សន្តិសុខ - ការពារប្រទេស ការពារប្រទេស

05/02/2024 - 12:51

ហូវយ៉ាង៖

បូកសរុបសកម្មភាព "បុណ្យចូលឆ្នាំកងទ័ពនិងប្រជាជន" ឆ្នាំ២០២៤

នៅឃុំវីថាញ ស្រុកវីធ្វី បញ្ជាការដ្ឋានយោធាខេត្តហូវយ៉ាង បានសហការជាមួយគណៈកម្មាធិការប្រជាជនស្រុកវីធី្វ រៀបចំការបូកសរុបសកម្មភាព “បុណ្យចូលឆ្នាំកងទ័ព-ប្រជាជន” ឆ្នាំ២០២៤។

តំណាងសមូហភាព និងបុគ្គលដែលមានស្នាដៃឆ្នើមក្នុងសកម្មភាពរៀបចំ “បុណ្យចូលឆ្នាំកងទ័ព - ប្រជាជន” ទទួលលិខិតសរសើរពីបញ្ជាការដ្ឋានយោធាខេត្ត។

តាមនោះ បញ្ជាការដ្ឋានយោធាខេត្ត និងគណៈកម្មាធិការប្រជាជនស្រុកវីធ្វី បានសហការឃោសនា ផ្សព្វផ្សាយនូវច្បាប់ការពារប្រទេស ច្បាប់កាតព្វកិច្ចយោធា ច្បាប់ប្រជាស្វ័យត្រាណ និងច្បាប់កងកម្លាំងបម្រុង។ ឃោសនាអំពីចលនា យុទ្ធនាការ ថ្ងៃបុណ្យធំៗដោយរូបភាពជាច្រើន។ សាងសង់ផ្ទះ “មហាសាមគ្គី” ចំនួន២០ខ្នង ជូនគ្រួសារឋិតក្នុងក្របខណ្ឌគោលនយោបាយ កសាងស្ពាន៣ខ្សែ; ផ្ទេរជូនបច្ចេកទេសកសិកម្មដល់យោធិនដែលបានបំពេញសម្រេចកាតព្វកិច្ចយោធា ត្រឡប់មកភូមិស្រុក; ពិនិត្យជំងឺ និងផ្តល់ថ្នាំពេទ្យដោយឥតគិតថ្លៃដល់ប្រជាជនជាង២៥០លើកនាក់; ជូនអំណោយដល់គ្រួសារគោលនយោបាយ គ្រួសារដែលមានសគុណចំពោះបដិវត្តន៍ និងគ្រួសារក្រីក្រ។

ក្រៅពីនេះ បញ្ជាការដ្ឋានយោធាខេត្ត ក៏បានចល័តកម្មាភិបាល នាយទាហានជាង១៥០លើកនាក់ទៅបោះជំរំដោយទិសស្លោក “ហូបរួម រស់នៅរួម ធ្វើការងាររួម ទទួលអំណរបុណ្យចូលឆ្នាំថ្មីវៀតណាមរួមជាមួយប្រជាជន” ដោយមានសកម្មភាពជាក់ស្តែងជាច្រើន ដូច៖ សាងសង់ផ្ទះ កសាងសំណង់បម្រើជីវភាពប្រជាជន កសាងបរិស្ថានបៃតងជាដើម។ សហការជាមួយស្ថាប័ន និងអង្គការនានា ដើម្បីរៀបចំសកម្មភាពចលនា ពិធីប្រឡងដោះដូរវប្បធម៌ សិល្បៈ និងកីឡា ដោយមានកម្មាភិបាល យុទ្ធជន សមាជិកសម្ព័ន្ធយុវជន សមាជិកសមាគមនិងប្រជាជនចូលរួមជាង៥.០០០លើកនាក់។

ក្នុងឱកាសនេះ គណៈកម្មាធិការបក្សនៃបញ្ជាការដ្ឋានយោធភូមិភាគ៩ បានប្រគល់ជូនផ្ទះ “មហាសាមគ្គី” ១ខ្នង គណៈកម្មាធិការបក្សនៃបញ្ជាការដ្ឋានយោធាខេត្ត គណៈកម្មាធិការប្រជាជនស្រុកវីធ្វី និងគណៈកម្មាធិការប្រជាជនឃុំវីថាញ បានជូនអំណោយចំនួន២៥០ចំណែកដល់គ្រួសារគោលនយោបាយ គ្រួសារក្រីក្រនិងគ្រួសារដែលមានស្ថានភាពលំបាកនៅលើភូមិសាស្រ្តឃុំ៕

យោងតាម៖ ទីភ្នាក់ងារសារព័ត៌មានវៀតណាម - សុផន

ចែករំលែកអត្ថបទ

ពាក្យគន្លឹះ