គោលនយោបាយ -ការរស់នៅ គោលនយោបាយ

12/06/2018 - 09:23

ដងផ្លូវសប្បាយរីករាយ

ក្រោយពីរយៈកាលជិត២ឆ្នាំបង្កើត ស្រុកឡុងម៉ី ខេត្តហូវយ៉ាង ផ្នែកហេដ្ឋារចនាសម្ព័ន្ធផ្លូវគមនាគមន៍មានជំហានអភិវឌ្ឍ។

ដងផ្លូវប្រឡាយយ៉ៃផុង ឃុំសាភៀន។

នៅខែសីហា ឆ្នាំ២០១៥ ស្រុកឡុងម៉ី ត្រូវបានបំបែកទៅជាទីរួមស្រុកឡុងម៉ីនិង ស្រុកឡុងម៉ី។ នៅភូមិសាស្រ្តស្រុកឡុងម៉ី មានឃុំមួយចំនួនដែលមានជនរួមជាតិខ្មែររស់នៅកុះករ រួមមានដូច៖ ឃុំសាភៀន ឡឿងង៉ៀវិញវៀន ។ល។ ឃុំទាំងនេះឋិតនៅឆ្ងាយពីមជ្ឈមណ្ឌល បានជាផ្នែកហេដ្ឋារចនាសម្ព័ន្ធមានការអភិវឌ្ឍយឺតយ៉ាវ។ តាមប្រសាសន៍លោកឡេហ៊ឺវភឿក លេខាគណៈកម្មាធិការបក្សស្រុកឡុងម៉ី ឲ្យដឹង៖ ស្រុកកំណត់ច្បាស់ផ្លូវគមនាគមន៍គឺជាបញ្ហាចម្បងមួយក្នុងចំណោមបញ្ហាសំខាន់ៗដទៃទៀត ត្រូវបានដោះស្រាយមុន ដើម្បីធ្វើជាឈ្នាន់សម្រាប់អភិវឌ្ឍទូទាំងស្រុក។ ព្រោះហេតុនោះ រយៈពេលកន្លង មានដងផ្លូវនិងស្ពានជាច្រើនកន្លែងលើភូមិសាស្រ្តស្រុកត្រូវបានបង្កើនកម្រិតបើកទូលាយនិងកសាងថ្មី...។

តាមការធ្វើស្ថិតិបឋម ចាប់តាំងពីពេលបង្កើតរហូតមកទល់នឹងបច្ចុប្បន្នស្រុកបានវិនិយោគទុនហេដ្ឋារចនាសម្ព័ន្ធផ្លូវគមនាគមន៍ ផ្សារភ្ជាប់នឹងកសាងជនបទថ្មី កសាងផ្លូវជនបទជាង៨៦.៦០០ម៉ែត្រការ៉េ ក្នុងនោះ ផ្លូវកៅស៊ូ បេតុងមាន៨២.០០៥ម៉ែត្រការ៉េ (ផ្លូវមានបណ្តោយប្រវែង១៥,៧គីឡូម៉ែត្រ ទទឹង៣,៥ម៉ែត្រ) ជួសជុលផ្លូវប្រវែងជាង៤.៣៨៨ម៉ែត្រ ស្ពាន១.៥៥០ម៉ែត្រការ៉េ។ល។ មានសំណង់ជាច្រើនត្រូវបានស្រុកផ្តុំកម្លាំងផ្សព្វផ្សាយអនុវត្តត្រូវតាមផែនការ ពង្រីកប្រសិទ្ធភាព តួយ៉ាងដូច៖ ដងផ្លូវកៃរាំងផ្លូវប្រឡាយយ៉ៃផុង ប្រឡាយយ៉ាវដូវ (ឃុំសាភៀន) ដងផ្លូវកូវត្រែ និងផ្លូវប្រឡាយមេីុយបា (ឃុំវិញវៀន) ដងផ្លូវតូម៉ា (ឃុំឡឿងតឹម។ល។ ពិសេស គឺដងផ្លូវចាប់ពីទីរួមស្រុកឡុងម៉ី ឆ្ពោះទៅវិញវៀន (មជ្ឈមណ្ឌលរដ្ឋបាលស្រុកឡុងម៉ី) ត្រូវបានបើកទូលាយបង្កើនកម្រិតនៅកំណាត់ផ្លូវធ្វឹងហឹង-វិញវៀន ដើម្បីបង្កលក្ខណសម្បតិ្តងាយស្រួលសម្រាប់ដំណើរការពង្រីកសេដ្ឋកិច្ច-សង្គមនៅភូមិភាគ។

បងហ្វិញវ៉ាន់ដូយ អនុប្រធានគណៈកម្មាធិការប្រជាជនឃុំសាភៀន ឲ្យដឹង៖ “អនុវត្តតាមកិច្ចចង្អុលការរបស់គណៈកម្មាធិការបក្សស្រុក គណៈកម្មាធិការប្រជាជនស្រុកឃុំមានផែនការអភិវឌ្ឍហេដ្ឋារចនាសម្ព័ន្ធ ផ្លូវគមនាគមន៍តាមទិសដៅផ្គួបបញ្ចូលផែនការកសាងជនបទថ្មី ដោយមានកម្មវិធីគម្រោងពិសេសៗសម្រាប់តំបន់ជនរួមជាតិភាគតិច។ រហូតមកទល់នឹងបច្ចុប្បន្ន ផ្លូវតភ្ជាប់ពីភូមិមួយទៅភូមិមួយក្នុងឃុំសុទ្ធតែបានចាក់បេតុង សម្រេចលក្ខឋានជនបទថ្មី។ តភ្ជាប់ផ្លូវនិងតំបន់ជ្រៅ តំបន់ឆ្ងាយ និងទីក្រុងម៉្លោះហើយជីវភាពសម្ភារៈនិងស្មារតីរបស់មាមីងត្រូវបានលើកស្ទួយ”។ នៅពេលមានផ្លូវធ្វើដំណើរទៅមកងាយស្រួល នឹងផ្តល់ឱកាសល្អសម្រាប់មាមីងជនរួមជាតិខ្មែរ។ បងយ័ញចូវ អនុប្រធានភូមិ៤ ឃុំសាភៀន ឲ្យដឹង៖ “ឥឡូវនេះ ពេលថ្ងៃក្នុងភូមិស្ងាត់ ពីព្រោះមាមីងបើកម៉ូតូទៅធ្វើការរៀងៗខ្លួន គ្មាននៅជុំគ្នាផឹកស៊ីដូចមុនឡើយ។ អាស្រ័យមានការងារធ្វើ ម៉្លោះហើយមាមីងរកបានប្រាក់ចំណូលលំនឹង លើកស្ទួយជីវភាពឈានឡើងធូរធារ”៕

ហាថាញ់-មុនី

ចែករំលែកអត្ថបទ

ពាក្យគន្លឹះ