ព្រឹត្តិការណ៍ - នយោបាយ ព្រឹត្តិការណ៍

29/09/2025 - 10:29

ជូនអាហារូបករណ៍លឿងឌិញកួរ "រៀនគ្មានទីបំផុត" ជាង១.០០០ចំណែក

នៅសង្កាត់ភូឡើយ ទីក្រុងកឹងធើ សមាគមជំរុញការសិក្សាទីក្រុងកឹងធើ ទើបរៀបចំពិធីជូនអាហារូបករណ៍លឿងឌិញកួរ “រៀនគ្មានទីបំផុត” ឆ្នាំ២០២៥។

សមមិត្ត ហូធីកឹមដាវអនុលេខាគណៈកម្មាធិការបក្សទីក្រុងកឹងធើ ប្រធានគណៈកម្មាធិការរណសិរ្សមាតុភូមិវៀតណាមទីក្រុងកឹងធើ ជូនអាហារូបករណ៍ដល់សិស្សរៀនពូកែ។

ក្នុងពិធីនេះ សមាគមជំរុញការសិក្សាទីក្រុងកឹងធើ បានជូនអាហារូបករណ៍១.០១១ចំណែកដល់សិស្ស និងមនុស្សចាស់នៅតំបន់ខេត្តសុកត្រាំង (ចាស់) គិតជាទឹកប្រាក់សរុបជាង១,៩៨ ពាន់លានដុង។ ក្នុងនោះ មានអាហារូបករណ៍ ជំរុញការសិក្សា៧៦១ចំណែក (មួយចំណែកៗ មានតម្លៃពី ១-១,៥ លានដុង); អាហារូបករណ៍ជំរុញបញ្ញាចំនួន១៨៦ចំណែកសម្រាប់សិស្សពូកែគ្រប់កម្រិត និងសិស្សពូកែថ្នាក់ខេត្ត (មួយចំណែកៗមានតម្លៃពី៣-៤លានដុង) និងសិស្សប្រឡងជាប់ពិន្ទុខ្ពស់បំផុតក្នុងសម័យប្រឡងសញ្ញាបត្រវិទ្យាល័យ (មួយចំណែកៗមានតម្លៃ២០លានដុង) និងអាហារូបករណ៍២៤ចំណែក (មួយចំណែកៗមានតម្លៃ២លានដុង) សម្រាប់មនុស្សចាស់មានស្មារតីសិក្សាគំរូក្នុង“វង្សត្រកូលសិក្សា”នៅលើភូមិឋានខេត្តសុកត្រាំង (ចាស់) និងអាហារូបករណ៍សម្រាប់កម្មវិធី “ជំនួយប្អូនទៅសាលារៀន” (មួយចំណែកៗមានតម្លៃ១០ លានដុង)។

សមមិត្ត លីរដ្ឋា អនុប្រធានក្រុមប្រឹក្សាប្រជាជនទីក្រុងកឹងធើ ជូនអាហា
រូបករណ៍ដល់សិស្សានុសិស្ស។

បានដឹងថា ក្នុងរយៈពេល៦ខែដើមឆ្នាំ២០២៥ សមាគមជំរុញការសិក្សាខេត្តសុកត្រាំង (ចាស់) ចលនាបានជាង២៨ពាន់លានដុង ជូនអាហារូបករណ៍គ្រប់ប្រភេទបានចំនួន ១៨.៣២៧ ចំណែកដល់សិស្ស និស្សិតដែលមានស្ថានភាពលំបាក និងសិស្សមានស្នាដៃខ្ពស់ក្នុងសម័យប្រឡងថ្នាក់ខេត្ត ថ្នាក់តំបន់ និងថ្នាក់ជាតិជាដើម។

ថ្លែងក្នុងពិធីនេះ លោកង្វៀងវុាំងខើយ អនុប្រធានគណៈកម្មាធិការប្រជាជនទីក្រុងកឹងធើ អំណះអំណាង៖ “អាហារូបករណ៍គឺជាកិត្តិយស មិនចំពោះតែវិស័យអប់រំប៉ុណ្ណោះទេ ថែមទាំងបង្កប់នូវអត្ថន័យមនុស្សធម៌ដ៏ជ្រាលជ្រៅក្នុងសង្គមូបនីយកម្មអប់រំ ជំរុញការសិក្សា ជំរុញបញ្ញា បង្កកម្លាំង ជំរុញស្មារតីសង្វាតរៀនសូត្រដល់ប្អូនៗ សិស្សានុសិស្សជម្នះការលំបាក ខិតខំរៀនសូត្របានល្អ។ ពិសេស គឺជាការលើកទឹកចិត្តដើម្បីសិស្ស និស្សិតបន្តអនុវត្តនូវក្តីប្រាថ្នាលើមាគ៌ាសិក្សារៀនសូត្រ ក្លាយជាបញ្ញវន្តស្នងបន្តកសាងទីក្រុងកឹងធើឱ្យកាន់តែសម្បូរសប្បាយ ស្រស់ស្អាត និងស៊ីវិល័យ”៕

លីធាន-វិមាន

ចែករំលែកអត្ថបទ

ពាក្យគន្លឹះ