គោលនយោបាយ -ការរស់នៅ គោលនយោបាយ

03/04/2018 - 14:49

បង្កើនប្រាក់ចំណូលអាស្រ័យទេសចរណ៍

តាមប្រសាសន៍របស់លោកត្រឹងក្វឹកថាញ់ ប្រធានគណៈជនជាតិខេត្តអាងយ៉ាង៖ ក្នុងអំឡុងពេលនេះរៀងរាល់ឆ្នាំ ជីវភាពជនរួមជាតិភាគតិចលើភូមិសាស្រ្តក្រុងចូវដុក មានភាពលំនឹងអាស្រ័យសកម្មភាពផ្គត់ផ្គង់សេវាទេសចរណ៍នៅភូមិភាគ។

លក់ដូរតិចតួចបាននាំមកប្រភពចំណូលលំនឹងជូនគ្រួសារជាច្រើន។

ចាប់ពីខែ១ដល់ដាច់ខែ៤(ចន្ទគតិវៀតណាម) រៀងរាល់ឆ្នាំ សកម្មភាពទេសចរណ៍លើភូមិសាស្រ្តខេត្តអាងយ៉ាង មានការរីកចម្រើនយ៉ាងខ្លាំង។ តាមប្រសាសន៍លោកត្រឹងក្វឹកថាញ់៖ រៀងរាល់ថ្ងៃតែងមានភ្ញៀវទេសចររាប់ពាន់នាក់មកសែនថ្វាយដូនចួសឺ និងគោរពបូជានៅតាមវត្តអារាមលើភូមិសាស្រ្ត។ បន្ទាប់មកមានភ្ញៀវទេសចរទៅទស្សនានៅតាមរមណីយដ្ឋានលើភូមិសាស្រ្ត ម្ល៉ោះហើយសកម្មភាពផ្គត់ផ្គង់សេវាទេសចរណ៍ លក់ដូរតិចតួចក៏មានភាពរីកចម្រើនយ៉ាងខ្លាំង។ បងចៅអ៊ឹម នៅសង្កាត់ណូយសាម ក្រុងចូវដុក ឲ្យដឹង៖ “ខ្ញុំធាក់កង់ឌុបភ្ញៀវចាប់ពីមជ្ឈមណ្ឌលពាណិជ្ជកម្ម-មណ្ឌលទេសចរណ៍ណូយសាមរហូតដល់វិហារដូនចួសឺ ក្នុងម្នាក់តម្លៃ១០.០០០ដុង។ ប្រសិនបើភ្ញៀវជិះច្រើនគ្នា ខ្ញុំក៏ទទួលបានកម្រៃច្រើនថែមទៀត។ ខ្ញុំរកបានប្រាក់ចំណូលបីរយពាន់ដុងរៀងរាល់ថ្ងៃ។ ជាពិសេស ក្នុងថ្ងៃដើរថ្មើរជើង ចំនួនភ្ញៀវច្រើនកុះករម្ល៉ោះហើយខ្ញុំឌុបភ្ញៀវស្ទើរតែគ្មានពេលហូបបាយ”។ ថ្ងៃដើរថ្មើរជើងគឺ២ថ្ងៃសម្រាកចុងសប្តាហ៍ ចំនួនភ្ញៀវទេសចរក៏ច្រើនកុះករ មិនត្រឹមតែកង់ឌុបម្យ៉ាងប៉ុណ្ណោះ ចំពោះម៉ូតូឌុបក៏សកម្មភាពអស់ពីលទ្ធភាពផងដែរ។ ក្រៅពីការផ្គត់ផ្គង់សេវាដឹកភ្ញៀវចាប់ពីមជ្ឈមណ្ឌលពាណិជ្ជកម្មរហូតដល់វិហារដូនចួសឺ ភ្ញៀវខ្លះក៏ជ្រើសទៅលេងកម្សាន្តនៅលើកំពូលភ្នំសាមតាមរយៈផ្គត់ផ្គងសេវាដឹកភ្ញៀវផ្សេងៗទៀតផង។ តម្លៃឌុបភ្ញៀវឡើងលើកំពូលភ្នំសាមគឺ ២៥.០០០ដុង/លើក។ ដោយសារអាកាសធាតុក្តៅខ្លាំង ម្ល៉ោះហើយភ្ញៀវទេសចរស្ទើរតែគ្រប់គ្នាបានជ្រើសមធ្យោបាយជិះម៉ូតូ ក្រោយមកក៏ធ្វើដំណើរដោយថ្មើរជើងចុះមកវិញ។

សម្លឹងឃើញការលក់ដូរតាមហាង ឬតាមផ្លូវក្តីនៅមជ្ឈមណ្ឌលសង្កាត់ណូយសាម ដោយមានភ្ញៀវទេសចរកុះករ។ បងស្រីនាងសុខច័ន្ទ នៅសង្កាត់ណូយសាម ឲ្យដឹង៖“គ្រួសារនាងខ្ញុំលក់នំអាកោត្នោតរាប់សិបឆ្នាំមកហើយ គឺតាំងពីជំនាន់ម្តាយខ្ញុំមកមេ្លះ។ នំនេះអាស្រ័យគ្រួសារខ្ញុំធ្វើដោយផ្ទាល់ រួចផ្លាស់ប្តូរវេនគ្នាលក់។ មានភ្ញៀវទេសចរជាច្រើនដឹងនំយើងខ្ញុំធ្វើមានរសឈ្ងុយឆ្ងាញ់ ម្ល៉ោះហើយឆ្នាំណាដែលមកសែនថ្វាយដូនចួសឺ គេតែងចូលទិញបួនដប់នំទៅផ្ទះហូបដែរ។ ក្នុងរដូវនេះ គ្រួសារខ្ញុំគិតតែពីធ្វើនំនិងលក់នំឲ្យភ្ញៀវទេសចរ។ ឆ្នាំណាក៏ដូចឆ្នាំណា គ្រួសារខ្ញុំតែងសន្សំសំចៃបានប្រាក់កាសខ្លះ អាស្រ័យចំណូលពីភ្ញៀវទេសចរមកធ្វើសក្ការបូជាដូនចួសឺនេះ”។

លោកឡេស្វឹងដាម ប្រធានការិយាល័យជនជាតិក្រុងចូវដុក មានមោទនភាព ឲ្យដឹង៖ ទេសចរណ៍ផ្លូវចិត្តសែនថ្វាយដូនចួសឺនៅអាងយ៉ាង បានបង្កឱកាសសម្រាប់ពលករជនជាតិភាគតិចរាប់ពាន់នាក់ រកបានប្រាក់ចំណូលលំនឹងផ្ដើមពីសកម្មភាពផ្គត់ផ្គង់សេវាបម្រើភ្ញៀវទេសចរ។ អាស្រ័យហេតុនោះ មានគ្រួសារជនជាតិភាគតិចជាច្រើនមានជីវភាពលំនឹងសម្បូរធូរធារ៕

ហាថាញ់-សេរី

ចែករំលែកអត្ថបទ

ពាក្យគន្លឹះ