្នាំវៀតណាម ប៊ិញ ង៉ ឆ្នាំ២០២៦
- អនុវត្តប្តូរផ្តាច់ ព្រមៗគ្នានូវវិធានការកសាង "ឃុំ សង្កាត់គ្មានគ្រឿងញៀន"
- កាម៉ាវប្រឆាំងការទាញយកផលសមុទ្រខុសច្បាប់ IUU
- យុវវ័យការពារព្រំដែនពង្រីកសមត្ថភាពបញ្ញាឈានមុខ ច្នៃប្រតិដ្ឋ ប្តេជ្ញាឈ្នះ
-
គណៈបញ្ជាការកងទ័ពការពារព្រំដែនទីក្រុងកឹងធើ ជូនអំណោយ១០០ចំណែកដល់គ្រួសារក្រីក្រនៅតំបន់ព្រំដែនសមុទ្រ
- យុវវ័យការពារព្រំដែនពង្រីកសមត្ថភាពបញ្ញាឈានមុខ ច្នៃប្រតិដ្ឋ ប្តេជ្ញាឈ្នះ
- បិទវគ្គបំប៉នភាសាខ្មែរដល់កម្មាភិបាល យុទ្ធជនការពារព្រំដែនចំនួន២០នាក់
- កាម៉ាវប្រឆាំងការទាញយកផលសមុទ្រខុសច្បាប់ IUU
- ប្រកាសសេចក្តីសម្រេចស្តីពីការរួមបញ្ចូលសមាគមអតីតនគរបាលប្រជាជន
- អនុវត្តប្តូរផ្តាច់ ព្រមៗគ្នានូវវិធានការកសាង "ឃុំ សង្កាត់គ្មានគ្រឿងញៀន"
- នាវាប៉ូលិសសមុទ្រចេញល្បាតក្នុងឱកាសបុណ្យចូលឆ្នាំវៀតណាម ប៊ិញ ង៉ ឆ្នាំ២០២៦
- ឃោសនារក្សារឹងមាំសណ្តាប់ធ្នាប់សុវត្ថិភាពចរាចរមុន ក្នុងនិងក្រោយមហាសន្និបាតទូទាំងប្រទេសលើកទី XIV របស់បក្ស
- ភាពកក់ក្ដៅមនោសញ្ចេតនារវាងកងទ័ពនិងប្រជាជន
- ទម្រង់ផ្សព្វផ្សាយអប់រំកែប្រែមុខសញ្ញានៅមូលដ្ឋានសាសនា
