ព្រឹត្តិការណ៍ - នយោបាយ ព្រឹត្តិការណ៍

12/08/2020 - 15:34

មិនទុកឱ្យជំងឺកើតឡើងម្តងទៀត

*ការណែនាំធ្វើចត្តាឡីស័កនៅនឹងផ្ទះ កន្លែងស្នាក់នៅ

ឧបនាយករដ្ឋមន្រ្តី វ៉ូវឌឹកដាម ប្រធានគណៈចង្អុលការជាតិបង្ការប្រឆាំងជំងឺCOVID- ១៩ ទើបដឹកនាំអង្គប្រជុំផ្សព្វផ្សាយការងារបង្ការ ប្រឆាំងរោគរាលដាល។

គណៈចង្អុលការជាតិបង្ការ ប្រឆាំងជំងឺ COVID-១៩ ប្រជុំនៅរសៀលថ្ងៃ ៤ ខែសីហា។

 រូបថត៖ Chinhphu.vn

ថ្លែងយោបល់ក្នុងអង្គប្រជុំ ឧបនាយករដ្ឋមន្រ្តី វ៉ូវឌឹកដាម សំណូមពរ រយៈពេលខាងមុខ មួយផ្នែកគឺត្រូវផ្ដុំកម្លាំងកំចាត់រោគរាលដាលឱ្យឆាប់បំផុតតាមតែអាចធ្វើបាន។ មួយផ្នែកទៀត ត្រូវរឹតបន្តឹងប្រព័ន្ធច្បាប់ “រឹតបន្តឹង”ទូទាំងប្រព័ន្ធ ដំបូងបង្អស់ក្នុងផ្នែកសុខាភិបាល។

លើពិភពលោកមានប្រទេសជាច្រើនដោយការធ្វេសប្រហែស រោគរាលដាលក៏កើតមានឡើងវិញ រីករាលដាលក្លាយជារលកថ្មី បង្កហានិភ័យយ៉ាងធ្ងន់ធ្ងរ។ រោគរាលដាលនៅក្រុងដាណាំងនាពេលកន្លង គឺជាការព្រមានយ៉ាងកំហិតដល់មន្ទីរពេទ្យ ភូមិភាគ គណ: ផ្នែកគ្រប់លំដាប់ថ្នាក់។

ឧបនាយករដ្ឋមន្រ្តី វ៉ូវឌឹកដាម បានសំណូមពរក្រសួងសុខាភិបាលពិនិត្យឡើងវិញទាំងស្រុងនូវសេចក្ដីកំណត់ ណែនាំបង្ការ ប្រឆាំងរោគរាលដាល។ គ្រប់ស្ថាប័នសារព័ត៌មានប្រើប្រាស់ឱ្យអស់លទ្ធភាពមធ្យោបាយ ទម្រង់ផ្សព្វផ្សាយ ដើម្បីពាំនាំនូវសេចក្ដីណែនាំ បញ្ជាឯកទេសសមស្របទៅនឹងស្ថានភាពថ្មី។ ភូមិភាគទាំងឡាយគប្បីបង្កើនកិច្ចចង្អុលការ ត្រួតពិនិត្យ។ ប្រសិនបើអនុវត្តល្អ យើងច្បាស់ជាមានក្ដីសង្ឃឹមលើការទប់ស្កាត់បានរោគរាលដាល ហើយជីវភាពរស់នៅ ការផលិតកម្មដំណើរការជាធម្មតាឡើងវិញ។ "នៅប្រទេសខ្លះកើតមានរលកជំងឺទី ២ ប៉ុន្តែវៀតណាមប្ដេជ្ញាមិនឱ្យកើតមានរលកជំងឺទី ២ ឡើ់យ"។ មិនឱ្យមានបញ្ហាត្រូវគម្លាតសង្គមទ្រង់ទ្រាយធំ ទូទាំងប្រទេស។ យើងត្រូវកំណត់តំបន់តូចបំផុតដែលអាចធ្វើបាន ចំណែកតំបន់ផ្សេងៗទៀតត្រូវឋិតក្នុងសភាពធម្មតាថ្មីដើម្បីអភិវឌ្ឍន៍" ឧបនាយករដ្ឋមន្រ្តី បានសង្កត់ធ្ងន់ដូច្នោះ។

*នាយកដ្ឋានសុខាភិបាលបង្ការ (ក្រសួងសុខាភិបាល) មានសេចក្ដីណែនាំធ្វើចត្តាឡីស័កនៅនឹងផ្ទះ កន្លែងស្នាក់នៅ ដើម្បីបង្ការ ប្រឆាំងជំងឺCOVID-១៩។ យោងតាមនោះ មុខសញ្ញាធ្វើចត្តាឡីស័កគឺអ្នកគ្មានរោគសញ្ញាសង្ស័យថាមានឆ្លងជំងឺCOVID-១៩ (ក្អក គ្រុនក្ដៅ ពិបាកដកដង្ហើម) និងមានកត្តាមួយចំនួនដូចខាងក្រោម៖

រស់នៅរួមក្នុងគ្រួសារ មានកន្លែងស្នាក់នៅជាមួយនឹងករណីឆ្លងជំងឺឬករណីសង្ស័យឆ្លងជំងឺក្នុងរយៈពេលមានជំងឺ។

ធ្វើការរួមជាមួយនឹងករណីឆ្លងជំងឺ ឬករណីសង្ស័យឆ្លងជំងឺក្នុងរយៈពេលមានជំងឺ។

រួមដំណើរទេសចរ គណ:ប្រតិភូការងារ ក្រុមលេងកម្សាន្ដជាមួយនឹងករណីឆ្លងជំងឺ ឬករណីសង្ស័យឆ្លងជំងឺក្នុងរយៈពេលមានជំងឺ។

ការជួបប្រាស្រ័យចម្ងាយពីគ្នា ២ ម៉ែត្រ ជាមួយនឹងករណីឆ្លងជំងឺ ឬករណីសង្ស័យឆ្លងជំងឺក្នុងរយៈពេលមានជំងឺ ទោះបីឋិតក្នុងស្ថានភាពណាក៏ដោយ៕

កាសែតកឹងធើភាសាខ្មែរ (សរុប) ។ ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ