18/11/2026 - 11:34

ក្រុម​សិល្បៈ​រស្មី​ប្រទីប​ត្រៀម​ជា​ស្រេច​បម្រើ​ក្នុង​ពិ​ធី​បុណ្យ​ 

ឆ្ពោះ​ដល់​ទិវា​វប្ប​ធម៌​វៀត​ណាម​និង​ពិ​ធី​បុណ្យ​អក​អំ​បុក​ឆ្នាំ​ ២០២៦ ក្រុម​សិល្បៈ​រស្មី​ប្រទីប​ខេត្ត​វិញ​ឡុង​ បាន​ផ្តុំ​កម្លាំង​ហាត់​សម​ឈុត​ឆាក​ចម្រៀង​ របាំ​ សហ​ការស​ម្តែង​ឡើង​វិញ​នូវ​ពិ​ធី​សែន​ព្រះ​ខែ​ និង​ប្រ​គំ​ភ្លេង​ពិ​ណ​ពាទ្យ​ រួម​ចំ​ណែក​ឧទ្ទេស​នាម​លក្ខ​ណៈវប្ប​ធម៌​ខ្មែរ​ដ៏​ពិ​សេស​ទៅ​កាន់​ប្រ​ជា​ជន​និង​ភ្ញៀវ​ទេស​ចរ​។

សិល្ប​ករ​ -សី​ល្បការិនី​ហាត់​សម​ត្រៀម​សម្តែង​បម្រើ​ក្នុង​ពិ​ធី​បុណ្យ​អក​អំ​បុក​។

ក្រុម​សិល្បៈ​រស្មី​ប្រទីប​ គឺ​ជា​អង្គ​ភាព​បុព្វ​ហេ​តុ​រដ្ឋ​ ចំ​ណុះ​មន្ទីរ​វប្ប​ធម៌​ កី​ឡា​ និង​ទេស​ចរណ៍​ខេត្ត​វិញ​ឡុង​ ដែល​សម្តែង​សិល្បៈ​របាំ​ ចម្រៀង​តន្ត្រី​ចម្រុះ​ និង​ល្ខោន​យូកេរ​។ បច្ចុប្បន្ន​ ក្រុម​មាន​បុគ្គលិក​ចំ​នួន​ ៤២ នាក់​។ ទន្ទឹម​នឹង​សកម្ម​ភាព​ជា​ប្រ​ចាំ​ សមូហ​ភាព​កម្មា​ភិបាល​ សិល្ប​ករ​ - សី​ល្បការិនី​និង​តន្ត្រី​ករ​ ផ្តុំ​កម្លាំង​ត្រៀម​រៀប​ចំ​កម្ម​វិធី​បម្រើ​ពិ​ធី​បុណ្យ​ ធា​នា​ដំ​ណើរ​ការ​ការ​ងារ​ដែល​បាន​ប្រ​គល់​ជូន​។

លោក​ ត្រឹង​វ៉ា​ន់ដាយ​ ប្រ​ធាន​ការិយា​ល័យ​រដ្ឋ​បាល​នៃ​ក្រុម​សិល្បៈ​រស្មី​ប្រទីប​ បាន​ឱ្យ​ដឹង​ អនុ​វត្ត​តាម​ផែន​ការ​ និង​សាច់​រឿង​កម្ម​វិធី​នៃ​ពិ​ធី​បុណ្យ​ តាម​កិច្ច​ចង្អុល​ការ​របស់​មន្ទីរ​វប្ប​ធម៌​ កី​ឡា​ និង​ទេស​ចរណ៍​ខេត្ត​វិញ​ឡុង​ អង្គ​ភាព​បាន​ចាត់​តន្ត្រី​ករ​ចំ​នួន​ ៩ នាក់​ ប្រ​គំ​ភ្លេង​ពិ​ណ​ពាទ្យ​ ព្រម​ទាំង​ចូល​រួម​សម្តែង​លើ​ឆាក​នៅ​រមណីយ​ដ្ឋាន​គូ​ស្រះ​ស្រី​។ ចំ​ពោះ​កម្ម​វិធី​សិល្បៈ​ ក្រុម​បាន​ហាត់​សម​ឈុត​របាំ​ “ក្អម​” ដែល​មាន​សិល្ប​ករ​-សី​ល្បការិនី​ចំ​នួន​ ១០ នាក់​ សម្តែង​បម្រើ​ឱ្យ​ការ​បើក​ឆាក​ ក្រៅ​កម្ម​វិធី​ទូរ​ទស្សន៍​ផ្សាយ​ផ្ទាល់​; និង​ឈុត​របាំ​ “គោះ​ត្រ​ឡោក​” ដែល​មាន​សិល្ប​ករ​-សី​ល្បការិនី​ ១៤ នាក់​ចូល​រួម​ បម្រើ​ឱ្យ​ការស​ម្តែង​បើក​ឆាក​ក្នុង​កម្ម​វិធី​ផ្សាយ​តា​មរ​លក​ធា​តុ​អា​កាស​។ សិល្ប​ករ​-សី​ល្បការិនី​ បាន​សហ​ការ​ជា​មួយ​តន្ត្រី​ករ​ដើម្បី​ហាត់​សម​ កែ​លម្អ​កាយ​វិការ​ ទម្រង់​ជួរ​ និង​ការ​រួម​បញ្ចូល​គ្នា​រវាង​តន្ត្រី​នឹង​ការស​ម្តែង​។  ពិ​សេស​ ក្រុម​បាន​សហ​ការ​ជា​មួយ​អ្នក​និពន្ធ​ ថា​ច់មុនី​ ដើម្បី​រៀប​ចំ​កម្ម​វិធី​សម្តែង​ឡើង​វិញ​នូវ​ពិ​ធី​សែន​ព្រះ​ខែ​ ដែល​មាន​រយៈ​ពេល​ ៣០ នា​ទី​។ អង្គ​ភាព​បាន​សហ​ការ​ជ្រើស​រើស​បទ​ចម្រៀង​ និង​ហាត់​សម​ឈុត​រាំ​ច្រៀង​រួម​គ្នា​ជា​សហ​គម​ន៍ បម្រើ​ក្នុង​រា​ត្រី​ថ្ងៃ​ ២៣ ខែ​វិច្ឆិកា ផង​ដែរ​។ ការ​ងារ​ទាំង​អស់​នេះ​បាន​ផ្សព្វ​ផ្សាយ​តាម​តម្រូវ​ការ​នៃ​កម្ម​វិធី​ រួម​ចំ​ណែក​បង្ហាញ​ពី​លក្ខ​ណៈវប្ប​ធម៌​ប្រ​ពៃ​ណី​ក្នុង​ពិ​ធី​បុណ្យ​អក​អំ​បុក​របស់​ជន​រួម​ជាតិ​ខ្មែរ​។

សិល្ប​ករ​ -សី​ល្បការិនី​ហាត់​សម​កម្ម​វិធី​សម្តែង​ឡើង​វិញ​នូវ​ពិ​ធី​សែន​ព្រះ​ខែ​  ត្រៀម​សម្តែង​ក្នុង​ពិ​ធី​បុណ្យ​អក​អំ​បុក​។

តាម​ប្រ​សាសន៍​លោក​ ត្រឹង​វ៉ា​ន់ដាយ​ ក្នុង​រយៈ​ពេល​ ៩ ខែ​ដើម​ឆ្នាំ​ ២០២៦ ក្រុម​សិល្បៈ​រស្មី​ប្រទីប​បាន​សម្តែង​ចំ​នួន​ ៦០ លើក​  សម្រេច​ជា​ស្ថាពរ​តាម​ផែន​ការ​ប្រ​ចាំ​ឆ្នាំ​ ទាក់​ទាញ​ទស្សនិកជន​ចូល​រួម​យ៉ាង​កុះ​ករ​។  អង្គ​ភាព​ក៏​បាន​ចាត់​តាំង​ការស​ម្តែង​បម្រើ​ភារ​កិច្ច​នយោ​បាយ​ចំ​នួន​ ១៤ លើក​ ដោយ​ទាក់​ទាញ​ទស្សនិកជន​បាន​ ៨.៧៥០ នាក់​; ក្រុម​បាន​សហ​ការ​ជា​មួយ​ VTV៥ តី​ណាម​បូ​ ថត​រឿង​ល្ខោន​យូកេរ​ចំ​នួន​ ៣ រឿង​ រួម​មាន​៖ “នាង​ពៅ​ម្លិះ​លា​” “ល្បែង​អបាយ​មុខ​ - ជង្រុក​ហិន​ហោច​” និង​ “វិសិទ្ធិ​វង្ស​”; ព្រម​ទាំង​បាន​ចង​ក្រង​សាច់​រឿង​ល្ខោន​យូកេរ​ ២ រឿង​ទៀត​គឺ​៖ “ចន្ទ​ទេ​វី​ភក្តី​ស្នេហ៍​” និង​ “នាង​សុវណ្ណ​បញ្ចា​”។ ក្រៅ​ពី​នេះ​ សមូហ​ភាព​កម្មា​ភិបាល​ សិល្ប​ករ​ - សី​ល្បការិនី​ និង​តន្ត្រី​ករ​ ថែម​ទាំង​បន្ត​ហាត់​សម​ និង​សម្រិត​សម្រាំង​ឈុត​ឆាក​សម្តែង​ផ្សេង​ៗ ត្រៀម​ជា​ស្រេច​សម្តែង​បម្រើ​ប្រ​ជា​ជន​ក្នុង​ពិ​ធី​បុណ្យ​។ តាម​រយៈ​កម្ម​វិធី​ដែល​ប្រ​កប​ដោយ​លក្ខ​ណៈអត្ត​សញ្ញា​ណ​ខ្មែរ​ ក្រុម​សិល្បៈ​រស្មី​ប្រទីប​បាន​រួម​ចំ​ណែក​អភិ​រក្ស​សិល្បៈ​ប្រ​ពៃ​ណី​ ឆ្លើយ​តប​នឹង​តម្រូវ​ការ​កម្សាន្ត​របស់​មហា​ជន​ និង​បង្ក​ចំ​ណុច​លេច​ធ្លោ​បន្ថែម​ទៀត​ផ្នែក​វប្ប​ធម៌​សម្រាប់​ពិ​ធី​បុណ្យ​អក​អំ​បុក​ឆ្នាំ​ ២០២៦៕

ទីទុយ​ - លី​សៀ​

ចែករំលែកអត្ថបទ