សន្តិសុខ - ការពារប្រទេស ការពារប្រទេស

23/04/2018 - 20:33

មិនទុកឲ្យឆ្លកឧក្រិដ្ឋកម្ម

ពោលពីសកម្មភាពរបស់កម្លាំងនគរបាលក្រុងកឹងធើ លោកវ៉ថាញ់ថុង ប្រធានគណៈកម្មាធិការប្រជាជនក្រុងកឹងធើ បញ្ជាក់៖ “ក្នុងការងារប្រយុទ្ធប្រឆាំងបង្ការបង្ក្រាបឧក្រិដ្ឋកម្ម បាបគ្រោះសង្គមគ្រប់ប្រភេទ នគរបាលក្រុងកាន់តែបញ្ជាក់ពីតួនាទីស្នូលឥទ្ធានុភាព បទពិសោធន៍ វាងវៃ ជំនាញវិជ្ជាជីវៈ។ កម្មាភិបាលយុទ្ធជនអនុវត្តបានល្អនូវការក្តោបក្តាប់ ស្ថានភាពម្ចាស់ការប្រទះឃើញកម្ចាត់ករណីជាច្រើនដែលជាប់ពាក់ព័ន្ធដល់វិស័យនានា ត្រូវបានកត់សម្គាល់និងវាយតម្លៃខ្ពស់"។

លោកវ៉ថាញ់ថុង ប្រធានគណៈកម្មាធិការប្រជាជនក្រុងកឹងធើ ជូនប័ណ្ណសរសើររបស់

គណៈកម្មាធិការប្រជាជនក្រុងកឹងធើដល់សមូហភាពបុគ្គលសម្រេចបានស្នាដៃឆ្នើម

ក្នុងការបញ្ជាការកម្ចាត់រឿងក្តីពិសេស។

លោកត្រឹងង៉ុកហាញ់ នាយកនគរបាលក្រុងកឹងធើ ឲ្យដឹង៖ “រយៈពេលកន្លង ស្ថានភាពសន្តិសុខសណ្តាប់ធ្នាប់ សុវត្ថិភាពសង្គមលើភូមិសាស្រ្តក្រុង ត្រូវបានបន្តការធានាលំនឹងឧក្រិដ្ឋកម្មជាច្រើនប្រភេទត្រូវបានកាត់បន្ថយគួរឲ្យកត់សម្គាល់ គ្មាននៅបក្សពួកឧក្រិដ្ឋជនសកម្មភាពតាមបែបសង្គមងងឹតបង្កអុកឡុក"។ ចាប់ពីពាក់កណ្តាលឆ្នាំ២០១៧ រហូតមកទល់នឹងចុងឆ្នាំ នគរបាលក្រុងម្ចាស់ការកម្ចាត់បាន៣ក្រុម ឃាត់ខ្លួនមុខសញ្ញាព្រហ្មទណ្ឌចំនួន៣៧នាក់នៅភូមិភាគខាងជើង និងដុងណាមបូចូលមកកឹងធើគប់គិតនឹងមុខសញ្ញាមួយចំនួនដើម្បីធ្វើសកម្មភាព។ ព្រមជាមួយនោះ ចង្អុលការដល់នគរបាលគ្រប់អង្គភាព ភូមិភាគនានាឡើងបញ្ជីឈ្មោះគ្រប់គ្រងយ៉ាងហ្មត់ចត់មុខសញ្ញាទាំងឡាយ ដែលជ្រកក្រោមរូបភាពអាជីវកម្ម ក្រុមហ៊ុនឲ្យបុលដោយអត្រាប្រាក់ការខ្ពស់ រឹបបំណុល ទារបំណុលឈ្នួល គប្បីវិនិច្ឆ័យយ៉ាងម៉ឺងម៉ាត់ពេលមានករណីឧក្រិដ្ឋជនប្រព្រឹត្តបទល្មើស។ ទន្ទឹមនឹងនោះ អង្គភាពនានាបានបង្កើនការគ្រប់គ្រងសហការត្រួតពិនិត្យ វិនិច្ឆ័យចំពោះមូលដ្ឋានធ្វើអាជីវកម្មក្លែងបន្លំដែលមានអាការៈប្រព្រឹត្តបាបគ្រោះសង្គម ឲ្យចុះកិច្ចសន្យាសកម្មភាពត្រូវតាមសេចក្តីកំណត់។ ឆ្លងតាមរយៈការផ្សព្វផ្សាយកម្លាំងនគរបាលបានរឹបអូសឧបករណ៍ជំនួយរាប់រយគ្រឿង អាស្រ័យប្រជាជននិងអង្គការប្រគល់ជូន។ នៅឆ្នាំ២០១៧ ផ្តើមពីប្រភពដំណឹងសំខាន់ៗពីប្រជាជនផ្តល់ជូន និងការងារក្តោបក្តាប់ស្ថានភាពនគរបាលក្រុងបានប្រទះឃើញទប់ស្កាត់ទាន់ពេល៦ករណី ផលិត ស្តុកទុក ជួញដូរ ដឹកជញ្ជូនអាវុធខុសច្បាប់ រឹបអូសបានគ្រាប់និងកាំភ្លើងគ្រប់ប្រភេទ ព្រមទាំងគ្រឿងច្នៃកាំភ្លើង...។

នគរបាលតាមអង្គភាពនិងភូមិភាគនានា សហការកម្ចាត់ច្រើនករណី រឿងក្តីពិសេស ទ្រង់ទ្រាយធំ ដែលជាប់ពាក់ព័ន្ធដល់វិស័យគ្រឿងញៀន បរិស្ថានបោកប្រាស់សេដ្ឋកិច្ច ។ល។ តួយ៉ាងដូចកម្ចាត់ខ្សែរយៈជួញដូរគ្រឿងញៀននាំមកពីក្រុងហូជីមិញមកចែកចាយនៅក្រុងកឹងធើ អាស្រ័យង្វៀនធីហុងណឺ ធ្វើជាមេខ្លោងកាលពីខែមីនា ឆ្នាំ២០១៧ បន្ទាប់ពីនោះបើកទូលាយករណីសុើបអង្កេត ឃាត់ខ្លួនមុខសញ្ញាជាច្រើនដែលជាប់ពាក់ព័ន្ធ រឹបអូសបានគ្រឿងញៀនចម្រុះ២៦៩ក្រាម និងស្មៅអាមេរិកជាង៣៣ក្រាម កម្ចាត់បក្សពួកប្រើថ្នាំសណ្តំប្លន់ទ្រព្យសម្បត្តិ សកម្មភាពឆ្លងខេត្តមកបង្កហេតុនៅកឹងធើនាចុងឆ្នាំ២០១៧ បង្ការទប់ស្កាត់ទាន់ពេលការដឹកជញ្ជូនត្រីសាច់ ជលផល។ល។ មិនច្បាស់ប្រភព បម្រុងនាំទៅចែកចាយតាមទីផ្សារ ព្រមទាំងបកអាក្រាត់មូលដ្ឋានជាច្រើនដែលជួញដូរអាហារគ្មានគុណភាព។ល។ ទន្ទឹមនឹងនោះ រាល់ករណីដែលជាប់ពាក់ព័ន្ធបទល្មើសប្រើប្រាស់បច្ចេកវិជ្ជាខ្ពស់ដោយកលល្បិចដ៏ប៉ិនប្រសប់ ក៏ត្រូវបានកាត់ផ្តាច់ជាបន្តបន្ទាប់។ ថ្មីៗនេះ នៅខែមីនា ឆ្នាំ២០១៨ នគរបាលកឹងធើឃាត់ខ្លួនមុខសញ្ញា គប់គិតនឹងជនបរទេសលួចដាក់ឧបករណ៍ថត ចម្លងលេខគណនីពីអ្នកប្រើប្រាស់នៅទូបើកប្រាក់ ATM ដើម្បីធ្វើកាតក្លែងក្លាយដកប្រាក់របស់ម្ចាស់គណនី។

លោកវរសេនីយ៍ទោង្វៀនត្រុងកៀង អនុប្រធានការិយាល័យនគរបាលសុើបអង្កេតគ្រឿងញៀន រៀបរាប់៖ “ការងារលំបាក នឿយហត់ មានករណីខ្លះស្មុគស្មាញ ត្រូវទៅឆ្ងាយពិនិត្យបញ្ជាក់ ក្តោបក្តាប់ស្ថានភាព អូសបន្លាយជាច្រើនខែ ប៉ុន្តែកម្មាភិបាលយុទ្ធជនមិនរារែក ប្តេជ្ញាអនុវត្តលុះត្រាតែសម្រេចភារកិច្ច"។ នៅក្នុងការចលនាប្រឡងប្រណាំងដើម្បីសន្តិសុខមាតុភូមិរបស់នគរបាលក្រុងកឹងធើ មានគំរូលេចធ្លោជាច្រើនប្រកបដោយគំនិតឈ្លាសវៃ ប្តេជ្ញាវាយសម្រុកឧក្រិដ្ឋជន មិនទទួលសំណូក។ល។ ត្រូវបានស្ងើចសរសើរនិងជូនរង្វាន់ពីគ្រប់លំដាប់ថ្នាក់។ នៅឆ្នាំ២០១៧ គណៈកម្មាធិការប្រជាជនក្រុងកឹងធើ ជូនប័ណ្ណសរសើរដល់សមូហភាពចំនួន៨៨អង្គភាព និងបុគ្គលចំនួន១៩៣រូប ដែលសម្រេចបានស្នាដៃឆ្នើមក្នុងការងារ៕

កេវទ្រិញ-មុនី

ចែករំលែកអត្ថបទ

ពាក្យគន្លឹះ