ព្រឹត្តិការណ៍ - នយោបាយ ព្រឹត្តិការណ៍

28/09/2026 - 22:22

ឃុំត្រឹងដេចាត់តាំងពិនិត្យសុខភាពជម្រើសដំបូងកាតព្វកិច្ចយោធាឆ្នាំ ២០២៧

នាព្រឹកថ្ងៃទី ២៨ ខែកញ្ញា នៅដំណាក់សុខាភិបាលឃុំត្រឹងដេ ទីក្រុងកឹងធើ ក្រុមប្រឹក្សាកាតព្វកិច្ចយោធាឃុំត្រឹងដេ បានចាត់តាំងពិនិត្យសុខភាពជម្រើសដំបូងកាតព្វកិច្ចយោធាឆ្នាំ ២០២៧ សម្រាប់ប្រជាពលរដ្ឋក្នុងអាយុចូលបម្រើកងទ័ព។

យោងតាមផែនការលេខ ៦០១/KH-HĐ.NVQS របស់ក្រុមប្រឹក្សាកាតព្វកិច្ចយោធាឃុំ វគ្គពិនិត្យជម្រើសដំបូងនេះប្រព្រឹត្តទៅជាបន្តបន្ទាប់ចាប់ពីថ្ងៃទី ២៨ ខែកញ្ញា ដល់ថ្ងៃទី ០២ ខែតុលា ឆ្នាំ២០២៦ ដោយគ្រោងនឹងអនុវត្តចំពោះប្រជាពលរដ្ឋចំនួន ៩៧៩ នាក់ មកពី ១៣ ភូមិលើភូមិឋាន។ ក្នុងនោះ ថ្ងៃដំបូងចាត់តាំងសម្រាប់យុវជននៅភូមិដងក្ដោងនិងភូមិកាង។

យុវជនឃុំត្រឹងដេ ចូលរួមពិនិត្យសុខភាពជម្រើសដំបូងកាតព្វកិច្ចយោធាឆ្នាំ ២០២៧ នៅដំណាក់សុខាភិបាលឃុំត្រឹងដេ។

ខ្លឹមសារនៃការពិនិត្យជម្រើសដំបូងរួមមានការសាកសួរប្រវត្តិជំងឺផ្ទាល់ខ្លួននិងគ្រួសារ ពិនិត្យកាយសម្បទា (កម្ពស់ ទម្ងន់ រង្វង់ទ្រូង) ពិនិត្យរកពិការភាព ភាពខុសប្រក្រតី និងជំងឺនានាដែលស្ថិតក្នុងបញ្ជីលើកលែងការកោះហៅបំពេញកាតព្វកិច្ចយោធា យោងតាមបណ្តាសារាចរណែនាំរបស់ក្រសួងការពារជាតិ។ ទន្ទឹមនឹងនោះ ដំណាក់សុខាភិបាលឃុំបានសហការចាត់តាំងការពិនិត្យបន្ថែមជាមួយផ្នែកឯកទេសភ្នែក ត្រចៀក-ច្រមុះ-បំពង់ក ធ្មេញ-ថ្គាម-មុខ ផ្នែកជំងឺក្នុងផ្នែកសល្យសាស្រ្ត ផ្នែកសរសៃប្រសាទ និងសើស្បែក ដើម្បីជំនួយដល់ការពិនិត្យជម្រើសដំបូង។ ដំណើរការនេះបានរៀបចំឡើងតាមលំដាប់តែមួយទិស ដើម្បីធានានូវសណ្តាប់ធ្នាប់ សុវត្ថិភាព និងភាពត្រឹមត្រូវ។

ការងារពិនិត្យសុខភាពជម្រើសជាដំបូង គឺជាជំហានជម្រើសដំបូងដើម្បីរកឃើញនូវករណីដែលមិនធានាតាមបទដ្ឋានកាយសម្បទា និងករណីមានជំងឺ ធ្វើជាមូលដ្ឋានក្នុងការបង្កើតបញ្ជីឈ្មោះពលរដ្ឋដែលមានលក្ខណៈសម្បត្តិគ្រប់គ្រាន់ ដើម្បីកោះហៅទៅពិនិត្យសុខភាពកាតព្វកិច្ចយោធាថ្នាក់លើ រួមចំណែកអនុវត្តជោគជ័យនូវភាគកម្រិតនៃការជ្រើសរើស និងហៅប្រជាពលរដ្ឋចូលបម្រើកងទ័ពឆ្នាំ ២០២៧ របស់ភូមិភាគ៕

ហុងទើ - ថាច់ធី

ចែករំលែកអត្ថបទ

ពាក្យគន្លឹះ