រសៀលថ្ងៃទី១៨ ខែវិច្ឆិកា ប៉ុស្តិ៍ការពារព្រំដែនអាងថាញ់បា គណៈបញ្ជាការកងទ័ពការពារព្រំដែនទីក្រុងកឹងធើ បានចាត់តាំងកិច្ចប្រជុំបូកសរុបការងារការពារព្រំដែននិងកសាងកងកម្លាំង ឆ្នាំ២០២៦។

វរសេនីយ៍ឯកបម្រុង ង្វៀងថាញដឹង បញ្ជាការរង សេនាធិការនៃកងទ័ពការពារព្រំដែនទីក្រុង ជូនកិត្តិនាមយុទ្ធជនជឿនលឿនដល់បុគ្គលដែលសម្រេចបានស្នាដៃលេចធ្លោក្នុងការអនុវត្តចលនាប្រឡងប្រណាំងប្តេជ្ញាឈ្នះ ឆ្នាំ២០២៦។
បានប្រគល់ភារកិច្ចគ្រប់គ្រង ការពារឆ្នេរសមុទ្រប្រវែង ១៣ គីឡូម៉ែត្រ ស្ថិតនៅតំបន់ព្រំដែនសមុទ្រឃុំកូវឡាវយុង ឆ្នាំ២០២៦ គណៈកម្មាធិការបក្ស គណៈបញ្ជាការប៉ុស្តិ៍ការពារព្រំដែនអាងថាញ់បា បានដឹកនាំ ចង្អុលការអនុវត្តព្រមៗគ្នា មានប្រសិទ្ធភាពវិធានការការពារព្រំដែន។ អង្គភាពបានសហការជិតស្និទ្ធជាមួយគណៈកម្មាធិការបក្សគ្រប់លំដាប់ថ្នាក់ រដ្ឋអំណាចភូមិភាគនិងកងកម្លាំងសមត្ថកិច្ចក្តោបក្តាប់ស្ថានភាពលើភូមិឋាន រក្សារឹងមាំសន្តិសុខនយោបាយ សណ្តាប់ធ្នាប់ សុវត្ថិភាពសង្គមនិងការពាររឹងមាំអធិបតេយ្យភាព សន្តិសុខព្រំដែនជាតិ។
នៅក្នុងឆ្នាំ អង្គភាពចាត់តាំងការដើរល្បាតនិងត្រួតពិនិត្យបាន ១៩៣ លើក ដោយមានកម្មាភិបាល យុទ្ធជនចូលរួម ៨៩៨ លើកនាក់ ត្រួតពិនិត្យមធ្យោបាយ ៨ គ្រឿង មាននាវិក ៣៣ លើកនាក់ អនុវត្តការដើរល្បាតនៅតាមកំពង់ចម្លង ទូកចម្លងចំនួន ១៧ លើក។ តាមរយៈការងារប្រយុទ្ធប្រឆាំងបទល្មើស កងកម្លាំងការពារព្រំដែនបានប្រទះឃើញ ចាត់វិធានការមុខសញ្ញាស្តុកទុកគ្រឿងញៀនខុសច្បាប់១ករណី ដកហូតសារធាតុ Methamphetamine ចំនួន០,៥១៦៨ក្រាម ប្រគល់ជូនស្ថាប័នសមត្ថកិច្ចស៊ើបអង្កេតតាមដែនសមត្ថកិច្ច ព្រមទាំងកសាងសំណុំឯកសារពិន័យរដ្ឋបាល ៧ ករណី មានមុខសញ្ញា១៥នាក់ ប្រមូលបង់ថវិការដ្ឋចំនួន ៥៨,៥លានដុង។
ទន្ទឹមនឹងភារកិច្ចការពារព្រំដែន ការងារប្រជាចលនានិងសុខុមាលភាពសង្គមក៏បានអង្គភាពយកចិត្តទុកដាក់អនុវត្តមានប្រសិទ្ធភាព រួមចំណែកពង្រឹងផែនមហាសាមគ្គីទូទាំងជនជាតិ។ អង្គភាពក៏បានចាត់តាំងជោគជ័យ "និទាឃរដូវការពារព្រំដែនកក់ក្តៅទឹកចិត្តអ្នកភូមិ" ឆ្នាំ២០២៦ សម្ពោធស្តូប"អ៊ំហូជាមួយយុទ្ធជនការពារព្រំដែន" ជូនអំណោយ ១០០ ចំណែក អាហារូបករណ៍ ២០ ចំណែក នំអន្សំជ្រូក ២០០ នំ ដាក់ឱ្យប្រើប្រាស់សំណង់ស្ពានបេតុង កសាងអស់ទឹកប្រាក់ ៣៥០ លានដុង ប្រព័ន្ធចម្រោះទឹកតម្លៃ ១៥០ លានដុង ដើម្បីបម្រើជីវភាពប្រជាជន។ នាឱកាស "ទិវាការពារព្រំដែនទូទាំងប្រជាជន" អង្គភាពបានសហការជូនអាហារូបករណ៍ ១០ ចំណែកដល់សិស្សក្រីក្រ និងអំណោយ ២០ ចំណែកដល់អ្នកនេសាទ រក្សាប្រសិទ្ធភាពចលនា"ថ្ងៃសៅរ៍ស្ម័គ្រចិត្ត","ថ្ងៃអាទិត្យបៃតង","រួមសម្អាតសមុទ្រ" ភ្ជាប់នឹងការឃោសនា ចលនាប្រជាជនគោរពអនុវត្តល្អតាមគោលការណ៍របស់បក្ស គោលនយោបាយនិងច្បាប់របស់រដ្ឋ។

ទិដ្ឋភាពនៃកិច្ចប្រជុំ។
ថ្លែងចង្អុលការកិច្ចប្រជុំ លោកវរសេនីយ៍ឯកបម្រុង ង្វៀងថាញដឹង បញ្ជាការរង នាយសេនាធិការកងទ័ពការពារព្រំដែនទីក្រុង បានកត់សម្គាល់និងស្ងើចសរសើរចំពោះស្នាដៃសម្រេចបានរបស់អង្គភាព ព្រមទាំងសំណូមពរនាពេលខាងមុខ ប៉ុស្តិ៍ការពារព្រំដែនអាងថាញ់បាបន្តរក្សាម៉ឺងម៉ាត់របបប្រចាំការត្រៀមប្រយុទ្ធ លើកកម្ពស់គុណភាពហ្វឹកហាត់ កសាងរបៀបរៀបរយ លត់ដំវិន័យនិងអនុវត្តល្អការងារអប់រំនយោបាយសតិអារម្មណ៍។ អង្គភាពគប្បីម្ចាស់ការក្តាប់ច្បាស់ស្ថានភាព បង្កើនការដើរល្បាត ត្រួតពិនិត្យ ប្រយុទ្ធប្តូរផ្តាច់នឹងបទល្មើសគ្រប់ប្រភេទ មិនទុកឱ្យបាត់ភាពម្ចាស់ការ ចៃដន្យនៅរាល់សភាពការណ៍។
ក្នុងឱកាសនេះដែរ ប៉ុស្តិ៍ការពារព្រំដែនអាងថាញ់បា ក៏បានជូនកិត្តិនាម"អង្គភាពជឿនលឿន"ដល់សមូហភាពចំនួន២និងកិត្តិនាម"យុទ្ធជនជឿនលឿន"ដល់បុគ្គល៩នាក់ ដែលសម្រេចបានស្នាដៃឆ្នើមក្នុងចលនាប្រឡងប្រណាំងប្តេជ្ញាឈ្នះ ឆ្នាំ២០២៦៕
យ្វីអាញ-មុនី