នៅព្រឹកថ្ងៃទី ១៨ ខែវិច្ឆិកា នៅសារមន្ទីរវប្បធម៌ជនជាតិខ្មែរ (សង្កាត់ង្វៀកហ្វា ខេត្តវិញឡុង) គណៈគ្រប់គ្រងសារមន្ទីរ និងកេរដំណែលវិញឡុង បានសហការជាមួយសារមន្ទីរដាក់ឡាក់ បើកពិធីតាំងពិព័រណ៍ក្រោមប្រធានបទ “វប្បធម៌ដាក់ឡាក់ - ឯកភាពក្នុងភាពចម្រុះ”។

តំណាងគណៈ ផ្នែកបានអញ្ជើញចូលរួមក្នុងកម្មវិធីបើកតាំងពិព័រណ៍ក្រោមប្រធានបទ “វប្បធម៌ដាក់ឡាក់ - ឯកភាពក្នុងភាពចម្រុះ”។
នេះជាព្រឹត្តិការណ៍អនុស្សាវរីយ៍នៃទិវាបេតិកភណ្ឌវប្បធម៌វៀតណាម (ថ្ងៃទី ២៣ ខែវិច្ឆិកា) ក្នុងក្របខ័ណ្ឌសប្តាហ៍វប្បធម៌ កីឡានិងទេសចរណ៍ ដើម្បីអំណរទិវាវប្បធម៌វៀតណាម (ថ្ងៃទី ២៤ ខែវិច្ឆិកា) និងបុណ្យអកអំបុក ឆ្នាំ ២០២៦។ អញ្ជើញចូលរួមក្នុងពិធីនេះ មានលោកចូវជីកុង អនុប្រធានគណៈឃោសនាអប់រំនៃគណៈកម្មាធិការបក្សខេត្តវិញឡុង និងព្រះឧបជ្ឈាយ៍ថាច់សុខសាន្ត អនុប្រធានក្រុមប្រឹក្សាភិបាលសមាគមពុទ្ធសាសនាវៀតណាម ប្រធានគណៈអភិបាលសមាគមពុទ្ធសាសនាវៀតណាមខេត្តវិញឡុង ប្រធានសមាគមព្រះសង្ឃសាមគ្គីស្នេហាជាតិខេត្ត។ មួយអន្លើបណ្តាតំណាងមន្ទីរ ផ្នែក និងថ្នាក់ដឹកនាំសារមន្ទីរដាក់ឡាក់ សិប្បករ និងប្រជាជនចូលរួមយ៉ាងកុះករផងដែរ។
តាមប្រសាសន៍លោក ឡេង៉ុកហ្វេ នាយករងសារមន្ទីរដាក់ឡាក់ ប្រធានបទឧទ្ទេសនាមវត្ថុតាំងពិព័រណ៍ចំនួន ៣៨ មុខ រូបថតឯកសារចំនួន ៨១ សន្លឹក និងអត្ថបទចំនួន៨។ តាមរយៈនោះ ភ្ញៀវមកទស្សនាមានឱកាសស្វែងយល់អំពីទំនៀមទម្លាប់ ប្រពៃណី និងលក្ខណៈវប្បធម៌ដែលបានបន្សល់ទុកជាច្រើនជំនាន់នៅក្នុងសហគមន៍ជនជាតិនៅដាក់ឡាក់។ ខ្លឹមសារតាំងពិព័រណ៍ក៏ឆ្លុះបញ្ចាំងពីវប្បធម៌រួមបញ្ចូលគ្នារវាងតំបន់តីង្វៀង និងតំបន់មាត់សមុទ្រ។

សិល្បករ -ការិនីខេត្តដាក់ឡាក់់ សម្តែងរបាំនៅក្នុងពិធីបើកតាំងពិព័រណ៍ក្រោមប្រធានបទ "វប្បធម៌ដាក់ឡាក់ - ឯកភាពក្នុងភាពចម្រុះ" នៅសារមន្ទីរវប្បធម៌ជនជាតិខ្មែរ ខេត្តវិញឡុង។
ថ្លែងក្នុងពិធីបើកតាំងពិព័រណ៍នេះ លោកថាច់បោយ នាយករងមន្ទីរវប្បធម៌ កីឡា និងទេសចរណ៍ខេត្តវិញឡុង ឱ្យដឹង៖ សកម្មភាពនេះបង្កឱកាសដើម្បីភូមិភាគទាំងពីរដោះដូរវប្បធម៌ ហើយសារមន្ទីរចែករំលែកបទពិសោធន៍ទៅវិញទៅមក និងនាំបេតិកភណ្ឌឱ្យកាន់តែជិតដិតមហាជនជាងទៀត។ គាត់សង្ឃឹមថាអង្គការ និងបុគ្គលនឹងបន្តចូលរួមក្នុងការប្រមែប្រមូល និងបរិច្ចាគវត្ថុបុរាណ ឯកសារដល់សារមន្ទីរ ទន្ទឹមនឹងនោះពង្រីកតួនាទីរបស់សិប្បករ និងសហគមន៍ក្នុងការអភិរក្ស បង្ហាត់បង្រៀននូវតម្លៃវប្បធម៌ដល់យុវវ័យជំនាន់ក្រោយ។
តាមប្រសាសន៍លោក ថាច់បោយ បច្ចុប្បន្នខេត្តវិញឡុងមានកេរដំណែលចំនួន ២១៥ បានរៀបចំណាត់ថ្នាក់ រួមមាន៖ កេរដំណែលថ្នាក់ជាតិពិសេសចំនួន ២ កេរដំណែលថ្នាក់ជាតិចំនួន ៤៥ និងកេរដំណែលថ្នាក់ខេត្តចំនួន ១៦៨។ ទូទាំងខេត្តមានបេតិកភណ្ឌចំនួន ១៩ ស្ថិតក្នុងបញ្ជីបេតិកភណ្ឌវប្បធម៌អរូបីថ្នាក់ជាតិ។ គណៈគ្រប់គ្រងសារមន្ទីរ និងកេរដំណែលខេត្តវិញឡុង កំពុងថែរក្សាវត្ថុបុរាណចំនួន ៤៨.២៩៧ មុខ ក្នុងនោះវត្ថុមានតម្លៃថ្នាក់ជាតិចំនួន ៣ មុខ វត្ថុបុរាណចំនួន ៧០១ មុខ និងវត្ថុបុរាណកម្រចំនួន ២៣៣ មុខ៕
ទីទុយ - វិមាន