វប្បធម៌-សិល្បៈ សិល្បៈ

08/05/2018 - 09:45

ជក់ចិត្តនឹងសិល្បៈប្រពៃណី

ថាច់ធីនីតា នៅភូមិសង់ច្រវាថ្មី ឃុំត្រាកូង ខេត្តវិញឡុង ជានិស្សិតចំណានផ្នែកឧបករណ៍ភ្លេងប្រពៃណីរបស់មហាវិទ្យាល័យភាសា-វប្បធម៌-វិចិត្រសិល្បៈខ្មែរណាមបូ នៃសាកលវិទ្យាល័យត្រាវិញ។

នីតា កំពុងសម្តែងរបាំ។

ថាច់ធីនីតា ចែករំលែក៖” ខណៈពេលចូលរៀនមហាវិទ្យាល័យខ្ញុំមិនទាន់យល់ដឹងអំពីភ្លេងអ្វីទាំងអស់ ប៉ុន្តែអាស្រ័យការជក់ចិត្តនឹងភ្លេងប្រពៃណីតាំងពីនៅតូចទើបនាងខ្ញុំព្យាយាមហ្វឹកហាត់ សិក្សាស្រាវជ្រាវ ម្យ៉ាងទៀតអាស្រ័យលោកគ្រូ អ្នកគ្រូបានហ្វឹកហាត់និងមិត្តភក្តិជួយជ្រំជ្រែង ទើបនាងខ្ញុំមានការចម្រើនឡើងញាំុងឲ្យការជក់ចិត្តដិតអារម្មណ៍ជាមួយនឹងភ្លេងប្រពៃណីក៏កាន់តែកើនឡើងផងដែរ”។ មិនតែប៉ុណ្ណោះ ដោយសារដឹងថាខ្លួនមានទេពកោសល្យខាងរបាំ ម្ល៉ោះហើយ នីតា ក៏ចូលរួមនឹងក្លឹបសម្តែងសិល្បៈរបស់មហាវិទ្យាល័យភាសា-វប្បធម៌-វិចិត្រសិល្បៈខ្មែរណាមបូ។ ចាប់តាំងពីនោះមក នីតា មានឱកាសរៀនសូត្រ និងហាត់សមក្បាច់របាំប្រពៃណីខ្មែរ មានដូច៖ រាំវង់រាំក្បាច់សារ៉ាវ៉ាន់ របាំអប្សរា។ល។ ជាមួយនឹងការជក់ចិត្តនឹងសិល្បៈផ្សំជាមួយនឹងការព្យាយាមហ្វឹកហាត់ ម្ល៉ោះហើយនៅពេលចូលរួមពិធីប្រឡងប្អូនក៏ទទួលបានរង្វាន់ខ្ពស់ជានិច្ច។ ពិសេស ក្នុងខែតុលា ឆ្នាំ២០១៧ នីតា បានចូលរួមប្រឡងរបាំមានចំណងជើង”របាំចម្ប៉ាថោង” អាស្រ័យសម្ព័ន្ធយុវជនខេត្តវិញឡុងរៀបចំក៏ទទួលបានរង្វាន់ A។

ថាច់ធីនីតា ឲ្យដឹង៖ “នាងខ្ញុំចង់ក្លាយជាអ្នកនិពន្ធរបាំ ពីព្រោះចង់បង្ហាត់របាំប្រជាប្រិយខ្មែរជូនអ្នកជំនាន់ក្រោយ។ ឆ្លងតាមរយៈនោះ រួមចំណែកអភិរក្សនិងពង្រីកសិល្បៈរបាំប្រជាប្រិយរបស់ជនជាតិផងខ្លួន”។ ដើម្បីសម្រេចនូវក្ដីប្រាថ្នានេះ នីតាបានព្យាយាមរៀនសូត្រ ហ្វឹកហាត់ ខ្នះខ្នែងចូលរួមក្នុងក្លឹបសិល្បៈនិងសកម្មភាពសិល្បៈឯទៀតតម្រូវទៅតាមកម្មវិធីសិក្សានិងសាលារៀបចំឡើង។ សព្វថ្ងៃថាច់ធីនីតា ជាសហការីរបស់មជ្ឈមណ្ឌលវប្បធម៌ខេត្តវិញឡុង។

លោកគ្រូសេីុងកាវថាំង អនុប្រធានផ្នែកវិញ្ញាសាសិល្បៈនៃសាកលវិទ្យាល័យត្រាវិញហើយក៏ជាគ្រូបង្រៀនរ៉ាប់រងប្រចាំថ្នាក់ប្រគំឧបករណ៍ភ្លេងប្រពៃណី ឲ្យតម្លៃ៖ “ថាច់ធីនីតា មានការជក់ចិត្តនឹងសិល្បៈប្អូនតែងខិតខំរៀនសូត្រខាងឧបករណ៍ភ្លេងនិងក្បាច់របាំថ្មីៗ។ ថ្វីបើស្ថានភាពគ្រួសារនៅជួបការលំបាក ប៉ុន្តែប្អូនពុះពាររៀនសូត្របានល្អជានិច្ច។ សព្វថ្ងៃ ក្រៅពីចេះលេងភ្លេង ប្អូនថែមទាំងមានទេពកោសល្យខាងសិល្បរបាំទៀតផង។ នីតា មានចរិតស្លូតបូត ជិតដិតជាមួយអ្នករាល់គ្នា ហើយតែងបានលោកគ្រូអ្នកគ្រូនិងមិត្តភក្តិក្នុងថ្នាក់អាណិតស្រឡាញ់និងជួយទំនុកបម្រុង។ ពិសេស ប្អូនតែងខ្នះខ្នែងចូលរួមរាល់សកម្មភាពសិល្បៈអាស្រ័យវគ្គសិក្សាឬសាលារៀបចំឡើង ជាពិសេសគឺការសម្តែងឧបករណ៍ភ្លេងនិងរបាំប្រពៃណីរបស់ជនរួមជាតិខ្មែរ”៕

សេីុងម៉ាល័យ - សេរី

ចែករំលែកអត្ថបទ

ពាក្យគន្លឹះ