សន្តិសុខ - ការពារប្រទេស ការពារប្រទេស

26/02/2026 - 07:19

រីកសាយភាយមនោសញ្ចេតនាកងទ័ពនិងប្រជាជន

សកម្មភាពបុណ្យចូលឆ្នាំកងទ័ពនិងប្រជាជន ឆ្នាំ២០២៦ បានចាត់តាំងឡើងនៅឃុំថើយប៊ិញ ខេត្តកាម៉ាវកន្លងហើយ កងកម្លាំងនគរបាលខេត្តកាម៉ាវ បានបន្សល់នូវចំណាប់អារម្មណ៍ដ៏ជ្រាលជ្រៅក្នុងទឹកចិត្តប្រជាជន។ កងកម្លាំងនគរបាល មិនត្រឹមតែធ្វើបានល្អនូវភារកិច្ចរក្សាសន្តិសុខ សណ្តាប់ធ្នាប់នៅលើភូមិឋានប៉ុណ្ណោះទេ ថែមទាំងចូលរួមយ៉ាងសកម្មក្នុងសកម្មភាពសុខុមាលភាពសង្គម រួមចំណែកនាំមកនិទាឃរដូវដ៏កក់ក្តៅ មានអត្ថន័យត្រឹមត្រូវតាមស្មារតី “នគរបាលប្រជាជនដើម្បីប្រជាជនធ្វើការបម្រើ”។

នគរបាលខេត្តកាម៉ាវ ជូនអំណោយដល់កងកម្លាំងចូលរួមរក្សាសន្តិសុខសណ្តាប់ធ្នាប់នៅមូលដ្ឋាន។

ចំណុចលេចធ្លោក្នុងសកម្មភាពបុណ្យចូល ឆ្នាំកងទ័ពនិងប្រជាជន នគរបាលខេត្តកាម៉ាវ បានជូនអំណោយចំនួន ៤០ ចំណែកដល់អ្នកមានប្រិយភាពក្នុងជនរួមជាតិខ្មែរក្នុងឱកាសបុណ្យចូលឆ្នាំវៀតណាម និងកងកម្លាំងចូល រួមរក្សាសន្តិសុខសណ្តាប់ធ្នាប់នៅមូលដ្ឋានមានស្ថានភាពលំបាក គិតជាទឹកប្រាក់សរុប ៤០ លានដុង។ អំណោយបានជូនដោយផ្ទាល់ដៃមិនត្រឹមតែមានអត្ថន័យឧបត្ថម្ភផ្នែកសម្ភារៈប៉ុណ្ណោះទេ ថែមទាំងបង្ហាញពីការយកចិត្តទុកដាក់ ដឹងគុណ និងចែករំលែកបន្ទុករបស់កងកម្លាំងនគរបាលចំពោះប្រជាជន និងអ្នកដែលកំពុងរួមកម្លាំងរក្សាភាពសុខសាន្តនៅមូលដ្ឋានទាំងយប់ទាំងថ្ងៃទៀតផង។ លោកគឹមឡុងហាយ នៅភូមិ ៤ ឃុំថើយប៊ិញ ឱ្យដឹង៖ “បានទទួលអំណោយរបស់នគរបាលខេត្តក្នុងឱកាសបុណ្យចូលឆ្នាំ ខ្ញុំមានអារម្មណ៍រីករាយនិងកក់ក្តៅណាស់។ នេះមិនត្រឹមតែជាការឧបត្ថម្ភផ្នែកសម្ភារៈប៉ុណ្ណោះទេ នៅទាំងជាការលើកទឹកចិត្តដ៏ធំធេង ជួយឱ្យខ្ញុំមានកម្លាំងចិត្ត និងការទទួលខុសត្រូវបន្ថែមទៀតក្នុងការរក្សាសន្តិសុខសណ្តាប់ធ្នាប់នៅមូលដ្ឋាន”។

ទន្ទឹមនឹងនេះ នគរបាលខេត្តកាម៉ាវ នៅទាំងសហការចាត់តាំងពិនិត្យជំងឺ ពិគ្រោះសុខភាព ជូនឱសថដោយឥតគិតថ្លៃនិងជូនអំណោយ គ្រឿងឧបភោគបរិភោគ; សង់ផ្ទះជូនប្រជាជន អនាម័យ បរិស្ថាន កាប់ឆ្ការគុម្ពោតព្រៃស៊ុមទ្រុម សម្អាតដងផ្លូវជនបទ និងចូលរួមកសាងបរិស្ថានភ្ល - បៃតង - ជ្រះ - ស្អាត។ល។ ទង្វើជាក់ស្តែងប្រកបដោយមនុស្សធម៌នេះ បានរួមចំណែកធ្វើឱ្យសាយភាយ រូបភាពល្អរបស់យុទ្ធជននគរបាលប្រជាជនក្នុងទឹកចិត្តប្រជាជននៅតំបន់ជនបទ។ លោកតូត្វឹងអាញ នៅភូមិ ១៣ ឃុំថើយប៊ិញ ឱ្យដឹង៖ “បើគ្មានការយកចិត្តទុកដាក់និងជំនួយរបស់កម្លាំងនគរបាលខេត្ត និងរដ្ឋអំណាចភូមិភាគទេ ប្រហែលជាគ្រួសារខ្ញុំនៅលំបាកនឹងគ្មានផ្ទះរឹងមាំដូចសព្វថ្ងៃនេះទេ។ នេះជាអំណោយបុណ្យចូលឆ្នាំដ៏ធំ ជួយឱ្យគ្រួសារខ្ញុំស្ងប់ចិត្តពលកម្មផលិត លំនឹងជីវភាព មានផ្ទះថ្មីទទួលអំណរបុណ្យចូលឆ្នាំយ៉ាងសប្បាយរីករាយនិងសុភមង្គល”។

នគរបាលខេត្តកាម៉ាវ ជូនអំណោយដល់គ្រួសារក្រីក្រ។

ជាមួយនឹងស្មារតីទទួលខុសត្រូវខ្ពស់ អស់ពីចិត្តព៏ថ្លើមនិងតាមទិសស្លោក “ជិតប្រជាជន កៀកប្រជាជន” “ដើម្បីប្រជាជនធ្វើការបម្រើ” កងកម្លាំង នគរបាលខេត្តកាម៉ាវ បាននិងកំពុងបញ្ចេញកម្លាំងរៀងរាល់ថ្ងៃ ចាប់ពីការរក្សាសន្តិសុខ សណ្តាប់ធ្នាប់ រហូតដល់ការគិតគូរជីវភាពសម្ភារៈនិងស្មារតីដល់ប្រជាជន។ រាល់ទង្វើសុទ្ធសឹងរួមចំណែកដល់ការពូនជ្រំទំនុកចិត្ត រឹតបន្តឹងជាងទៀតនូវចំណងទំនាក់ទំនងផ្សារភ្ជាប់សាច់ឈាមរវាងកងកម្លាំង នគរបាលនិងប្រជាជនចាប់ពីថ្នាក់មូលដ្ឋាន បន្សល់ក្នុងទឹកចិត្តប្រជាជននៅចុងប៉ូចខាងត្បូងនៃមាតុ ភូមិនិទាឃរដូវប្រកបដោយភាពសុខដុមកក់ក្តៅនិងដិតដាមដោយមនោសញ្ចេតនាកងទ័ពនិងប្រជាជន៕

យ្វីអាញ -វិមាន

ចែករំលែកអត្ថបទ

ពាក្យគន្លឹះ